1 Jon 5:10 - Basef Buꞌwami Godi

¹⁰ Eaꞌ epen ami nagahapifa Nogamana Godi, basef ifimba endilisifi fape nomon okom ananimi. Apaꞌ epen ami owaꞌ nigahapifa Godia, epen inimba naꞌi God aman nagambasoꞌami. Deiꞌ main, epen inimba ina nahapifa basef ifimba God nagaꞌifa Nogamana ananinai, owaꞌ.

1 Jon 5:10 Iomraidhean Croise

Jon Nandaꞌafi 3:16

Ahoꞌ endilisi, God nogamana aman ananinai atotona nape. Owaꞌ, owaꞌatin. Anen okom maimaila amam nematawa hiapai magape itapi hiꞌalapa. Eaꞌ nasoꞌapai Nogamana ananinai atotona ma epes ami sogahapifanai sogape andeandeꞌ, ina sogaꞌma waf awafi, owaꞌatin. Sofaꞌ ambal namili sope andeandeꞌ lifilafi.

Jon Nandaꞌafi 3:18

Epen ami nigahapifa anini, anin atiasi basef akana kot luꞌutai. Apaꞌ epen ami owaꞌ nigahapifanaia, epen inimba aꞌ lamonan higililan eaꞌ ma kot anamba luꞌunai aunai. Deiꞌ main? Anin nandaiwaꞌma nigahapifa Nogamana atotona Godi, naꞌamba epes isimbai aꞌ lamonas hiꞌilas.

Jon Nandaꞌafi 3:33

Epen ami nameꞌ basef ananifi ma nigailafi, anin naꞌi ahoꞌma basef ifimba nihimbaꞌmasaf alihif God anen nagaꞌi basef endilisifi atifi.

Jon Nandaꞌafi 5:38

Eaꞌ basef ananifi wapani ifimba ina fape ukup ipeꞌipi, owaꞌatin. Deiꞌ main, ipaꞌ owaꞌ pihapifa aeꞌ God nasapaꞌe agafiꞌiia.

Aposel 8:37

[Eaꞌ Filip naꞌi, “Iꞌi inaꞌ nihapifana endilisi ma nembel ineꞌimbili, inaꞌ daoꞌ ila.” Eaꞌ nagwamana basef naꞌi, “Aeꞌ ahapifa Jisas Krais anen nogamana Godi.”]

Basef Amama Pol Nandaꞌam Mafeꞌma Esis Romi 8:16

Ambal buꞌunai Godi atona nape sisihina apaꞌ natopalopa ambagof apeꞌigufi eaꞌ deiꞌ mawalapa basef maꞌif alihif, mape awasi Godi.

Galesia 4:1

Basef aeꞌafi fagape naꞌamba. Awani nogamana nagaliꞌi anamba owagama nogofaꞌ hiahawes ahamanai. Apaꞌ anen ataꞌ saꞌona sandaꞌana nape lafela anona aman dembinai. Apaꞌ endilisi hiahawes hiasi ahamanai, aꞌ ananisi siꞌis.

Galesia 4:6

Apaꞌ mape awasi ananipai. Isimba atis deiꞌ God nasoꞌapa Ambal buꞌunai Nogamanai nawis ukup apeꞌipi. Ambal anamba nalef nofalana naꞌi, “Ahame, Ahame!”

Kolosi 3:3

Deiꞌ main, ipaꞌ pagaꞌ eaꞌ. Ipaꞌ pape sisihipama God, deiꞌ ambal namili ipeꞌili lape landabahoꞌ siꞌi Krais deiꞌ nape nandambahoꞌ.

Hibrui 3:12

Alipipai aeꞌipai, ipaꞌ solawaipa andeandeꞌ. Naꞌamba anin sahin owan laꞌafena ipaꞌ aꞌ okom mimila waf awafi nekwaha hapif ananini newaꞌ alafugama God nagape namona atapinaii.

2 Pita 1:19

Afaꞌ atofa ukup pandandaꞌma basef ifimba God nagaꞌiefi wameꞌef afamba wagape halafuta atamba. Basef ifimba fewaꞌ banaga basef fowaꞌ amom profet magaꞌiefi eaꞌ wahapilif banagef waꞌi endilisi atis. Iꞌi ipaꞌ pemeꞌ basef ifimba amamifi ukup kilikalaꞌ pepemef, daoꞌ andeandeꞌ. Deiꞌ main, basef ifimba siꞌi anin nagwapin fagandini nape negegalaꞌ akoti. Eaꞌ negalaꞌ nape atapin nafiꞌi nataga aꞌ lala. Ama ondoꞌw kuhimbitaiꞌwi lagalamaꞌwi kogohafili opalef ipeꞌilifi nomon.

1 Jon 1:10

Iꞌi apaꞌ miꞌi, “Apaꞌ owaꞌ mondaꞌ waf awafia”, apaꞌ mofala God maꞌi anen aman nagaꞌi basef basoꞌafii. Eaꞌ basef ananifi ina fape opalef apeꞌilifi, owaꞌatin.

1 Jon 5:1

Epen mamahina nagahapifa Jisas anen Krais God nasapaꞌana nagafiꞌii, epen inimba awani Godi. Eaꞌ epes mamahisa ukup pagapagaila ahamas atotonai, esis ukup paipaila awasi ananisi wapani.

Revelesen 12:17

Eaꞌ anen okom numbutina aꞌowaꞌ ma akoꞌw eaꞌ nafeꞌ naꞌi nondaꞌ wandaf noloma anis batawisaꞌw akwaꞌusi, esis amam nematawa isimba sagaila muꞌuli hiani Godii sawalapa basef Jisasi sagailafi.

Revelesen 2:17

Ipaꞌ aligah hagapaipai pendameꞌ andeandeꞌ basef ifimba Ambal buꞌunai Godi nagawalapefa esis amam nematawa Kristeni. Epen ami nilutu banagena nelefata wandafa negaliꞌamona waf awafii, Aeꞌ bola eseꞌasa gwaꞌaisi aeꞌasi buꞌwasi sandambahoꞌ sagape heveni. Gwaꞌaisi isimba agilisa mana. Eaꞌ eseꞌasa anemba otamba fasimbai afitimbai atona atin, eaꞌ endaꞌ anagol agol namigili gil otamba ambamba. Ina anin epen negawa agol agalemba, owaꞌatin. Epen negefaꞌ otam amambai, anin atin negawagol.”

Revelesen 2:28

Eaꞌ eseꞌepa ondoꞌw kuhumbitaiꞌwi lalaꞌwan.