2 Timoti 3:3 - Basef Buꞌwami Godi

³ Eaꞌ ina atiasi ukup pipila anis daias, owaꞌ. Ina atiasi sokwaha waf awafi anis daias sandaꞌmasafi, owaꞌatin. Atiasi esis ina ukup peseꞌasa migimigaha sigaꞌi basef awafi, owaꞌatin. Eaꞌ sondaꞌiꞌipama anis daindaiasa waf awafi. Esis eaꞌ ukup piꞌi esis atis ina atiasi sumafi alop asasipi andeandeꞌ, aꞌ owaꞌatin. Sohambombaga epes isimba buꞌwasi, sowaꞌ alafugah sondaiwaꞌma waf buꞌwafi.

2 Timoti 3:3 Iomraidhean Croise

Matyu Nandaꞌafi 10:21

“Nemaf afamba atiasi esis atis sahin owan sondandaꞌma kot sohas sogaꞌ. Eaꞌ ahapas sondaꞌam naꞌamba atina esis nogaopas asasisi. Eaꞌ batawisas wapani sondaꞌ kotima mamasas asasisi anis sohas sogaꞌ.

Matyu Nandaꞌafi 4:1

Ambal buꞌunai Godi nofaꞌ Jisas nafeꞌ anep itap wafigima fataupigima ma aman aunai Satan nogwambana nondaꞌ waf awafi.

Luk Nandaꞌafi 10:16

Eaꞌ naꞌipa alipumi ananimi naꞌi, “Epen ami negameꞌ malogof ipeꞌigufii, anin nameꞌ malogol aeꞌagili wapani. Apaꞌ epen ami neseꞌepa alafugah ipaꞌ, anin naseꞌe alafuga aeꞌ eaꞌ nasoꞌana alafuga anen nasapaꞌe agafiꞌii wapani.”

Luk Nandaꞌafi 16:14

Ama amom Farisi magameꞌ basef ifimba hiafi Jisas nagaꞌiefi, amom mandaꞌmana waꞌap anen. Deiꞌ main, amom ukup pagapagaila moni atini.

Jon Nandaꞌafi 6:70

Jisas nagwamama basef naꞌipam naꞌi, “Aeꞌ andandepa ipaꞌ 12-pelaipa eaꞌ aeꞌipai owaꞌ anona ipeꞌinai ambal aunai.”

Basef Amama Pol Nandaꞌam Mafeꞌma Esis Romi 1:29

Esis sandaꞌ waf hiafi fafifafi awafi fape siꞌifa esis. Ukup pehafel paꞌipaꞌi sogofaꞌ hiahaom hiami ma esis atis. Waf awafi agufifa afamba. Ukup kowagalepa hiahaom buꞌwami awami, ukup numbutipa sogaha anis, saha anis daias sagagaꞌ, migimigah sambasoꞌama sogofaꞌ anom hiahaom anin epeni dowadowafa, eaꞌ sandaꞌ maola sagahambombaga epes. Waf anamba aunai asiꞌina endilisi ma esis. Eaꞌ sandaꞌiꞌipamas saꞌi basef sawalapefa sogolaꞌasa agof anis daiasi ma nogohnaep epes hiasii. Esis sataga bousi saloma God, gigal saꞌoh saꞌi digah luꞌwami atom, solaꞌasa basef banagafi sagasaꞌma agof asasigufi atogof. Ukup pandandaꞌ ma waf naninani aunai dambainai. Eaꞌ sosambala basef mamasasi.

Basef Amama Pol Nandaꞌam Mafeꞌma Esis Romi 1:31

Esis sololama gawa buꞌwani ma waf buꞌwafi eaꞌ saꞌi basef andeandeꞌ, apaꞌ ina saila basef fimba asasifi datima, owaꞌ. Esis ina ukup paipaila anis daias satilis uwahipis, owaꞌatin.

1 Korin 7:5

Ipaꞌ bipa pandasoꞌama eaꞌ ipaꞌ bipa anin ina newaꞌ alafuga anin nindaꞌima alop ananipi, owaꞌi. Ama iꞌi ipaꞌ ukup pegape atogona pihiꞌama alop nogota bandata ma pendaꞌ betena, daoꞌ ipaꞌ pindaꞌi awi naꞌamba atina pendabeten buꞌwani. Ama eaꞌ, pendaꞌ alop pondaloma wapani. Naꞌamba ukup peseꞌepama pigimafi alop andeandeꞌ eaꞌ Satan nogwambepa pendaꞌ waf awafi.

1 Korin 7:9

Apaꞌ iꞌi owaꞌ laꞌifipama pepe andeandeꞌ pimafi nelelelmb beloma alop ipeꞌisi andeandeꞌa, daoꞌ pendandasoꞌama. Waf ipaꞌ pandasoꞌamafi, afamba aꞌ andeandeꞌ fikilaꞌ waf ukup pegehafel banagepa waf awafi soꞌa waulafi.

1 Tesalonaika 4:8

Basef Godi faꞌi apaꞌ ina mondaꞌ waf soꞌa waulafi, owaꞌatin. Eaꞌ epes mamahisa sogowaꞌ alafugaha basef ifimbai, ina sowaꞌ alafugaha epes atis, owaꞌatin. Sowaꞌ alafugaha God wapani. God atona naseꞌepa Ambal buꞌunai ananinai.

1 Timoti 3:11

Eaꞌ naꞌamba atina wauhiamam amamuwai ukup pendapaowa andeandeꞌma maol awo ondaꞌani. Awo ina ondaha basefa anis, owaꞌi. Ondape andeandeꞌ ina weaꞌ embel numbutimbeli wain hiambel, owaꞌi. Dondol ondandaꞌ waf buꞌwafi atef.

Taitus 1:8

Anen nundumafi epes isimba mamahisa sugafiꞌi laugunii analemb walembi. Anen okom mundaꞌi waf fasifi atef. Eaꞌ nomonas sopaona mundumafi alop andeandeꞌ datima. Ma anen nigaila waf fasifi hiafi Godi eaꞌ nope hililiꞌ. Anen nundumafi okom ananimi atom datima andeandeꞌ.

Taitus 2:3

Eaꞌ awo nematawa hagiwai wapani ondafeꞌ usiꞌiwa hililiꞌ. Awo owaꞌi ondaha basefa anis undaꞌiꞌipamasa, owaꞌ. Awo owaꞌi weaꞌ embel hiambeli ohaga ogaola. Awo ondape siꞌi tisa nagawalipasa waf buꞌwafi.

Jems 2:6

Apaꞌ ipaꞌ paha iwana epes isimba kwahusa otamba maisi. Epes mamahisa saha iwana ipaꞌ saseꞌepa akafimi sandaꞌmepa kot? Esis hiahaom hiamisi atis.

2 Pita 2:14

Dondol naep amamipi petaoma nematawa wandaꞌ waf awafii lifilafi ma mondaꞌ waf awafi mogalomawa, amom ina makwaha waf afamba, owaꞌatin endilisi. Amom magaꞌiꞌipa anis epes daiasa mombemefas sondaꞌ waf awafi. Amom mogawa endilisima waf afamba awafi kowagalasafi ma hiahawes anis epes daiasi. Anaf God nohambombagam endilisi.

2 Pita 2:19

Amom maꞌipa anis epes maꞌi, “Iꞌi ipaꞌ pila basef afaꞌifi, daoꞌ ipaꞌ atiasi pepe andeandeꞌma ina anis maefah sowasiꞌipa, owaꞌ. Pepe wahifipa.” Apaꞌ owaꞌ amom magape lafela waf awafi, amamba mawasiꞌam sisihim. Deiꞌ main, iꞌi anis maefah sombemefa anin epen, atiasi epen inimba eaꞌ atapin nepe lafela hiahawes isimba sagambemefani.

2 Pita 3:3

Ipaꞌ ataꞌ ukup pagawa isimba sindaliꞌ. Nimaguf ifiꞌi fagagiꞌi anom amam mondaꞌiafipai motaga migiꞌma ukup awapi amamipi ma waf amamifi. Eaꞌ mondaꞌiafipa naꞌamba

Basef Ifimba Jut Nandaꞌafi 1:16

Amom amamba mambasoꞌam mawisi magalumapai ina mape andeandeꞌ opalef awanelef, owaꞌatin. Amom mondowambaꞌma ma hiahawes hiasii eaꞌ mandaꞌ duꞌwaniga ma God, maꞌi basef simbisambalifi ma anen. Eaꞌ ukup amamipi pesafel naꞌanaꞌa ma waf awafi eaꞌ magiꞌma isimba. Amom gigal maꞌoh naꞌanaꞌa ma magasaꞌma agof amomugufi atogof. Amom maꞌipa anis daindaiasa basef usiusihifi ma mohondoꞌ ukup asasipi pigaila basef amamifi.

Basef Ifimba Jut Nandaꞌafi 1:18

Fowaꞌ amom aposel maꞌipipa naꞌamba maꞌi, “Anif nimaguf akutaifi fegataga, anom amam mondaꞌiafa waf Godi aꞌ mufiꞌi mope. Amom aꞌ mowaꞌ alafugaha God, eaꞌ ukup amamipi pesafel aꞌowaꞌ naꞌanaꞌa ma waf awafi atef eaꞌ mila isimba.”

Revelesen 13:15

Eaꞌ God nape natiti mafin anamba noganai naꞌi ahoꞌma anen nasoꞌana ambip ambagof fagapaipi ma ambal anamba mafin alupunai sagandombanai. Eaꞌ ambal anamba noga naꞌi basef eaꞌ banagona ma noha epes sandaiwaꞌma sondaꞌ lotuma anini sogagaꞌ.

Revelesen 13:17

Eaꞌ epes hiasi sofaꞌ ametal inimba ma agol mafin anamba nagail alupi. Apaꞌ anis sofaꞌ anin namba daiana mafin anamba agilinama. Iꞌi epen ami owaꞌ nefaꞌ ametal inimbaia, anin ina atiasi notala hiahawes epesi, eaꞌ esis wapani ina atiasi sotala hiahawes asasisi, owaꞌatin.

Revelesen 16:6

Deiꞌ main, esis amam nematawa hiasi saha amam nematawa buꞌwasi hililiꞌi ineꞌisi afis saloma profet ineꞌimi wapani eaꞌ esimbel asasimbeli balo. Eaꞌ deiꞌ nasoꞌasa esimbel epes isimba sandaꞌ waf awafii ma sogaꞌambel. Inaꞌ nagwamasam dindiꞌi dondoꞌ mandahama waf awafi asasifi.”

Revelesen 17:6

Nemataꞌw akwamba kwaha esis amam nematawa Godi sahapifa Jisasi sagawalapa agol ananigilii sagagaꞌi. Eaꞌ ati akoꞌw kwaꞌ esimbel asasimbeli kwataga kwahaga kwagaol. Ati akoꞌw eaꞌ bolale kwapeteꞌe endilisi nomonas salasafeꞌ hiahias.