Taitus 3:5 - Basef Buꞌwami Godi

⁵ Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.

Taitus 3:5 Iomraidhean Croise

Matyu Nandaꞌafi 3:11

Ae' dei' apisi'ipa embela pihi'ambas ipe' pamboma opalef pakwaha waf aonai pafe'ma God. Anona aman nambimb nigi'ma ae'i ni'ifi, anan la'ifinai nikila' ae'. Anan nenda' baptaisimepa Ambal Bu'unai Godi nope nolomepa nese'epa nif la'ifimi wapoti'. Ae' ina aman bu'uwei ma eatagaha mandelefa su ananimi, owa'.

Luk Nandaꞌafi 1:50

Okom dahowinai ananinai nape la'ela'ef ma emi egafis umbamahasa sa'i sila Anan. Ea' nape la'ela'ef naloma epes isima sope na'ama etin dei' awasi bafasas ehasas anona nemaf seatagai.

Luk Nandaꞌafi 1:54

Anan okom napoma basef na'aim ananimi endilisimi la'ela'ef mope owagama gani. Amama fowa' gani na'iam naloma bafapapa akupapa. Basef amama fowa' gani na'ipa Abraham naloma wambota ananinai owagama sigi' setagai. Ama anona nemaf neati esis uwahipisa niegiambamas la'ela'ef. Anan nagiambama ape' Israel manda' maol Ananinai.”

Luk Nandaꞌafi 1:72

Fowa' gani anan na'i anona nemaf nieti akusapa ape'isi fowa'isi uwahipis nigiambamas. Ea' anan okom nopoma basef bu'wami fowa' gani na'iam endilisi mope owagama gani.

Luk Nandaꞌafi 1:78

God ape'inai nati esis uwahipis endilisi dei' nakwahamasa waf aonai asasinai. Anan nambimb nosapa'i howalagon mape heveni mifi'mai ape' molomapa mope la'ela'ef.

Basef Amama Pol Nandaꞌam Mafeꞌma Esis Romi 11:14

Maol anama ae' okom na'iana endilisi ma efela esis Juda wambota ae'asi ma kowalasa ipe' dei' pape andeande' paloma God. Ama ae' efa' esis Juda tu'wanis etis sotanimani sifi'mai God.

Basef Amama Pol Nandaꞌam Mafeꞌma Esis Romi 11:6

Anan nati uwahipis nagiambamas etin nandandepas. Anan ina okom na'i anona maol bu'unai esis sanda'anai nandandepas, owa'etin. I'i esis sonda' maol bu'unai ma God nosahe'as, anan ina nati uwahipis nagiambamas etin nandandepas, owa'. I'i na'amai, waf anama nati uwahipisanai anama falafunai atona, owa' endilisinai.

Basef Amama Pol Nandaꞌam Mafeꞌma Esis Romi 12:2

Ipe' ina pepe na'ama etin si'i saila waf etapanai, owa'. Ipe' pi'i aho'ma God nonda' ukup ipe'imi nomon motaga dambaima waf ipe'inai notaga dambaina wapoti'. Penda'ama pegawa waf endilisinai God okom na'ianai. Waf anama bu'unai atona.

Basef Amama Pol Nandaꞌam Mafeꞌma Esis Romi 3:20

Dei' main, waf anama maila mi'uli anama, owa' enin epen atitin anona nemaf nefa' agel epen bu'unai andeande' ma naep Godi, owa'. Mi'uli anama nihi'ambapa waf aonai ape' manda'anai.

Basef Amama Pol Nandaꞌam Mafeꞌma Esis Romi 3:28

Ape' mogawa emi egafis sembale'efa Jisas atona, God na'i esis sataga epes bu'wasi andeande'. Ea' esis ina saila mi'uli anama God fowa' naso' Mosesanai, owa'.

Basef Amama Pol Nandaꞌam Mafeꞌma Esis Romi 4:5

Na'ama God ina nati maol bu'unai epes sanda'anai ma ni'i esis epes bu'wasi, owa'. Anan nati emi egafis sembale'efana la'ifisi ma nefalas sanda' waf aonai sataga epes bu'wasi. Ea' God nati bale'ef asasinai dei' na'i esis epes bu'wasi.

Basef Amama Pol Nandaꞌam Mafeꞌma Esis Romi 9:11

Na'ama God okom na'i ea' ma waf nandandepa epesi. Anan ina okom na'i maol epes sanda'anai ea' nandandepas, owa'. Bafasana amama biam ata' mape nomona opaf akwa'unai God na'ipakw na'i, “Nali'i dembinai nope owina awagufunai nagi'i. Sahalomana anona nemaf nonda'mana maol owalomana.” God naila okom ananinai atona dei' na'ipakw na'ama. Anan ina okom na'i anona maol bu'unai aonai amam anona nemaf monda'anai, owa'. Anan naila okom ananinai atona na'i basef na'ama.

Basef Amama Pol Nandaꞌam Mafeꞌma Esis Romi 9:16

Ea' ape' ina mi'i ukup epesi atom maloma maol epesi atona sanda' God nagiambamapa, owa'. God atona nati ape' uwahipipa dei' okom Ananinai atona nagiambamapa etin.

Basef Amama Pol Nandaꞌam Mafeꞌma Esis Romi 9:30

Dei' ape' ata' mi'iam mi'imama? Ape' mi'iam na'ama mi'i, “Esis owa' Judaisi ina sanda' maol lu'unai ma sefa' waf bu'unai, esis sefa'am ea'. Esis sembale'efa God sefa' waf anama bu'unai.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Galesia 2:16

Ape' mogawa God ina okom napoma epen inima nembale'efa mi'uli ananinai ea' nanda' epen inima bo'wen andeande', owa'. Epen nembale'efa Jisas Kraisi atona, God nofalan na'i bo'wen andeande'. Ape' wapoti' mombale'efa Jisas Krais ea' God na'i ape' epes bu'upai Ananipai ma mombale'efa Krais. Ea' mi'uli owa'. Dei' main, ina enin epen naila mi'uli anama God naso' Mosesanai, dei' God nofalan na'i enin bo'wen andeande', owa'.

Efesus 2:4

Ea' God nati owahipipa endilisi ape' epes, okom lu'unai nainailapa.

Efesus 4:23

Ea' ukup ipe'imi motaga dambaim

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

Kolosi 3:10

Ea' anan nanda'epa pataga dambaipa la'ela'ef ma petaga na'ama etin si'i Anan nape, Anan nanda' opaf anama namunai ma ape' mogawana endilisi.

2 Timoti 1:9

God nofa'apa mutanimani mope andeande'. Anan nofalapa amam nematawa ananipai atepa mope bo'wepa andeande'. Anan ina okom napoma waf bu'unai ape' manda'anai nofalapa, owa'. Okom Ananinai atona nainailapa nofalapa nagiambamapa na'a. Fowa' dambadamba ina dei' nanda' etap, ata' owa', Jisas Krais nandahomapa nagiambamapa na'a.

Taitus 3:4

Ea' God, anan nofa'apa motanimani, anan alupunai ape'inai okom nainailapa. Nemaf anama waf anama ananinai nataga nafe' alihina.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

Hibrui 4:16

Amama atom ape' dei' ukup la'ifim mefe' felefele'ma God, umbamohapa owa'. Anan nigiambamapa na'a ma mape andeande'. Ea' ape' mefe'ma Anona niti uwahipipa nigiambamapa maina nemaf mofa' nimanimi lu'wami.

Hibrui 6:6

I'i esis sowa ma waf aonai sowa' alafugaha God, ina ata' anona eafa esis sotanimani sifi'i somboma opalef wapoti', owa'. Waf anama aonai esis sanda'anai atona, dei' saundana nogalomana Godi nail lawag usi'inai tu'wanainai wapoti' ma sahambombagana. Ea' sanda' epes hiesi sanda'ana findiwana ma basef awami.

1 Pita 1:3

Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.

1 Pita 2:10

Fowa' ipe' ata' pape epes falafipei, ea' dei' pape epes Godi etipa. Fowa' ipe' ina pegawa God nati uwahipipa ma dei' pape andeande', ata' owa'. Ea' dei' pegawa God nati uwahipipa nagiambamepa pape andeande'.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.