1 Korin 7:2 - Basef Buꞌwami Godi

² Apaꞌ owaꞌ, waf naninani aunai ma soꞌa wauli nape. Eaꞌ deiꞌ andeandeꞌma amam nematawa hiasi atona atin sondasoꞌama daindai.

1 Korin 7:2 Iomraidhean Croise

Matyu Nandaꞌafi 5:32

Apaꞌ aeꞌ aꞌipipa aꞌi, iꞌi nemataꞌw akwamba owaꞌ kondaꞌ waf awafi soꞌa waulafia, ma waulunamaꞌw nogakwahoꞌw dowaf, anen nandaꞌ akoꞌw kwandaꞌ waf awafi soꞌa waola anom amam daindaiam. Eaꞌ aman ami nagasoꞌ nemataꞌw fowaꞌ anona aman nagaliꞌamonaꞌwi, aman anamba nagiꞌ nagasoꞌakwi wapani nandaꞌ soꞌa waola nemataꞌw akwamba.

1 Korin 6:18

Ipaꞌ pendakwaha waf awafi soꞌa waulafi pefaꞌ pendafeꞌ. Anef waf hiafi awafi sandaꞌaf alop andoꞌ atogon. Apaꞌ epen nandaꞌ waf awafi soꞌa waulafi, nandaꞌ waf awafima alop ananipi atop.

1 Korin 7:1

Deiꞌ aꞌi egwamepa basef ifimba haliꞌifi pandaꞌef fagafiꞌii. Iꞌi anona aman owaꞌ nogasoꞌ anoꞌw nemataꞌwia, eaꞌ andeandeꞌ.

1 Korin 7:3

Alop amani akoꞌw wauluꞌmana kumafiap. Aman ina nondaꞌimap niꞌi ananipi, owaꞌ. Eaꞌ naꞌamba atina alop wauluꞌmanai, alop anen waulunamaꞌw akwaꞌunaii. Akoꞌw wapani ina kundaꞌimap kwiꞌi akwaꞌupi, owaꞌ.

1 Korin 7:9

Apaꞌ iꞌi owaꞌ laꞌifipama pepe andeandeꞌ pimafi nelelelmb beloma alop ipeꞌisi andeandeꞌa, daoꞌ pendandasoꞌama. Waf ipaꞌ pandasoꞌamafi, afamba aꞌ andeandeꞌ fikilaꞌ waf ukup pegehafel banagepa waf awafi soꞌa waulafi.

Efesus 5:28

Deiꞌ naꞌamba atina ipaꞌ amam ukup pindapindaila awo wauhiamepa siꞌi ukup pagaila alop ipeꞌipi atop. Aman ami okom magaila wauluꞌmana ananiꞌwii, anen okom maila anen wapani. Deiꞌ main, esis sataga atifis.

Efesus 5:33

Apaꞌ basef ifimba kofagefa faꞌias naꞌamba wapani ma ipaꞌ epes atona atin naꞌamba faꞌi, “Ipaꞌ amam hipai hiꞌilepa ukup pindapindaila wauhiamepa ipeꞌiwai siꞌi ukup pagapagaila ipaꞌ atipa.” Eaꞌ ipaꞌ nematawa hipai wapani pendasaꞌma agofa wauhupipa ipeꞌimi pinifelom pindaila basef amamifi.

1 Tesalonaika 4:4

Ipaꞌ amam hipai, nemaf mamahefa paꞌi pegasoꞌ nematawa pila waf God nagaꞌiefi pendasoꞌama andeandeꞌ pepe hililiꞌ. Nomonas sopaipa pimafi alop ipeꞌipi andeandeꞌ datima ma waf awafi soꞌa waulafi akepa.

1 Timoti 4:3

Atiasi muwalipasa basef ifimba ma esis sigihiꞌa waf sandasoꞌamafi sigihiꞌa anis gwaꞌaisi epes sagaꞌasi wapani. Apaꞌ gwaꞌaisi isimba God atona nandaꞌasa apaꞌ epes mahapifana mogogawa basef endilisifi. Amambai, apaꞌ mofaꞌam minifela Goda mogaꞌam.