1 Jon 2:22 - Basef Buꞌwami Godi

²² Aman nagambasoꞌmasi anen ami? Anen aman anamba nambasoꞌmas nagaꞌi Jisas ina Krais, God nasapaꞌana nagafiꞌii, owaꞌ. Aman anamba bounai Kraisi. Anen nowaꞌ alafugama Ahamapa naloma Nogamana wapani.

1 Jon 2:22 Iomraidhean Croise

Matyu Nandaꞌafi 24:24

Nemaf afamba anom amam mombasoꞌam mugaꞌi amom Kraisi a amom profeti, aꞌ motaga mondaꞌ ametal banagani naninani mondaꞌ banagami hiami siꞌi God nandaꞌami. Endilisi iꞌi amom banagema, aꞌ mombasoꞌma amam nematawa God nogosahoꞌas eaꞌi mohambombagas. Apaꞌ owaꞌ owaꞌatin.

Matyu Nandaꞌafi 24:5

Deiꞌ main, amam hiami anef nemaf mifiꞌi mombasoꞌmepa miꞌi agol aeꞌagili miꞌi, ‘Aeꞌ maꞌuwi aeꞌ Krais, God nandandepe nasapaꞌe agafiꞌii.’ Eaꞌ mombasoꞌma amam nematawa hiasi someꞌ basef amamifi siꞌi endilisifi silif.

Jon Nandaꞌafi 8:44

“Ipaꞌ siꞌi ahamepa ipeꞌinai nagaꞌiani. Fowaꞌ dambadamba nafiꞌi nafiꞌi nataga deiꞌ, anen naha epes sagagaꞌi, eaꞌ nowaꞌ alafugama basef endilisifi. Nomonas ananisi ina sapoma basef endilisifi, owaꞌ. Anen nambasoꞌmas nimaguf hiafi dondol lifilafi. Basef basoꞌaifi anen nagaꞌiefi, ifimba ananifi atif fagataga okom ananimi atumi.

1 Jon 1:6

Iꞌi apaꞌ miꞌi mape nembel atotombel malomana, ama apaꞌ ataꞌ mape mandaꞌ waf awafi siꞌi magape akot atotai, apaꞌ mambasoꞌma apaꞌ atepa ma basef apeꞌifi faloma feꞌ apeꞌini.

1 Jon 2:18

Ipaꞌ alipipai aeꞌipai aeꞌ okom magamagailipai, deiꞌ nemaf faꞌi aꞌ hiꞌilaf. Fowaꞌ ipaꞌ pameꞌ basefa bounai Kraisi naꞌi nogataga. Apaꞌ deiꞌ bousi ananisi hiasi asataga eaꞌ. Eaꞌ apaꞌ mogawa deiꞌ nogota taꞌi ahiꞌilata.

1 Jon 2:23

Epen ami negewaꞌ alafuga ma Nogamanai, anen newaꞌ alafugama Ahamana wapani. Eaꞌ epen mamahina nagasoꞌ opafa Nogamanai, Ahamapa nape nomona okom ananimi.

1 Jon 2:4

Epen ami niꞌi, “Aeꞌ egawa God andeandeꞌ”, ama anin owaꞌ nila basef Godia, anin nagambasoꞌami. Eaꞌ basef endilisifi ina fape opaf ananifi, owaꞌ.

1 Jon 4:20

Iꞌi anis epes siꞌi, “Apaꞌ ukup paipaila God,” ama iꞌi esis ukup wandafuma Kristen alipisi, epes isimba sagambasoꞌami. Deiꞌ main? Ina anin epen atitin aꞌ nati God, owaꞌ. Epen ami nati alipini ananini ma owaꞌ okom mogomogailania, epen inimba ina laꞌifina okom mogaila God owaꞌ nogatolona naepia, owaꞌatin.

1 Jon 4:3

Apaꞌ epen ami owaꞌ nigaꞌias naꞌambai ma Kraisia, Ambal Godi ina nape anin, owaꞌatin. Ambal nagape epen inimbai anen bounai Kraisi. Fowaꞌ pagameꞌ basefa Spirit ambal bounai Kraisi nogafiꞌi, deiꞌ aꞌ nafiꞌi nape eaꞌ itap apaꞌe.

1 Jon 5:1

Epen mamahina nagahapifa Jisas anen Krais God nasapaꞌana nagafiꞌii, epen inimba awani Godi. Eaꞌ epes mamahisa ukup pagapagaila ahamas atotonai, esis ukup paipaila awasi ananisi wapani.

2 Jon 1:7

Anis epes sagambasoꞌami safeꞌ ganigani itap hiagoma. Esis ina sawalipasa Jisas Krais saꞌi nogamana Godi aꞌ nataga aman nogofaꞌ alop epeni, owaꞌatin. Esis sagambasoꞌami, isimba bousi Kraisi.

Basef Ifimba Jut Nandaꞌafi 1:4

Deiꞌ main, anom amam mandambahoꞌ mawisi laꞌafena apaꞌ Kristen. Fowaꞌ gani basef fagail Buk Baibeli faꞌi amam amamba eaꞌ ma mogatagama basef luꞌwafi Godi ma nowalogama kota higiligalam. Amom mowaꞌ alafugaha God aꞌ mahaꞌofa basef buꞌwafi anen nagatopalopapaef dowafi eaꞌ maꞌipas anif daifa mogowaꞌ banaga waf naninani ukup pegehafela waf awafi soꞌa waulafi.

Revelesen 3:9

Ipaꞌ pemeꞌ! Ipaꞌ pegawa eaꞌ epes isimba Satani. Esis sagaꞌi basef saꞌi esis miniꞌap Judai, owaꞌ owaꞌatin. Esis ina saila waf Judai, owaꞌ. Esis sagambasoꞌami. Aeꞌ atiasi endaꞌ epes isimba sifiꞌi sindiwa nembawa sotawa felefeleꞌma boꞌwagah ipeꞌigahi ma sogogawa aeꞌ okom maimailipa.