2 Pita 1:9 - Basef Buꞌwami Godi

⁹ Apaꞌ epen mamahina waf afambai akani, anin ina atiasi niti hiahawes sagape lauguni negawas, owaꞌatin. Anin siꞌi naep pagasoꞌani eaꞌ okom masoꞌan God nasaꞌopana nagakwahomana waf awafi hiafi anin naliꞌ nandaꞌafi.

2 Pita 1:9 Iomraidhean Croise

Mak Nandaꞌafi 10:21

Eaꞌ nomonas Jisasi sohafela anen saisailana, naꞌipana naꞌi, “Inaꞌ anef waf fasifi atetef owaꞌ ataꞌ nendaꞌafa. Inaꞌ foꞌo neseꞌasa hiahaom ineꞌimi ma anis daias sotalinama nefaꞌ moni inimba nendaꞌan nesoꞌ isimba kwahusi. Nendaꞌas naꞌamba ma anaf negefaꞌ hiahawes fasisi gani ilif. Eaꞌ nifiꞌi nihapifi nila aeꞌ.”

Luk Nandaꞌafi 18:22

Eaꞌ Jisas nameꞌ basef ifimba naꞌipana naꞌi, “Inaꞌ anef waf fasifi atetef owaꞌ ataꞌ nendaꞌafa. Inaꞌ foꞌo neseꞌasa hiahaom ineꞌimi hiꞌindalama anis daias sotalinama nefaꞌ moni inimba nendaꞌan nesoꞌ isimba kwahusi. Nendaꞌas naꞌamba ma anaf negefaꞌ hiahawes fasisi gani heven. Eaꞌ nifiꞌi nihapifi nila aeꞌ.”

Basef Amama Pol Nandaꞌam Mafeꞌma Esis Romi 6:11

Eaꞌ naꞌamba atina ipaꞌ wapani aꞌ ukup pendapoma ipaꞌ atipa pagaꞌ eaꞌ pakwaha waf awafi siꞌi sagagaꞌi. Ipaꞌ ukup pendapoma ipaꞌ eaꞌ pape sisihipa paloma Krais Jisas pape namipa paloma God.

Galesia 5:13

Endilisi ipaꞌ sahin owan, God nofalipai ma pegape wahifipa hililiꞌ. Naꞌamba ipaꞌ ukup pendandaꞌ piꞌi, apaꞌ eaꞌ mape hililiꞌ wahifipa, deiꞌ andeandeꞌma mondaꞌ waf alop atopafi. Ukup pendandaꞌ naꞌamba owaꞌ. Ipaꞌ ukup pindapindaila sahin owan ipeꞌisi pendaꞌ maol naninani pendatopalopa atin.

Galesia 5:6

Epen ami nepe sisihina Krais Jisas, waf afamba magatopaꞌ alopafi o owaꞌ mogatopaꞌ alopia afamba falafifi atef owaꞌ banagefa. Apaꞌ waf sagahapifa Kraisafi atef fawalapai waf ukup pagapagailasafi. Isimbai atis fasisi endilisi sikilaꞌ.

Efesus 5:26

Anen nandaꞌas naꞌamba sogataga epes Godi atis beꞌes hililiꞌ siꞌi nasaꞌopas embel sagataga boꞌwesa basef ananifi.

Taitus 2:14

Krais anen nakwaha ambal fasili ananili ma nagatala apaꞌ natagwahepa ma waf aunai hianai mogosambala muꞌuli Godi. Anen naꞌi nondombasa apaꞌ ma mogataga epes ananipai atipa buꞌupai, ukup pehafela mondaꞌ maol banagambela mogaila waf hiafi fasifi.

Hibrui 9:14

Apaꞌ esimbel Kraisi bikilaꞌ isimba aꞌowaꞌ. Krais ina nandaꞌ anef waf awafi, owaꞌatin endilisi. Ambal buꞌunai Godi nagape namona dondol lifilafii natopalopana ma nondolalima God nasoꞌana anen atona hiꞌagalana. Isimba atis deiꞌ esimbel ananimbeli ina bandombasa alop atop apeꞌipi andoꞌ, owaꞌ. Ambalemba bandombasa malogof fagape opalef apeꞌilifi nomoni boꞌwalef hililiꞌ peleleꞌ aꞌowaꞌ eaꞌ bakwaha waf naninani wafinai ma apaꞌ deiꞌ mugahapila maol God nagape namunai.

1 Pita 3:21

Embel amamba luꞌwami mondolaꞌwaifa sasaꞌof sogofaꞌ baptais matopalopepa pegape andeandeꞌ. Amamba ina masaꞌopa alogwa alop atop andoꞌi, owaꞌatin. Amamba anif basef endilisi banagafi apaꞌ maꞌif magaloma Godi, ifimba fatagai malogof fagape opalef nomoni boꞌwalef hililiꞌi. Amamba mofaꞌepa pigatanimai ma banagami amamba atom Jisas Krais notanima nogosafelami.

1 Jon 1:7

Anen nogogalaꞌ afitinai. Iꞌi mope mogalaꞌ siꞌi anen waf awafi akapa, eaꞌ mope nembel atembel moloma sahin owan hiasi. Eaꞌ esimbel Jisasi Nogamana Godi basaꞌopa waf awafi apeꞌifi hiafi hiꞌalaf, eaꞌ mataga beꞌepa.

Revelesen 3:17

Ipaꞌ pagaꞌiasi naꞌamba paꞌi, ‘Apaꞌ moni hianai naloma hiahaom hiami maꞌomapa. Apaꞌ ina anin mae akapa, owaꞌatin.’ “Apaꞌ naep aeꞌapi atilipa pape awepa endilisi, ma anis epes sigati ipaꞌ owahipipa. Ipaꞌ pape kwahupa endilisi, naep paseꞌepa alop paimipa dowaf. Apaꞌ ipaꞌ owaꞌ pegawa isimba sowalapa waf awafi ipeꞌifia, owaꞌ.