1 Korin 6:1 - Basef Buꞌwami Godi

¹ Iꞌi anin epen laꞌafena ipaꞌ nendaꞌ basef fila anin epen daian, ina andeandeꞌma epen inimba netopaꞌma esis amam nematawa Godi sope ma nefeꞌ nendaꞌ kota naep amom dembami jas mogololama Godii. Naꞌambai owaꞌi. Andeandeꞌma epen inimba ambal aola nefeꞌ nendaꞌ kota naep amom jas mogololama Godii.

1 Korin 6:1 Iomraidhean Croise

Matyu Nandaꞌafi 5:45

Ipaꞌ pendaꞌas naꞌamba ma pegape awasi Godi ahamapa nagape heven ilifi. Anen nandaꞌ awin alipini nataga nape heven ilifa nagatopalopa epes buꞌwasi saloma epes sandaꞌ waf awafii wapani. Anen nandaꞌ asaf falai ma epes isimba sagape hililiꞌi saloma isimba owaꞌ sogape hililiꞌia wapani.

Aposel 19:38

Iꞌi Demitrius noloma amom mandaꞌ maola anini miꞌi mondaꞌ basefa epen ami, bola anef nemaf mondaꞌefa kot. Amom jas dembami mape. Amom Demitriusiami mondaꞌipam.

1 Korin 14:33

Deiꞌ main, God ina nandaꞌ waf uluwalifi, owaꞌatin. Anen nandaꞌwaf usiꞌifi opalef atifilif fagape awanelifi. Apaꞌ sios amam nematawa Kristen sunduwaꞌanima sogape,

1 Korin 16:1

Deiꞌ aeꞌ anif basefa otamba ipaꞌ paꞌi pekolasamba pegasoꞌ esis amam nematawa Godii. Aeꞌ aliꞌ ihimbaꞌmas ufiaꞌwa sondaꞌ maol inimba ma esis sios Galesiaisi sondakolas daindai eaꞌ deiꞌ aꞌi ipaꞌ pendaꞌas naꞌamba atin.

1 Korin 16:15

Ipaꞌ pegawa wambota Stefanasi saliꞌ sataga Kristen saliꞌma Grik hiasi. Eaꞌ esis ukup paꞌipaꞌi aꞌowaꞌ atapisa sandaꞌ maol sagatopalopa epes Godi. Alipipai, aeꞌ aꞌipipa dindinipa

1 Korin 5:12

Maol sagahihiꞌ epes sagape andoꞌma siosi ina maol aeꞌani, owaꞌ. God atona anaf nowaloga waf epes isimbai. Apaꞌ maol sagahihiꞌ epes sagape nomoni, daoꞌ inimba maol ipeꞌini, ipaꞌ pendandaꞌan. “Ipaꞌ liꞌamonago aman aunai nape laꞌafena ipaꞌ nandaꞌ waf awafii.”

1 Korin 6:5

Aeꞌ andaꞌ basef ifimba ma fendaꞌ ambagof ipeꞌigufi awagof. Deiꞌ main? Gawaimi ipeꞌimi hiami mape laꞌafena ipaꞌ amom laꞌifimama mogawaloga anif basef fegataga laꞌafena sahin owan bias ipeꞌisii.