1 Korin 3:7 - Basef Buꞌwami Godi

⁷ Eaꞌ deiꞌ epen inimba negewaha olemb gwaꞌaimbii, anin agol akan. Eaꞌ epen nagakoloꞌ embelasi wapani anin agol akan, apaꞌ God nandaꞌ gwaꞌaisi isimba sagatagai, anen atona agol luꞌwagili gatomana.

1 Korin 3:7 Iomraidhean Croise

Jon Nandaꞌafi 15:5

Aeꞌ siꞌi lawag siꞌiga. Ipaꞌ siꞌi agofugama. Epen negape aeꞌi ma aeꞌ egape anini, atiasi negela gwaꞌaisi hiasii. Iꞌi ipaꞌ pekwaha aeꞌ, ipaꞌ atipa ina atiasi pendaꞌ anis maefah, owaꞌatin.

1 Korin 13:2

Iꞌi Ambal buꞌunai Godi noseꞌe presen hiahaom fasimi nosaꞌme ma egawalipasa basef Godi ma egegawa okom hiami Godi mape mandamabahiꞌi hiꞌigalam, ama egegawa gawa hiani hiꞌigalan wapani, ma igahapifa God banagambel endilisi ma laꞌifiwi esapaꞌ halafutagw gogafeꞌ gani doꞌwan, apaꞌ aeꞌ owaꞌ okom mimila esis amam nematawa endilisi, aeꞌ falafuwai atowe.

1 Korin 3:6

Aeꞌ aliꞌ ewaha olemb gwaꞌaimbi, Apolos nagiꞌ nakoloꞌ embelas. Apaꞌ God atotona nandaꞌam mataga.

1 Korin 3:8

Eaꞌ epen inimba negewaha olemb gwaꞌaimbii naloma epen inimba nagasoꞌ embelembii, esis bias sandaꞌ maol inimba atini. Eaꞌ esis bias atona atin anaf sofaꞌ hiahawes sondahama maol sandaꞌani.

2 Korin 12:11

Basef ifimba aeꞌ agaꞌiefi ifimba basef putuputaꞌafi aꞌif siꞌi epen okom magahani. Apaꞌ ipaꞌ pesaꞌma aeꞌ deiꞌ aꞌif naꞌamba. Iꞌi ipaꞌ pasaꞌma agol aeꞌagiliea, afamba waf usiꞌifi. Apaꞌ owaꞌ, owaꞌatin. Endilisi aeꞌ epen falafuwai, apaꞌ ina afeꞌ lafela amom amamba “aposel ipeꞌimi” magaliꞌi, owaꞌatin.

2 Korin 12:9

Owaꞌ anen naꞌipi naꞌamba naꞌi, “Aeꞌ atopalopena dowaf, waf afamba banagefa inaꞌ. Deiꞌ main, banagami aeꞌami amamba mandaꞌ maol banagambel endilisi ma epes owaꞌ banagasia.” Eaꞌ aeꞌ deiꞌ ina ataꞌ okom iwanim, owaꞌatin. Aeꞌ sonahe aꞌowaꞌ ma amamba ma banagami Kraisi mogapaowe.

Galesia 6:3

Iꞌi anin epen okom mondandaꞌ nembasoꞌam niꞌi anin agol luꞌwagilini, ma anin agol akan, epen inimba nandambasoꞌma nembel ananimbili atembel.