1 Korin 3:8 - Basef Buꞌwami Godi

⁸ Eaꞌ epen inimba negewaha olemb gwaꞌaimbii naloma epen inimba nagasoꞌ embelembii, esis bias sandaꞌ maol inimba atini. Eaꞌ esis bias atona atin anaf sofaꞌ hiahawes sondahama maol sandaꞌani.

1 Korin 3:8 Iomraidhean Croise

Matyu Nandaꞌafi 16:27

Aeꞌ ataga epen egefaꞌ alop epesi, anaf aeꞌ ifiꞌi elomai hiahaom fasimi banagami mogogalaꞌi ahamai moloma amom ensel aeꞌami. Ama nemaf afamba, aeꞌ egwamasa hiahaom hiami esis amam nematawa hiasi mondahama waf esis sandaꞌafi hiꞌilaf.

Luk Nandaꞌafi 19:19

“Eaꞌ dembinai naꞌipana naꞌi, ‘Aeꞌ endaꞌena nimafi taun wambel luꞌwambili wanifin biafin.’

Basef Amama Pol Nandaꞌam Mafeꞌma Esis Romi 2:6

Nemaf afamba anen nowalogamasa waf epesi atona atin, nogwamasaf fendahama waf esis sandaꞌafi.

1 Korin 15:58

Eaꞌ deiꞌ ipaꞌ alipipai endilisi aeꞌipai, pendape banagepa andeandeꞌ. Ina ombal mehepa kwasakwasala pendahagas, owaꞌi. Dondol ipaꞌ banagepama pendaꞌ maol Dembinaii. Deiꞌ main, ipaꞌ pegawa maol inimba pandaꞌana Dembinaii, ina anaf newala dowaf, owaꞌatin.

1 Korin 3:14

Iꞌi anin epen nelaꞌ ipat togatoma olaf afamba ilifi ma nif owaꞌ fendetaea, anaf nefaꞌ anom hiahaom fasimi.

1 Korin 3:7

Eaꞌ deiꞌ epen inimba negewaha olemb gwaꞌaimbii, anin agol akan. Eaꞌ epen nagakoloꞌ embelasi wapani anin agol akan, apaꞌ God nandaꞌ gwaꞌaisi isimba sagatagai, anen atona agol luꞌwagili gatomana.

1 Korin 3:9

Deiꞌ main, afaꞌ biafa wandaꞌ maol atitin Godi. Eaꞌ ipaꞌ siꞌi aof ananifi. Ipaꞌ siꞌi ipat Godi.

1 Korin 4:15

Iꞌi endilisi ipaꞌ amom mogawalipipa basef Kraisi 10,000-pelaim eaꞌ hapaimi, apaꞌ ahapepa ina hiam, owaꞌ. Waf Krais Jisasi atef aeꞌ atowe ape ahamepa ipeꞌiwai, ipaꞌ pataga batawis aeꞌipai ma basef buꞌwafi Godi agawalipipafi.

1 Korin 9:7

Aman mamahonama nandaꞌ maol soldiai anen atona notala gwaꞌaisi mais ananisi? A epen ami nandaꞌ hiahawes nawas aof ama anen owaꞌ nofaꞌ gwaꞌaisiafa? O epen ami nimafi bulmakau ma anin owaꞌ neaꞌ nomagofa amoma? Owaꞌatin endilisi.

Galesia 6:4

Epes hiasi atona atin ataꞌ sihihiꞌ maol asasini daindai, boꞌwen aꞌa owaꞌ. Iꞌi boꞌwena, epen inimba sonehana maol inimba ananini. Eaꞌ anin maol akana negawaloga maol anin daiani.

Galesia 6:5

Amam nematawa hiasi atona atin anaf sofaꞌ nimanimi asasimi daindai.

Hibrui 6:10

God ina epen aunai ma atiasi okom mogasoꞌana opeh hiahi ipaꞌ pandaꞌahi, owaꞌatin. Ipaꞌ ukup paipailana. Isimba atis deiꞌ sasaꞌmai ipaꞌ ma pandaꞌ maol inimba ma pegatopalopa amam nematawa ananisi. Eaꞌ deiꞌ ataꞌ pandaꞌas naꞌamba atapipa.

1 Pita 5:4

Ama Dembinai nugumafi amam nematawa siꞌi sipsip Godi notaga nondawalap alihinama ipaꞌ pegefaꞌ hiahaom buꞌwami mogape andeandeꞌ lifilafii, agol luꞌwagilimi. Amamba ina atiasi awasim higiligalami, owaꞌ. Mogape atapimi.

2 Jon 1:8

Ipaꞌ aꞌ solawaipa andeandeꞌma pegefaꞌ hiahaom fasimi amamba pandaꞌ maol paꞌi pegefaꞌami. Naꞌamba ipaꞌ anaf ina pefaꞌ amamba, owaꞌatin. Andeandeꞌma pegefaꞌam siꞌim.

Revelesen 2:23

Esis isimba sagaila basef akwaꞌufi wapani, atiasi ehas sogaꞌ. Ama esis amam nematawa hiasi Godi sogogawa Aeꞌ agawaloga nomonas saloma nelelemb epes hiasi andeandeꞌi. Eaꞌ atiasi egwamepa hiahawes ipaꞌ atona atin, sondahama waf ipaꞌ pandaꞌafi.

Revelesen 22:12

Eaꞌ Jisas naꞌi, “Pemeꞌ! Anaf aeꞌ etaga kwafalis. Eaꞌ ifaꞌai hiahaom buꞌwami aꞌa awami, ewaloga esis egagwamasam hiꞌigalas atona atin mondahama waf esis sandaꞌafi.