1 Timoti 5:5 - Basef Buꞌwami Godi

⁵ Apaꞌ iꞌi anoꞌw nemataꞌw alifiꞌwi atoꞌw gwaigwaiꞌw kogape, akoꞌw kondaꞌas naꞌamba. Akoꞌw kogawa endilisi God atiasi nogatopalopaꞌwi ma waf fasifi, kofala God lifilafi owamb alipa beten akwaꞌuni.

1 Timoti 5:5 Iomraidhean Croise

Luk Nandaꞌafi 18:1

Jisas nasoꞌam basef wamon atin alipumi ananimi ma nigihimbaꞌmam mondabeten nimaguf danda ma amom ina alaꞌuta toham ukup iwanip, owaꞌi.

Luk Nandaꞌafi 18:7

Epes isimba God nandandepas eaꞌ ananisii, esis salef sakokona lifilafi owamb alip. Deiꞌ God notopalopasa kot aꞌa owaꞌ? Ahoꞌ, nogatopalopasi. Anen ina niꞌipas fafifafi, owaꞌatin.

Luk Nandaꞌafi 2:37

Aꞌi owaꞌ main, waulunamaꞌw aꞌ nagaꞌ. Eaꞌ kwape dowaf, kwafeꞌ kwafeꞌ deiꞌ afagof akwaꞌugufi fataga 84-pelaiguf. Akoꞌw ina kwaꞌwaha ipat luꞌunai Godi anif nimaguf, owaꞌatin. Akoꞌw kololama gwaꞌaisi kwape kwandabeten eaꞌ kwandaꞌ lotu kwahapila maol Godi kwandaꞌan kwafeꞌ owamb alip.

Aposel 26:7

Ambeh apeꞌihi 12-pelaih mandaꞌ lotuma God owamb alip eaꞌ mahapilif endilisi mape mohafa isimba atis. Deiꞌ aꞌipa inaꞌ dembinai king, aeꞌ wapani ahapilif ape ehafa amamba. Eaꞌ esis Juda sasapagae.”

Aposel 6:1

Nogota atamba esis alipisi sagaila Jisasi sataga hias aꞌowaꞌ. Esis Juda hiasi apaꞌ anis sagaꞌi diga Griki safitap saloma anis Juda sagaꞌi diga Hibrui eaꞌ saꞌi, “Nimaguf hiafi ipaꞌ pagatopalopa esis amam nematawa isimba gwaꞌaisi main akasi, apaꞌ anowa nematawa alifiwai apeꞌiwai owaꞌ.”

Aposel 9:39

Eaꞌ Pita nosafel nafeꞌ nalomam, eaꞌ mafeꞌ mataga mofaꞌana mafeꞌ rum amamba ilif akoꞌw kwagaꞌoma. Nematawa hiawai alifiwai wafiꞌi walutu felefeleꞌma Pita wape walef. Eaꞌ wihimbaꞌmana klos sagegw maim akoꞌw Dokas kwandaꞌmasami dokoꞌ ataꞌ kwape kwagalomawa.

Aposel 9:41

Eaꞌ Pita nahapila lagol akwaꞌugili nasaꞌmaꞌw kwalutu. Eaꞌ nofalai esis amam nematawa sagahapifa Godi saloma nematawa awamba alifiwai, nasoꞌawa akoꞌw kotanima kwafeꞌmawa.

Basef Amama Pol Nandaꞌam Mafeꞌma Esis Romi 1:12

Amamba naꞌamba. Aeꞌ aꞌi hapif aeꞌani netopalopa ipaꞌ eaꞌ ipeꞌini netopalopa aeꞌ newaꞌ banagae. Isimba sowaꞌ banaga opalef apeꞌilifi naꞌamba atin.

Basef Amama Pol Nandaꞌam Mafeꞌma Esis Romi 1:5

Lagof Jisasi atogof God natopalope dowaf nowaꞌ banagae andaꞌ maol aposela asaꞌma agol Jisas Kraisi luꞌwagol. Anen nandaꞌas naꞌamba ma anaf anis amam nematawa misiꞌah hiasi hiꞌilas sohapifana sogaila basef ananifi.

1 Korin 7:32

Aeꞌ aꞌi ipaꞌ opalef fendape awanelef, andaiwaꞌma hiahaom mamimami mogalalamona nomanas ipeꞌisi. Amam owaꞌ mogasoꞌ nematawaia ukup palapafeꞌ hihipa maol Dembinaii, maꞌi mondaꞌ hiahawes Dembinai okom magaꞌiasi.

1 Korin 7:34

Eaꞌ ukup amamipi aꞌ pandawal biafip. Apaꞌ nemataꞌw aiawaiꞌwi ataꞌ owaꞌ kogasoꞌ amania, okom malamafeꞌ aꞌowaꞌ ma maol Dembinai. Akoꞌw okom mandandaꞌma kosoꞌ akoꞌw atoꞌw kogafeꞌma Dembinai ma kope ananiꞌwi hiꞌigalaꞌw. Apaꞌ nemataꞌw kwagasoꞌ amani, nomonas salasagafeꞌma hiahaom itap apaꞌimi atom kwaꞌi kondandaꞌ waf waulunamaꞌw okom mandaꞌiefi.

Efesus 6:18

Eaꞌ lifilafi pendefaꞌ banagami Ambal buꞌunai anambai ma pendaꞌ beten naninani hiani pegahaliꞌ God. Ipaꞌ solawaipa pendabeten pindumafuma datima. Ina pepoma nomaꞌw, owaꞌ. Pendabeten atapipa ma God notopalopa esis amam nematawa ananisi hiasi hiꞌigalas.

Filipai 4:6

Ipaꞌ ina aꞌ nomonas solasefeꞌma hiahaom hiami mogatagamipai, owaꞌi. Ipaꞌ piꞌipanam Goda hiahaom amamba. Pendandabetena anen pinifelona pihaliꞌana ma hiahaom ipaꞌ ukup pagaꞌiami.

1 Timoti 2:1

Maol inimba aeꞌ aꞌi esaꞌma okom ineꞌimi nendaꞌani, basef fagaliꞌi naꞌamba. Ipaꞌ pendabeten pefala God pihaliꞌana, pinifelona ma epes hiasi pendabetena anen nogatopalopa esis soloma amom king dembami moloma gavman dembami wapani. Ipaꞌ pendabeten naꞌamba ma apaꞌ hiapai tol mogape opalef awanelef, mogaila waf Godi usiꞌif hililiꞌi.

1 Timoti 5:16

Iꞌi anota wambota nemataꞌw akwambai akoꞌw Kristena anowa nematawa alifiwai ope, eaꞌ Kristen akwamba kumafiawa. Akoꞌw kondaꞌas naꞌamba esis sios ina nomaꞌw nohasa sugumafawa, owaꞌatin. Naꞌambai andeandeꞌma sios sugumafi nematawa kwahuwai awo atowa wagapani.

1 Timoti 5:3

Basefa nematawa alifiwai fagaꞌi naꞌamba. Nematawa awamba, iꞌi owaꞌ anin epen numafiawaea, inaꞌ nendandaꞌasawa andeandeꞌ nimafiawa.

2 Timoti 1:3

Esis ihase aeꞌasi saila waf Godi, deiꞌ aeꞌ wapani ailaf. Eaꞌ malogol gagape opaf aeꞌ nomoni ina gihimbaꞌme anef waf awafi andaꞌafi, owaꞌ. Beten aeꞌani owamb alip dondol aeꞌ okom mapomena anifela God.

1 Pita 3:5

Nematawa fowaꞌiwai miniꞌap Godi awo wahapifif wape waꞌi endilisi God anaf nigaila basef ananifi datimai. Sosaf awaufi naꞌambai, wandaꞌ naꞌamba wandaꞌ waf buꞌwafi opalef nomon eaꞌ wafeꞌ lafela wauhupawa awaumi.