1 Timoti 3:15 - Basef Buꞌwami Godi

¹⁵ Ma iꞌi owaꞌ efoꞌo etaga ulala, inaꞌ nitigu basef ifimba eaꞌ negawago waf afamba esis sagape andeandeꞌafi ma wambota atamba Godi. Wambota atamba esis sios Godi ambal namili lagapaunai. Sios Godi siꞌi olaf banagafi fogowaꞌ banaga basef endilisifi.

1 Timoti 3:15 Iomraidhean Croise

Matyu Nandaꞌafi 16:16

Saimon Pita nagwamana basef naꞌi, “Inaꞌ Krais, aman anamba God nandandepena nasapaꞌena nagafiꞌii. Inaꞌ Nogamana God ambal namili lagapaunai.”

Matyu Nandaꞌafi 18:18

“Aeꞌ aꞌipipa endilisi! Hiahaom ipaꞌ pegewaꞌam naꞌa itapi, amamba anaf God nowaꞌam gani heven wapani. Apaꞌ hiahaom mamahoma ipaꞌ pegatagwahom naꞌa itapi, amamba anaf God notagwahom gani heven wapani.

Jon Nandaꞌafi 1:17

God nasoꞌana muꞌuli ananini Mosesa nagawalipapa. Apaꞌ Jisas Krais natopalopapa dowafa waf endilisifi.

Jon Nandaꞌafi 14:6

Eaꞌ Jisas naꞌipana naꞌi, “Aeꞌ atowe ufiaꞌw kofagewe ma basef endilisifi feloma ambal namili. Owaꞌ anin epen laꞌifina nefeꞌ negatagama Ahame anoꞌw ufiaꞌwa, owaꞌatin. Eaꞌ aeꞌ atowe.

Jon Nandaꞌafi 18:37

Eaꞌ Pailat naꞌi, “Naꞌamba inaꞌ anina king dembinai.” Jisas nagwamana basef naꞌi, “Inaꞌ naꞌi aeꞌ anawe dembiwai king. Basef ifimba endilisifi. Maꞌme kolae ma egape king dembiwai. Aeꞌ afiꞌi itap apaꞌe ma igawalipasa basef endilisifi. Epen ami nendaꞌ waf endilisifi, inimba negameꞌ basef aeꞌafii.”

Jon Nandaꞌafi 6:69

Afaꞌ wahapifina ogawa endilisi inaꞌ aman Godi buꞌwinai hililiꞌi, nasapaꞌena nagafiꞌii.”

Aposel 1:2

ma dambadamba naliꞌ nandaꞌam eaꞌ mafiꞌi matagama nemaf afamba God nofaꞌana nagalota gani heven. Fowaꞌ Jisas owaꞌ ataꞌ nolota hevena, anen naliꞌ nasoꞌama basef ifimba naꞌipam dindinipa maol amom aposel amamba anen nandandepami. Anen nasoꞌama maol inimba amoma banagami amamba Ambal buꞌunai Godi.

Aposel 14:15

“Ipaꞌ epes, deiꞌ maina pandaꞌam naꞌamba? Afaꞌ wandaiwaꞌ. Afaꞌ biafa ina God dembifai, owaꞌatin. Afaꞌ epes atofa dowaf siꞌi ipaꞌ wawalipipa basef buꞌwafi. Ama ipaꞌ pegakwaha god amamba falafumi basoꞌami ma pefeꞌ pigaila God nagape namona atapinai. Anen nandaꞌ otaga ilif naloma itapi epes hiasi saloma naoh embel luꞌwami maloma hiahaom hiami magapaumi.

Basef Amama Pol Nandaꞌam Mafeꞌma Esis Romi 3:2

Awasi! Waf hiafi fasifi fatagaf. Waf fagaliꞌi afamba. God naliꞌ nasoꞌasa basef ananifi endilisifi atif esis Juda ma sugumafif.

Basef Amama Pol Nandaꞌam Mafeꞌma Esis Romi 9:26

Eaꞌ wambel aliꞌ aꞌipas agaꞌi, ‘Ipaꞌ ina epes aeꞌipai’, anaf wambel ambalemba atembel sofalas siꞌi, ‘Esis awasi Godi nagape namunai.’”

1 Korin 10:32

Ipaꞌ aꞌ ukup pendapoma epes hiasi hiꞌindalas, esis Juda soloma esis owaꞌ Judaisia, eaꞌ soloma amam nematawa sios isimba Godi. Eaꞌ ipaꞌ ina aꞌ pendaꞌ anef waf fendaꞌ esis sogowama waf awafi, owaꞌi.

1 Korin 3:16

Ipaꞌ pegawa aꞌa owaꞌ? Ipaꞌ atipa siꞌi ipat luꞌunai Godi, eaꞌ Ambal buꞌunai ananinai nape nomona opalef ipeꞌilifi.

2 Korin 3:3

Ipaꞌ pandawalap alihipa, pas isimba eaꞌ ipaꞌ atipa. Krais atona nandaꞌ basefa pas isimba. Anen nandandepe naseꞌe pas isimba afoꞌo aseꞌepas. Anen ina nandaꞌ ing nufagiꞌif, owaꞌatin. Anen nufagiꞌifa Ambal buꞌunai God nagape namunai. Anen ina nufagiꞌif fail anom otam waꞌami, owaꞌatin. Nufagiꞌif fail ukup ipeꞌipi nomon.

2 Korin 6:16

Deiꞌ aꞌipipa basef ifimba esaꞌma ukup ipeꞌipi. Apaꞌ ina andeandeꞌma mokolasa ipat Godi luꞌunai nogaloma hiahaom basoꞌami sandombam sandaꞌ lotumami, owaꞌatin. Ipaꞌ pegawa apaꞌ atepa siꞌi ipat anamba God nagapaunai nomon. Siꞌi fowaꞌ anen naꞌias naꞌamba nagaꞌi, “Anaf aeꞌ epe elomas efeꞌ laꞌafena esis eaꞌ epe God asasiwai a esis wapani sepe epes aeꞌasi.”

2 Korin 6:7

Wawalapa basef endilisifi, wandaꞌ maol banagambela banagami Godi. Afaꞌ wahapila waf buꞌwafi hililiꞌi siꞌi wahapila hiahawes wagapaꞌasi lagof biagof kwahisigili gagaili.

Galesia 2:9

Esis Kristen saꞌi agufumi asasimi Jemsi Jon, maloma Pita. Amom mogawa God natopalope dowaf naseꞌe maol inimba. Eaꞌ mandaꞌafa alipufai ondaꞌ maol atitin Godi. Eaꞌ amom wanom maꞌi masoꞌafa lagof aeꞌi Barnabas mihimbaꞌma esis, afaꞌ waloma amom wape opalef atelef wandaꞌ maol atin Godi. Eaꞌ amom wanom maꞌi ahoꞌma ondawalagatanima ma afaꞌ biafa ogafeꞌ ma esis owaꞌ Judaisia, amom mefeꞌma esis Juda.

Galesia 3:1

Ipaꞌ Galesia ukup pagahipai. Afaꞌ wawalipipa basef alihifa Jisas Krais nagagaꞌma ipaꞌ lawag usiꞌigai tiꞌwanaegai, wawalipipaef alihif endilisi siꞌi pagatolom naep ipeꞌipi. Deiꞌ ataꞌ ami nalamona ukup ipeꞌipi paseꞌepa? Naꞌambai owaꞌ.

Efesus 4:21

Aeꞌ egawa endilisi ipaꞌ pegawa basef Kraisi eaꞌ. Ipaꞌ pagape sisihipama anini, amom mawalipipa eaꞌ ma basef ifimba endilisifi Jisas nigihimbaꞌmapafi.

Kolosi 1:5

Fowaꞌ basef buꞌwafi Godi ifimba endilisifi fatagamepa pameꞌefa hiahaom buꞌwami ipeꞌimi deiꞌ maꞌoh magasasaepa heveni pape pegehafami. Hiahaom amamba buꞌwami kofagema ma hapif ipeꞌini naloma waf afamba ipeꞌifi ukup pagapagailasafi.

1 Tesalonaika 1:9

Deiꞌ esis atis saꞌi basefa ipaꞌ pandagala paꞌi nemaf buꞌwafi ma afaꞌ eaꞌ pameꞌ basef afaꞌifi fowaꞌ afaꞌ wanofa wagafeꞌmago ipaꞌ. Esis saꞌi ipaꞌ apakwaha hiahaom amamba ambagof awami fowaꞌ ipaꞌ pandaꞌ lotumami. Eaꞌ pambema opalef pafeꞌma God. Eaꞌ deiꞌ pandaꞌ maola God endilisinai, owaꞌ nogagaꞌia, nagape atapinai.

1 Timoti 3:14

Endilisi aeꞌ aꞌi efeꞌmago inaꞌ kwafalis, apaꞌ deiꞌ ataꞌ andaꞌ basef ifimba inaꞌ.

1 Timoti 3:16

Endilisi atis, basef ifimba kofagefa luꞌwafi aꞌowaꞌ. Owaꞌ anin epen laꞌifina negegawefa, owaꞌ. Fandambahoꞌ fape fafeꞌ fafeꞌ deiꞌ God nihimbaꞌmafaef alihif. Basef ifimba naꞌamba. Anen nataga epen endilisi nofaꞌ alop epesi, nataga nandawalap. Ambal buꞌunai Godi nihimbaꞌmapana anen aman buꞌunai nagape hililiꞌi. Amom ensel Godi matolona. Basef ananifi fafeꞌma esis wambotagw amam nematawa hiasi sogololama Godi. Esis epes itapasi sahapifana. Eaꞌ God nofaꞌana nalota heven nape mogolalaꞌi ananimi.

1 Timoti 3:2

Eaꞌ aman ami nope nugumafi siosi nondape andeandeꞌ aꞌowaꞌ ma epes ina siti anef waf awafima anen, owaꞌ. Anen nosoꞌ nemataꞌw atotoꞌw. Ina neaꞌ embel okom mosoꞌana, owaꞌ. Anen nomonas sondapaona nundumafi alop ananipi andeandeꞌ. Anen nindaila okom buꞌwami atom nondaꞌ waf hiafi usiꞌifi. Anen okom miꞌi hiasi alipisi atis ananisi hiꞌilas nondasoꞌas gwaꞌaisi. Anen nope notaga tisa buꞌwinai ma basef buꞌwafi atif.

1 Timoti 3:5

Aman mamahonama owaꞌ nugumafi awasi soloma wauluꞌmana andeandeꞌia, anen ina notaga nope agilinai numafi sios Godi, owaꞌ.

1 Timoti 4:10

God anen ambal namili lagapaunai. Anen naꞌi nowambilai amam nematawa hiasi hiꞌilas sotanimai sogape andeandeꞌ. Eaꞌ deiꞌ endilisi atis nowambilai epes mamahisa sagahapifanai. Deiꞌ mape mohafana maꞌi endilisi nogofaꞌapa. Isimba atis deiꞌ mandaꞌ maol numaꞌuni endilisi.

1 Timoti 6:16

Eaꞌ anen atona owaꞌ nogagaꞌia, nagape mogogalaꞌi luꞌwami endilisii. Eaꞌ apaꞌ deiꞌ ina laꞌifipama mogafeꞌ felefeleꞌma anen, owaꞌ. Deiꞌ anin epen owaꞌ netelonaia. Owagama wapani, owaꞌ anin laꞌifina nogati anona, owaꞌatin. Aeꞌ aꞌi agol ananigili luꞌwagili goloma banagami ananimi mondapoma anen atona lifilafi dondol. Endilisi.

2 Timoti 2:19

Apaꞌ deiꞌ God nawa olaf banagafi eaꞌ, deiꞌ fape. Olaf afamba anif amef failaf fagaꞌi naꞌamba faꞌi, “Dembinai nogawa andeandeꞌma epes isimba ananisi.” Eaꞌ anif wapani faꞌi, “Epes mamahisa sagaꞌi agol Dembinaii, aꞌ sondakwaha waf awafi.”

2 Timoti 2:20

Ipat luꞌutai nomon dis amamba hiami esis sandaꞌ kapa fasini gol o silva main mogogalaꞌi sandaꞌami. Apaꞌ anom sandaꞌ lawah sandaꞌam, anom sandaꞌ itap sandaꞌam. Anom sandaꞌama maol fasini, siꞌi sando gwaꞌaisi sagaꞌas. Apaꞌ anom sandaꞌama maol awani falafini, sagala alapitami.

Hibrui 10:21

Deiꞌ apaꞌ anona pris dembinai nugumafi amam nematawa Godii. Anamba Jisas atona.

Hibrui 12:22

Ipaꞌ ina pataga hiahaom amamba, owaꞌatin. Ipaꞌ eaꞌ pataga halafuta Saion, wambel luꞌwambili taun God nagape namona atapinai. Anamba Jerusalem dambaigima nagape heveni. Ipaꞌ patagama ensel hiami hiami aꞌowaꞌ mandatama mape mandagala.

Hibrui 3:12

Alipipai aeꞌipai, ipaꞌ solawaipa andeandeꞌ. Naꞌamba anin sahin owan laꞌafena ipaꞌ aꞌ okom mimila waf awafi nekwaha hapif ananini newaꞌ alafugama God nagape namona atapinaii.

Hibrui 9:14

Apaꞌ esimbel Kraisi bikilaꞌ isimba aꞌowaꞌ. Krais ina nandaꞌ anef waf awafi, owaꞌatin endilisi. Ambal buꞌunai Godi nagape namona dondol lifilafii natopalopana ma nondolalima God nasoꞌana anen atona hiꞌagalana. Isimba atis deiꞌ esimbel ananimbeli ina bandombasa alop atop apeꞌipi andoꞌ, owaꞌ. Ambalemba bandombasa malogof fagape opalef apeꞌilifi nomoni boꞌwalef hililiꞌ peleleꞌ aꞌowaꞌ eaꞌ bakwaha waf naninani wafinai ma apaꞌ deiꞌ mugahapila maol God nagape namunai.

1 Pita 2:5

Ipaꞌ wapani siꞌi otamba ambal namili lagapaimbai. God nape nandaꞌepa atapina ma pegataga beꞌepa siꞌi anota ipat buꞌutai ananitai. Ama ipaꞌ pegape epes buꞌupai pendaꞌ maol pindalalima God. Eaꞌ pindalali peseꞌana ukupi ambagof ipeꞌisi sefeꞌma anen. Ipaꞌ pindalali pendaꞌas naꞌamba, okom Godi maꞌi isimba andeandeꞌma maol inimba Jisas Kraisi.

1 Pita 4:17

Nogota atamba atataga eaꞌ ma deiꞌ God nogawaloga esis miniꞌap ananipi ma basef luꞌwafi. Iꞌi God niliꞌ nogawaloga apaꞌ mugaliꞌ, anaf nigiꞌ nowaloga epes isimba sogosambala basef buꞌwafi ananifii sope atiasi siꞌimama? Esis asofaꞌ akafimi luꞌwami.

Revelesen 7:2

Eaꞌ ati anona ensel nafeꞌ nalota ilif awin nagatafima. Anen nahapila ametal banagani Godi nagape namunai eaꞌ nofala ensel amamba biamibiam God nasoꞌam banagami ma mohambombaga itapi naohi.