1 Korin 5:4 - Basef Buꞌwami Godi

⁴ Deiꞌ aꞌias eaꞌ naꞌamba. Nemaf afamba ipaꞌ pendakolasafi ma agol Dembinai Jisasi, ambal aeꞌali loloma banagami Dembinai apeꞌinai Jisasi amamba mope molomepa nemaf afamba.

1 Korin 5:4 Iomraidhean Croise

Matyu Nandaꞌafi 16:19

Aeꞌ atiasi eseꞌena ki utaini inaꞌ ma anamba God nagalaꞌambemagoma heven. Hiahaom inaꞌ negewaꞌam naꞌa itapi, amamba anaf God nowaꞌam gani heven wapani. Apaꞌ hiahaom mamahoma inaꞌ negatagwahom naꞌa itapi, amamba anaf God notagwahom gani heven wapani.”

Matyu Nandaꞌafi 18:20

Ahoꞌ, iꞌi epes bias aꞌa wanis ukup pepoma agol aeꞌagili ma sunduwaꞌanima anamba atogon, aeꞌ ape alomas.”

Matyu Nandaꞌafi 28:18

Eaꞌ Jisas nafiꞌi felefeleꞌma amom naꞌipam naꞌi, “God aꞌ naseꞌepam eaꞌ banagami ilifami itapami.

Matyu Nandaꞌafi 28:20

Eaꞌ piwalipasa sogagiꞌma basef buꞌwafi hiafi aeꞌafi agawalipipaef dindinipi. Endilisi atis, aeꞌ ape alomepa ma nimaguf hiafi danda, a pefeꞌ pefeꞌ ma nemaf akutaifi nogota hiꞌigalata.” Basef eaꞌ maꞌuf.

Jon Nandaꞌafi 20:23

Ama iꞌi pegakwaha waf awafi epen ami nandaꞌafi, God wapani aꞌ nokwahomanaf okom mosoꞌanaf. Apaꞌ iꞌi ipaꞌ owaꞌ pekwaha waf afamba awafia, God wapani ina atiasi nokwahef okom mosoꞌanaf, owaꞌatin.”

Aposel 16:18

Dondol nemataꞌw akwamba kwandaꞌas naꞌamba atin nimaguf hiafi. Eaꞌ Pol okom iwanima akoꞌw aꞌowaꞌ, nandambema naꞌipa ambal anamba nagapauꞌwi naꞌi, “Aeꞌ aꞌipina agol Jisas Kraisi, kwahoꞌw nemataꞌw akwamba aꞌ nefeꞌ!” Eaꞌ ambal anamba nakwaha akoꞌw kwafalis aꞌ nafeꞌ.

Aposel 3:6

Owaꞌ Pita naꞌi, “Aeꞌ moni ake, apaꞌ hiahawes buꞌwasi aꞌi atiasi igasiꞌinasi isimba. Aeꞌ aꞌi banagami Jisas Krais Nasaratinai atom aꞌipina, deiꞌ safel aꞌ nilutu nefeꞌ.”

Aposel 4:30

Inaꞌ newamona lagof ineꞌigufi nihimbaꞌma esis inaꞌ banagonai ma negatopalopa esis awasisi sogataga boꞌwes wapani. Eaꞌ nendaꞌ hiahaom banagami mamimami ma agol Jisasi, anen boꞌona hililiꞌi nandaꞌmena maoli.”

2 Korin 13:10

Deiꞌ ape laogon andaꞌago basef ifimba fafeꞌmepago ma main? Aeꞌ andaꞌas naꞌamba ma atiasi efoꞌo epe egalomepa aeꞌ ina iꞌipipa banagambel aꞌowaꞌ ma banagami Dembinai nagaseꞌeami, owaꞌ. Banagami amamba anen ina naseꞌeam ma mogahambombaga ipaꞌ, owaꞌatin. Amamba mogowaꞌ banaga hapif ipeꞌini.

2 Korin 13:3

Nemaf afamba atef aeꞌ egawalipipafi ipaꞌ aꞌ pegawa endilisi siꞌi Krais naꞌi basef fagataga malogol aeꞌagili. Ipaꞌ aꞌ pegawa endilisi atis. Krais ina pupulina ma nandaꞌ maol nagalomepa, owaꞌatin. Anen banagonai.

2 Korin 2:6

Nimanimi akafimi ipaꞌ epes hipai pagasoꞌanami eaꞌ mandahama anen.

Efesus 5:20

Dondol pendanifela ahamapa Goda hiahaom hiami ma agol Dembinai apeꞌinai Jisas Kraisi atogol.

Kolosi 3:17

Hiahawes mamahisa ipaꞌ atiasi pigaꞌiasa basefi o pendaꞌ maolasi, isimba ipaꞌ pendandaꞌasa agol Jisasi. Ama agol ananigil ipaꞌ pendanifela God ahamapa.

2 Tesalonaika 3:6

Ipaꞌ Kristen alipipai, afaꞌ waꞌipipa dindinip naꞌamba ma agol Dembinai Jisas Kraisi. Iꞌi anis alipisi ipeꞌisi tol sope dowafa owaꞌ semeꞌ basef ifimba wagaꞌipasafi silifa, ipaꞌ pindihiꞌamas pekwahis.