1 Jon 4:6 - Basef Buꞌwami Godi

⁶ Apaꞌ apaꞌ, epes Godi. Epen mamahina negegawa Godi, anin nemeꞌ basef apeꞌifi. Apaꞌ epen ami owaꞌ epen Godia, inimba ina nameꞌ basef apeꞌifi, owaꞌatin. Eaꞌ isimba atis deiꞌ ametal inimba nihimbaꞌmapa ma mogogawa epes isimba. Iꞌi Ambal Godi endilisinai nupais, asemeꞌ basef apeꞌifi. Apaꞌ iꞌi ambal nagambasoꞌami nupais, ina semeꞌ apaꞌ, owaꞌ.

1 Jon 4:6 Iomraidhean Croise

Luk Nandaꞌafi 10:22

“Ahame aeꞌanai nandaꞌ hiahaom hiami hiꞌalam mape lagol aeꞌagili. Ina anin epen negawa aeꞌ Nogamana Godi, owaꞌatin. Anen atona nogawe. Eaꞌ owaꞌ anin epen negawa ahamea, owaꞌatin. Aeꞌ Nogamana ananiwai atowe egawana. Aeꞌ aloma epes isimba mamahisa igihimbaꞌmasa isimba wapani, esis atis sogawana.”

Jon Nandaꞌafi 10:16

Aeꞌ anom sipsip daiam malutumi. Apaꞌ amom ina malutu nomon indalelemb ambalemba, owaꞌ. Amom magalutu indalelemb anagon daiagini. Aeꞌ okom maꞌiam aꞌowaꞌ anef nemaf aꞌ efaꞌam mifiꞌi memeꞌ malogol aeꞌigili ekolasom mulutu indalelemb atelemb aeꞌ atowe imafiam.

Jon Nandaꞌafi 10:27

Sipsip aeꞌami mameꞌ malogol aeꞌagili eaꞌ egawam mameꞌ basef aeꞌafi maili.

Jon Nandaꞌafi 10:3

Aman nugumafi utai nawisiꞌman uta ma nugumafi sipsip. Amom sipsip mameꞌ malogol ananigili. Nofala agofa sipsip ananimi, eaꞌ naoꞌwam mawisi andoꞌ.

Jon Nandaꞌafi 13:20

Aeꞌ aꞌipipa basef endilisi, epen ami negasoꞌan nembel anin epen aeꞌ agasapaꞌani, anin naseꞌe nembel aeꞌ. Eaꞌ epen ami negaseꞌe nembel aeꞌi, anin nasoꞌana nembel Ahame aeꞌanai wapani nasapaꞌe agafiꞌii.”

Jon Nandaꞌafi 14:17

Anamba Ambal buꞌunai Godi nagaꞌi basef endilisifii. Esis amam nematawa sagaila waf itapafi ina atiasi sotolona sogawana sofaꞌana, owaꞌ. Apaꞌ ipaꞌ pegawana eaꞌ nape nalomepa, eaꞌ atiasi aꞌ nuwis nope nomon opalef ipeꞌilimbi.

Jon Nandaꞌafi 15:26

“Apaꞌ anen natopalopepa nogowaꞌ banagaipai, anen napani naloma Ahame. Eaꞌ aeꞌ esapaꞌana nifiꞌmai ipaꞌ. Anen Ambal buꞌunai nawalapa basef nagaꞌi endilisii. Anamba nafiꞌi ma nogawalapa basefa aeꞌ.

Jon Nandaꞌafi 16:13

Nemaf afamba Spirit Ambal Godi nagaꞌi basef endilisifii nugafiꞌi, aꞌ nisindiꞌamonepa ma basef hiafi endilisifi. Anen ina aꞌ nowalapa basef nomonas ananisi atis, owaꞌatin. Basef nagameꞌef eaꞌi, ifimba atif nowalapef niꞌif. Ama atiasi nogaꞌipipa hiahaom amamba maꞌi anaf migiꞌ mogatagai.

Jon Nandaꞌafi 18:37

Eaꞌ Pailat naꞌi, “Naꞌamba inaꞌ anina king dembinai.” Jisas nagwamana basef naꞌi, “Inaꞌ naꞌi aeꞌ anawe dembiwai king. Basef ifimba endilisifi. Maꞌme kolae ma egape king dembiwai. Aeꞌ afiꞌi itap apaꞌe ma igawalipasa basef endilisifi. Epen ami nendaꞌ waf endilisifi, inimba negameꞌ basef aeꞌafii.”

Jon Nandaꞌafi 20:21

Eaꞌ naꞌipafa wapani naꞌi, “Aeꞌ aꞌi nelelemb ipeꞌilimbi bepe awanalemb. Aeꞌ deiꞌ aꞌi esapaꞌepa pefeꞌ piꞌipasa basef Godi siꞌi Ahame nasapaꞌe afiꞌi agaꞌipipa.”

Jon Nandaꞌafi 8:19

Eaꞌ amom mahaliꞌana maꞌi, “Ahamena ineꞌinai nape ani?” Jisas nagwamamef naꞌi, “Ipaꞌ ina pegawa aeꞌ, eaꞌ ipaꞌ inaꞌ pegawa ahame aeꞌanai wapani. Iꞌi ipaꞌ pegawa aeꞌai, ipaꞌ pegawa ahame aeꞌanai wapani. Owaꞌ owaꞌatin.”

Jon Nandaꞌafi 8:23

Eaꞌ Jisas nagwamam naꞌi, “Ipaꞌ pagape itapi. Apaꞌ aeꞌ agape ilifi. Walemb ipeꞌilimbi itap apaꞌe, apaꞌ aeꞌ owaꞌ.

Basef Amama Pol Nandaꞌam Mafeꞌma Esis Romi 1:1

Aeꞌ Pol ape lafela Krais Jisas andaꞌ maola anen atona. God nofale ma endaꞌ maol aposel eaꞌ nosaheꞌe ma egawalapa basef buꞌwafi ananifi.

Basef Amama Pol Nandaꞌam Mafeꞌma Esis Romi 11:8

siꞌi buk Baibel nagaꞌi, “God nandaꞌ opalef asasilifi siꞌi sagaꞌoh. Nandaꞌ naep asasipi ina pati eaꞌ esis ina sameꞌ basef kofagefa, owaꞌatin. Eaꞌ sape naꞌamba atin safiꞌi sataga deiꞌ.”

1 Korin 14:37

Iꞌi epen ami okom mondandaꞌ niꞌi Ambal Godi nasaꞌman nawalapa basef Godi siꞌi profet, aꞌa niꞌi anin nefaꞌ presen anin daian, anin aꞌ nendegawa basef ifimba deiꞌ andaꞌef ipeꞌi, ifimba muꞌuli Dembinaii.

2 Korin 10:7

Ipaꞌ pati hiahaom magape naep ipeꞌimi atom andoꞌ atogini, nomon owaꞌ. Deiꞌ piti hiahaom kofagema. Iꞌi epen mamahina banagen nigaꞌi anin epen Kraisi, daoꞌ anin aꞌ nendegawa afaꞌ wapani wape epes Kraisi.

2 Tesalonaika 1:8

Nemaf afamba God nohambombaga esis isimba sogololama anini soloma isimba owaꞌ sigaila basef buꞌwafi Dembinai apeꞌinai Jisasia.

1 Timoti 4:1

Ambal buꞌunai Godi naꞌi basef alihif naꞌamba. Anaf owagama anis epes sokwaha sagahapifa basef endilisifi Godi. Eaꞌ asemeꞌ malogofa epes isimba ambagof awami magambasoꞌami sila basef ambagof awami magaꞌiami.

2 Pita 3:2

Eaꞌ aeꞌ aꞌi ipaꞌ ataꞌ ukup pendandaꞌ wapani ma basef ifimba fowaꞌ amom profet Godi magawalapafi. Eaꞌ ukup pendandaꞌma basef banagafi Dembinaii, nowambelapa mogotanimaii, ipaꞌ eaꞌ pegefaꞌana lagof afaꞌ aposel ipeꞌifai.

1 Jon 4:1

Alipipai aeꞌipai, amom profet magambasoꞌami mafeꞌagon anamba itap hiagoma. Ipaꞌ ina pihapifa epes isimba hiasi sagaꞌi, “Aeꞌ Ambal buꞌwali Godi nagapauwai.” Owaꞌ. Ipaꞌ ataꞌ pegwamba ambagof amamba hiami pendendomam ama pegegawa amom mataga mafiꞌi Spirit Ambal Godi aꞌa owaꞌ.

1 Jon 4:4

Ipaꞌ alipipai aeꞌipai, ipaꞌ epes Godi eaꞌ pandaꞌ wandaf paloma amom profet awami magambasoꞌami pikilaꞌam. Deiꞌ main, Ambal Godi nagape nomon opalef ipeꞌilif anen banagonai nikilaꞌ aman aunai nagape itap apaꞌii.

1 Jon 4:8

Epen ami owaꞌ okom mogamogaila sahin owania, anin ina negawa God, owaꞌ. Deiꞌ main, God okom magamagaila epes hiasii.

1 Jon 5:19

Apaꞌ mogawa apaꞌ awasi Godi, apaꞌ isimba owaꞌ awasi Godia sape lafela aman aunai Satan dembinai asasinai.

Basef Ifimba Jut Nandaꞌafi 1:17

Apaꞌ ipaꞌ alipipai aeꞌipai endilisi, ipaꞌ ukup pendapoma basef fowaꞌ amom aposel Dembinai apeꞌinai Jisas Kraisi magaꞌipipafi ma hiahawes mais anaf sigiꞌ sogatagai.