1 Pita 5:3 - Basef Buꞌwami Godi

³ Ipaꞌ owaꞌi pepe siꞌi epes sogofaꞌ agof luꞌwagufi ma pegape dembipai pegetalogofa esis amam nematawa isimba Godi ipaꞌ pigimafiasia, owaꞌi. Ipaꞌ pendape hililiꞌ andeandeꞌma esis sitilipa sigaila waf ipeꞌifi.

1 Pita 5:3 Iomraidhean Croise

Jon Nandaꞌafi 13:15

Aeꞌ eaꞌ ihimbaꞌmepa waf afamba aeꞌafi. Ipaꞌ pendaꞌam naꞌamba atin siꞌi aeꞌ andaꞌam.

Aposel 20:28

Ipaꞌ pindimafi ipaꞌ andeandeꞌ eaꞌ pimafi esis amam nematawa isimba Ambal buꞌunai Godi nandandepepa eaꞌ ma pigimafisi. Ipaꞌ solawaipa andeandeꞌ ma pigimafi esis Kristen sios Godi andeandeꞌ siꞌi sandaꞌ maoli sugumafi sipsip andeandeꞌ. God natala esis Kristen eaꞌ ma esimbel nogamanai atembel.

1 Korin 11:11

Apaꞌ magape sisihipama Dembinaii magape naꞌamba. Ina nemataꞌw atoꞌw kope aman akaꞌw o aman atona nope nemataꞌw akana, owaꞌatin.

1 Korin 3:5

Ipaꞌ ataꞌ nomonas sondandaꞌmas andeandeꞌ. Apolos anen aman mamahonama? A aeꞌ Pol aman mamahowema? Afaꞌ biafa wandaꞌ maoli atofa. Dembinai nasoꞌafa maol nandandafa. Eaꞌ maol inimba afaꞌ biafa wandaꞌani, ufiaꞌw akwamba atoꞌw deiꞌ ipaꞌ pahapifa Krais.

1 Korin 3:9

Deiꞌ main, afaꞌ biafa wandaꞌ maol atitin Godi. Eaꞌ ipaꞌ siꞌi aof ananifi. Ipaꞌ siꞌi ipat Godi.

2 Korin 1:24

Afaꞌ ina wape waliꞌma oganandona waf ipaꞌ pagahapifa Godafi, owaꞌatin. Deiꞌ main, ipaꞌ atipa palutu banagepa pahapifana eaꞌ. Apaꞌ deiꞌ afaꞌ wandaꞌ maol walomepa ma ondaꞌepa pendagala.

2 Korin 4:5

Deiꞌ main, afaꞌ ina wawalapa basefa afaꞌ ogasaꞌma agof afaꞌigufi luꞌwagof, owaꞌatin. Afaꞌ wawalapefa Krais Jisas atona anen Dembinai. Afaꞌ waila waf Jisasi deiꞌ agof akafa wape lafela ipaꞌ wandaꞌ maol watopalopepa.

Filipai 3:17

Alipipai, ipaꞌ hipai pindaila waf aeꞌafi. Eaꞌ pendandepas andeandeꞌ epes sagaila waf afaꞌifii ma pigailas.

Filipai 4:9

Waf hiafi ipaꞌ patelef pameꞌaf agawalipipafi, afamba ipaꞌ pendandaꞌaf lifilafi. Eaꞌ God nagasoꞌapa opaf awanefii nope nolomepa.

1 Tesalonaika 1:7

Eaꞌ pihimbaꞌmasa waf fasifi isimba hiasi anis amam nematawa sagahapifa Kraisi sagape itap apamba biefip luꞌwagoma Masedoniai Akaia.

2 Tesalonaika 3:9

Afaꞌ wiꞌi ogofaꞌ gwaꞌaisi ma ipaꞌ, God naꞌi andeandeꞌma okom ananimi. Apaꞌ afaꞌ wandaiwaꞌma ogofaꞌ gwaꞌaisi ipeꞌisi, owaꞌ. Afaꞌ wandaꞌas naꞌamba ma pigati waf afaꞌ wandaꞌafi ma petelef pigailaf.

1 Timoti 4:12

Esis sati inaꞌ ukup pandandaꞌ paꞌi, inaꞌ ataꞌ saꞌwinai, apaꞌ ina siꞌi inaꞌ aman falafunai, owaꞌatin. Inaꞌ nendape siꞌi ametal buꞌwani ma esis Kristen sigaila waf buꞌwafi ineꞌifi ma feꞌ, poe, ki, hapif ineꞌisi, soloma waf afamba okom magaila anis deindeiasafi, soloma waf buꞌwafi hililiꞌi.

Taitus 2:7

Inaꞌ atina nendaꞌ waf buꞌwafi atefa amom mutilina ma mugailina mondaꞌ waf hiafi fasifi. Maol inimba nigawalipa epes, inaꞌ owaꞌi niꞌif feloma basef awafia, owaꞌ. Niꞌipas basef buꞌwafi endilisifi atif. Okom ineꞌimi mopoma waf usiꞌifi atefa nendaꞌ maol inimba nigawalipas dondol.

1 Pita 2:9

Apaꞌ ipaꞌ pape wambota Godi nogosaheꞌepa eaꞌi. Ipaꞌ pandaꞌ maola dembinai king Jisas Krais pindilalimana siꞌi pris. Eaꞌ pape amam nematawa Godi atipa miniꞌap hiasi ma ganimba hiagoma. God nosaheꞌepa eaꞌ ananipai atipa ma pegewalapa banagami fasimi moloma agol luꞌwagili ananigili. Anen nofalepa eaꞌ nandaꞌepa pakwaha owamb akot pagafiꞌmai mogogalaꞌi fasimi ananimi.