1 Korin 4:5 - Basef Buꞌwami Godi

⁵ Eaꞌ deiꞌ nogota dondoꞌatai ataꞌ owaꞌ ma, ipaꞌ owaꞌi pewawaloga waf anin epen daiana. Ipaꞌ ataꞌ pepe pehafa nemaf afamba Dembinai nugafiꞌafii. Anaf anen nofaꞌi hiahaom hiami mandamabahoꞌ magape akoti motaga mondawalap hauguma nogogalaꞌma. Nemaf afamba anen nowalapa ukup epes hiasi pape pandambahiꞌi petaga pindawalap alihigima. Eaꞌ God niꞌipapa basef ananifi apaꞌ hiapai hiꞌilapa atona atin dondoꞌ ma maol apaꞌ mandaꞌ ani, boꞌwen aꞌa awen.

1 Korin 4:5 Iomraidhean Croise

Matyu Nandaꞌafi 10:26

“Eaꞌ ipaꞌ ina ombal mehepa ma amom, owaꞌi. Hiahaom mape mandambahiꞌi anaf motaga alihigima hiasi sotolom sogawam. Hiahaom hiami ataꞌ sambahoꞌwam magaꞌihi, anaf aꞌ motaga mondawalap, hiasi sogawam.

Matyu Nandaꞌafi 24:30

“Aeꞌ ataga epen egefaꞌ alop epesi. Nemaf afamba ametal aeꞌani netaga gani otaga ilif, amam nematawa hiasi sagape itap hiagomai aꞌ selef. Eaꞌ siti aeꞌ eloma ilagw otaga ilif ifiꞌi eloma hiahaom mogogalaꞌi fasimi Godi moloma banagami ananimi.

Matyu Nandaꞌafi 24:46

Anafa dembinai ananinai notanima nogafiꞌi, ma niti aman anamba nandaꞌ maol andeandeꞌ, daoꞌ aman anamba sonohana.

Matyu Nandaꞌafi 25:21

“Eaꞌ dembinai naꞌipana naꞌi, ‘Inaꞌ aman buꞌunai nandaꞌ maol andeandeꞌ datima. Deiꞌ fowaꞌ inaꞌ nimafi hiahawes saꞌwisi andeandeꞌ datima. Deiꞌ endaꞌena nimafi hiahawes luꞌwasi. Inaꞌ nifiꞌi nendagala neloma dembinai ineꞌinai.’

Matyu Nandaꞌafi 25:23

“Eaꞌ dembinai naꞌipana naꞌi, ‘Inaꞌ aman buꞌunai nandaꞌ maol andeandeꞌ datimai. Fowaꞌ inaꞌ nimafi hiahawes saꞌwisi andeandeꞌ datima. Deiꞌ endaꞌena nimafi hiahawes luꞌwasi. Inaꞌ fiꞌi nendagala neloma Dembinai ineꞌinai.’

Luk Nandaꞌafi 6:37

“Ipaꞌ ina aꞌ pewaloga anis epes siꞌi anona jas dembinai nagawaloga basef kot luꞌunai, owaꞌi. Ama anaf God ina nowalogepa, owaꞌ. Ipaꞌ ina aꞌ pesapaga anis epes dowaf, owaꞌi. Ama anaf God ina nosapaga ipaꞌ wapani, owaꞌ. Ipaꞌ pekwahowa waf awafi anis sandaꞌmepaf ipeꞌi. Ama anaf God nogwas nogakwahowa waf awafi ipeꞌifi.

Jon Nandaꞌafi 21:22

Eaꞌ Jisas nagwamana basef naꞌi, “Iꞌi aeꞌ iꞌi anen aꞌ nope ambal lopaona nope nefeꞌ nefeꞌ afamba aeꞌ igitanimai, isimba ina maol ineꞌini, owaꞌatin. Inaꞌ nila aeꞌ.”

Jon Nandaꞌafi 21:23

Eaꞌ basef basoꞌafi wafifi ifimba fafeꞌma afaꞌ alipufai Jisasi faꞌias naꞌamba faꞌi, “Aman anamba anaf ina nogaꞌ, owaꞌ.” Apaꞌ Jisas ina naꞌipafa basef ifimba esis sagaꞌiefi, owaꞌ. Basef ifimba kwamaifi. Jisas naꞌi basef ifimba atif naꞌi, “Iꞌi aeꞌ iꞌi anen nope nefeꞌ nefeꞌ ma nemaf aeꞌ igitanimai, isimba ina maol ineꞌini, owaꞌatin.”

Jon Nandaꞌafi 5:44

Ukup ipeꞌipi paꞌi pendefaꞌ agof luꞌwagufi ma sahopepa owapepa ipeꞌimi atom. Apaꞌ God owaꞌatin. Deiꞌ ipaꞌ atiasi pihapifi piꞌimama? Owaꞌatin.

Basef Amama Pol Nandaꞌam Mafeꞌma Esis Romi 14:4

Ipaꞌ ina pewaloga anin epen nandaꞌ maola anin epen daiani, owaꞌi. Iꞌi anin nigalutu banagena maol ananini o negewa, isimba maol anen Dembinai nugumafi anini atin. Anin atiasi nigalutu banagani. Deiꞌ main, Dembinai ananinai atona laꞌifinama nogowaꞌ banaga anina nigalutu banagen.

Basef Amama Pol Nandaꞌam Mafeꞌma Esis Romi 2:1

Ipaꞌ mamahipama paꞌi basef pagawaloga anis daiasi, atiasi kofagema ipeꞌimi atom. Pemeꞌ, ipaꞌ paꞌi basef pagawaloga anis epes daiasi, waf afambai ipaꞌ pandawaloga ipaꞌ atipa. Deiꞌ main, isimba ipaꞌ paꞌi basef pagawalogasi, inaꞌ sandaꞌ waf awafii.

Basef Amama Pol Nandaꞌam Mafeꞌma Esis Romi 2:16

Amamba anaf motaga naꞌamba atina nemaf afamba God nogawaloga waf hiafi epesi. Afamba anen niꞌi ila ma Jisas Krais nope dembinai nogawaloga waf hiafi asasifi fandambahiꞌi feloma basef saꞌif sagambahoꞌafi. Basef buꞌwafi God aeꞌ agawalapafi ifimba atif.

Basef Amama Pol Nandaꞌam Mafeꞌma Esis Romi 2:29

Ipaꞌ epes hipai Juda. Iꞌi opalef ipeꞌilifi fetaga dambailif, ipaꞌ Juda endilisi. Waf sagatopaꞌ alopafi, God nandaꞌaf opalef ipeꞌilifi nomon. Maol inimba ina natagama basefa muꞌuli nagail buki, owaꞌ. Ambal buꞌunai Ananinai atona nandaꞌan. Epen ami nendaꞌas naꞌambai, anin agol akana nogohnaep epesi, owaꞌatin. Anin agol luꞌwagola naep Godi atip.

Basef Amama Pol Nandaꞌam Mafeꞌma Esis Romi 2:7

Anis sagape banages atapisa waf buꞌwafi sandaꞌ maol solaoma ufiaꞌwa sogofaꞌ agof luꞌwagufi, sigati mogogalaꞌi ma sogape andeandeꞌ lifilafi.

1 Korin 1:7

Eaꞌ deiꞌ ipaꞌ pape ukup pehafa dembinai apeꞌinai Jisas Krais anaf nogataga alihina. Afamba pape pehafana apefaꞌ presen hiani Ambal buꞌunai Godi nagaseꞌepan dowafi hiꞌalan. Ina anin akepa, owaꞌatin.

1 Korin 11:16

Apaꞌ iꞌi epen ami niꞌi basef negapaꞌefa hiahawes isimba, anin aꞌ nendegawa, apaꞌ ina maila anef waf daiaf, owaꞌatin. Maila waf afambai atef. Eaꞌ esis sios amam nematawa Godi hiasi deiꞌ sailaf naꞌamba atin.

1 Korin 11:26

Nimaguf hiafi ipaꞌ pegaꞌ breti kap embel isimba ma, ipaꞌ pewalapa basefa Dembinai nagagaꞌ fetaga alihif fefeꞌ fefeꞌ fetagama nemaf anen nugafiꞌafii.

1 Korin 15:23

Apaꞌ epes hiapai atona atin mope mondasasa nogota apeꞌitai. Aman nagaliꞌi, anen Krais. Anen siꞌi gwaꞌaisi saliꞌ sagaofi. Ama nemaf afamba nogotanimafi, apaꞌ hiapai ananipai aꞌ mosafel wapani.

1 Korin 3:13

Nemaf afamba Krais nogafiꞌafii, maol inimba hiasi sondaꞌani netaga nondawalap alihin nepe boꞌwen aꞌa awen. Nemaf afamba fetaga feloma nif luꞌwafi. Eaꞌ nif ifimba fendo maol inimba hiani epes hiasi atona atini hiꞌilana sogogawa maol asasini boꞌwen aꞌa awen.

1 Korin 3:14

Iꞌi anin epen nelaꞌ ipat togatoma olaf afamba ilifi ma nif owaꞌ fendetaea, anaf nefaꞌ anom hiahaom fasimi.

1 Korin 3:8

Eaꞌ epen inimba negewaha olemb gwaꞌaimbii naloma epen inimba nagasoꞌ embelembii, esis bias sandaꞌ maol inimba atini. Eaꞌ esis bias atona atin anaf sofaꞌ hiahawes sondahama maol sandaꞌani.

2 Korin 10:18

Deiꞌ main, apaꞌ mogawa epen mamahina negasaꞌma agol ananigili atigili, anin agol akana naep Dembinai, owaꞌatin. Iꞌi Dembinai nogasaꞌma agol anin epeni, daoꞌ epen inimba atin nefaꞌ agol endilisi.

2 Korin 10:9

Apaꞌ aeꞌ andaiwaꞌ endilisi ma ipaꞌ piꞌi aeꞌ agaumbalipa dowafa anis pasa basef ifimba aeꞌafi, owaꞌ.

2 Korin 4:2

Afaꞌ owaꞌ alafugah eaꞌ ma waf ambagof awagufi sandambahoꞌ sandaꞌafi. Ina ataꞌ wape wafeꞌ waf afamba basoꞌafi uhufifi watolapa basef Godi walambama lambamaifi waꞌif, owaꞌatin. Afaꞌ wagawalapa basef endilisifi alihifa naep Godi ma epes hiasi semeꞌef sogogawef malogof fagape opalef asasilifi nomoni.

2 Korin 5:10

Apaꞌ mogawa endilisi anaf apaꞌ hiapai motaga ma kot atamba Kraisi hiꞌilapa. Iꞌi apaꞌ mondaꞌ waf buꞌwafi aꞌa waf awafi nogota atamba ataꞌ magape alop apeꞌipi. Anaf apaꞌ hiapai atona atin mofaꞌ hiahaom amamba buꞌwami aꞌa awami mogwama waf afamba apaꞌ mandaꞌafi.

1 Tesalonaika 5:2

Ipaꞌ pegawa eaꞌ nemaf afamba Dembinai nigafiꞌafii. Anen nogafiꞌi nifiꞌi siꞌi epen nandaꞌ wali nagafiꞌi owamba paꞌoh pegelelamana.

Hibrui 4:13

Ina anom hiahaom God nandaꞌami atiasi mondambahoꞌma anen, owaꞌatin. Hiahaom amamba hiami hiꞌalam eaꞌ mandawisiꞌ mape mandawalap alihim endilisi ma naep ananipi. Eaꞌ anaf apaꞌ miꞌipana waf maif hiafi hiꞌilaf apaꞌ mandaꞌafi.

Jems 4:11

Ipaꞌ sahin owan aeꞌipai, ipaꞌ owaꞌi pendawaloga atina waf ipeꞌifia. Epen nigaꞌi basef awafima anin alipinii, aꞌa newawaloga sahin owan ananini, epen inimba anin naꞌi basef awafi nawaloga muꞌuli Godi. Iꞌi ipaꞌ pendaꞌ basef awafi pewaloga muꞌuli inimba, ina ataꞌ paila muꞌuli inimba, aꞌ owaꞌatin. A pape siꞌi dembipai jas pawawaloga muꞌuli inimba.

Jems 5:7

Sahin owan aeꞌipai, ipaꞌ banagepa pindalutu banagepa opalef awanelef pesasa nemaf afamba Dembinai nogotanimai. Ipaꞌ aꞌ ukup pendandaꞌma anona aman ahama aofi. Anen nasasa anef nemaf gwaꞌaisi buꞌwasi sogatalisa otamba hiambai sogataga. Anen opaf awanef nalutu banagona nape nasasa nogota laota ma asaf filai fendaꞌ gwaꞌaisi hiasi sogataga aof afamba.

Jems 5:9

Ipaꞌ ina pendewaloga atina waf ipeꞌifi, owaꞌi. Naꞌamba atiasi God nowawalogepa. Dembinai jas nape felefeleꞌma uta.

1 Pita 1:7

Akafimi amamba matagamepa ma God nogwamba hapif ipeꞌini nondaꞌan negataga boꞌwen banagen. Ipaꞌ aꞌ ukup pendapoma otamba gol, amamba fasimi sagatalom moni luꞌwanii. Apaꞌ hapif ipeꞌini nikilaꞌ gol amamba aꞌ fasin aꞌowaꞌ. Gol amamba anaf higiligalami apaꞌ owaꞌ, esis saofam nifa mogataga boꞌom. Hapif ipeꞌini wapani naꞌamba atin netaga boꞌwen banagena gwambai akafimi mogatagamipai. God nogawamba hapif ipeꞌini ma nendawalap negataga boꞌwen banagena. Ama anaf Jisas Krais notaga nondawalap alihina, atiasi God neseꞌepa agof luꞌwagufi foloma basef buꞌwafi niganifalipamafi ma agili ametal luꞌwani.

1 Pita 5:4

Ama Dembinai nugumafi amam nematawa siꞌi sipsip Godi notaga nondawalap alihinama ipaꞌ pegefaꞌ hiahaom buꞌwami mogape andeandeꞌ lifilafii, agol luꞌwagilimi. Amamba ina atiasi awasim higiligalami, owaꞌ. Mogape atapimi.

2 Pita 3:12

Ipaꞌ pendaꞌas naꞌamba ukup dag pepe pendehafa nemaf luꞌwafi Godi, pendandaꞌ maol ananini banagambela pegemasoꞌ nemaf afamba fegataga. Nemaf afamba atef anaf otaga fendena fitaiꞌwana eaꞌ nif luꞌwafi aꞌowaꞌ fendo hiahaom amamba hiami magape otagai hiꞌilam motaga mumbul mefeꞌ siꞌi embel.

2 Pita 3:4

miꞌi, “Anen naꞌi basef endilisifi atif naꞌi nogafiꞌi wapanii. Apaꞌ deiꞌ anen ataꞌ nape ani? Nogota fowaꞌ dambadamba bafasapa sagagaꞌatai hiahaom amamba hiami hiꞌalam ataꞌ mape atapim naꞌamba atin siꞌi fowaꞌ dambadamba itap apaꞌe pagataga mafiꞌi mataga deiꞌ.”

Basef Ifimba Jut Nandaꞌafi 1:14

Aman anamba Enok fowaꞌ nawalapa basefa hiahawes anaf sigiꞌ sogotagai alihifa amam amamba awami. Anen nataga nagiꞌma wambotagw agwamba 7-pelaigw tagahafela Adami aꞌ nawalapa basef ifimba alihif aꞌowaꞌ ma amom naꞌi, “Ipaꞌ pemeꞌ! Dembinai anaf nifiꞌi noloma ensel ananimi tausen hiami aꞌowaꞌ

Revelesen 1:7

Piti, anen banagonai anaf nifiꞌi noloma otaga esis sotolona naep asasipi eaꞌ epes isimba fowaꞌ sagahana wambaꞌwi sotolona wapani. Isimba atis esis amam nematawa misiꞌah hiahi sagape itapi sotolona sowa solopana kwapeteꞌ ma waf awafi asasifi. Ahoꞌ, amamba anaf motaga endilisi naꞌamba.

Revelesen 20:12

Eaꞌ ati esis sagagaꞌi sape, epes isimba agufisi saloma isimba agof akasi salutu nogohnaep sia kingi. Eaꞌ aman anamba nagatoma siai nupalia buk. Eaꞌ nopalima anoꞌw buk wapani, ambal namiliꞌwi. Eaꞌ nawaloga esis hiasi sagagaꞌi hiꞌalas, nati amef fagape buk akwambai fagaꞌi waf mamahefa esis sandaꞌafi, nawaloga esis sagagaꞌi sandahama waf hiafi esis sandaꞌafi.