Taitus 3:3 - Basef Buꞌwami Godi

³ Ine' negawa fowa' ape' wapoti' owa' ukup bo'om, ape' mosambala basef ea' Satan nambaso'mapa. Ape' mape owina waf naninani aonai opalef mohafema waf aonai ma alop nandanifel. Ape' mafe' maloma waf anama ukup aoma enis epes ma kowalapama amamaga asasimi. Esis sofala ape' naumbih asasipai ea' ape' wapoti' manda' naumbih malomas.

Taitus 3:3 Iomraidhean Croise

Matyu Nandaꞌafi 21:29

Ea' nogalomana nagwamana basef na'ipana na'i, ‘Ae' andaiwa'.’ Anom nimeguf mafe'ma ea', namboma okom ea' nafe'.

Luk Nandaꞌafi 21:8

Ea' Jisas na'i, “Ipe' pindumafuma pepe. Na'ama enis epes sombaso'mepa. Epes hiesi anona nemaf sifi'i si'i agel ae'anai si'i, ‘Ae' ea' ma'uwi.’ Ea' enis si'i, ‘Dei' nemaf nafi'i felefele' ea'.’ Ipe' ina pefe' pila esis, owa'. Hapeimi.

Jon Nandaꞌafi 8:34

Ea' Jisas nagwamasa basef na'i, “Endilisi ae' a'ipipa, emi egafis sape sanda' waf aonai, waf anama newa'as sape si'i agof a'asi sape owina enis epes.

Basef Amama Pol Nandaꞌam Mafeꞌma Esis Romi 11:30

Fowa' ipe' owa' Judaipei pesambala basef Godi. Ea' esis Juda wapoti' sosambala basef amama. Amama atom dei' ipe' pefa' okom dahowinai Godi.

Basef Amama Pol Nandaꞌam Mafeꞌma Esis Romi 6:12

Ipe' ina pi'i aho'ma waf aonai nope notaga la'ifina numafi ipe', owa'. Na'ama waf anama aonai nohonde'epa ea' pila waf alop atonai.

Basef Amama Pol Nandaꞌam Mafeꞌma Esis Romi 6:17

Endilisi, fowa' ipe' pape owina waf aonai nanda'epa panda'ana. Ea' God nanda'epa pape owina basef ananimi pailam ea' pase'ana opalef hi'alama paila basef amama ipe' pefa'ami. Ea' ape' manifela God.

Basef Amama Pol Nandaꞌam Mafeꞌma Esis Romi 6:22

Ea' dei' God natagahepa ma waf aonai nanda'epa pape panda' maola anan pape owina anan la'ela'ef. Maol anama nola gwa'aimi amama. Ipe' pepe bo'wepa ananipei etipa ma pefa' ambal namunai pepe andeande' la'ela'ef.

Basef Amama Pol Nandaꞌam Mafeꞌma Esis Romi 6:6

Ape' mogawa opalef apimi ape'imi maga' mail lawag usi'inai tu'wanainai maloma Krais ea' God natofa waf aonai nanda' maol nape alop ape'inai. Amama atom dei' ape' ina mape owina waf aonai wapoti', owa'.

2 Korin 12:20

Ae' umbamahe a'iam na'ama a'i nabimb efo'o etaga ma itilipa ina pepe bo'wepa si'i okom ae'anai na'i efo'o iti ipe' pepe bowepa, owa'. Ea' ipe' wapoti' nambimb piti ae' ina epe bo'awe si'i pa'i piti ae' epe, owa'. Na'ama waf naninani hianai nope. Basef lopa' fitapaimi, waf kowalepa ma anom amamaga, migimigah, findiwa, daha basef, sasambala basef, basef manda'as sanda hape'ma sape deindei'. Ea' ipe' ina peme' andeande'ma pila ukup etifima waf sanda' lotuwanai, owa'. Paila ukup deindei'. Ae' umbamahema amama.

Galesia 6:3

I'i enin epen okom ni'i nembaso'am ni'i enin agel lu'unai ma enin agel a'an, epen inima nambaso'ma okom ananinai atona.

Kolosi 1:21

Fowa' ipe' wapoti' ata' pape laogona God pewa' alafugahana. Ukup ipe'imi ata' pefalona naumbih ma panda' waf aonai.

Kolosi 3:7

Fowa' ipe' etipa paila waf aonai anama hianai pape owina waf anama ukup mohafemanai.

2 Timoti 3:13

Ea' amam awami maloma amam mambaso'ami nambimb mombaso'ma epes hiesi. Ea' anom amam mombaso'ma amam atom. Ea' waf amam manda'anai nambimb notaga aona endilisi.

2 Timoti 3:6

Anom amam si'i amama mandambaho' so'uso'umbel mafe' magi'ma nematawa awama ukup bu'wami owa' meapaiwai mawis ifagw awaumi, ea' momboma ukup awaumi. Nematawa awama waf awaunai nanda' ukup awaumi nimanim endilisi. Ea' ukup awaumi mohafema awami mamumami momboma ukup awaumi.

Taitus 1:16

Malogof asasimi sa'iam na'ama sa'i, “Ape' mogawa God.” Ea' fe' asasinai nawalapa esis sowa' alafugaha God. God anan nandaiwa'ma esis endilisi. Epes isima sosambala basef, ina la'ifisa sonda' anona waf bu'unai, owa'.

Taitus 2:12

Waf God nigiambama na'ai mawalapa ape' ma mokwaha waf anama mowa' alafugaha Godi, ea' mokwaha ukup amama awami ma waf etapanai, mope andeande' nogota anae'.

Jems 1:26

Emi egafin ni'i, “Ae' anda' lotu endilisi aila God” ma enin i'i owa' nimafi malogel ananinai andeande', epen inima nambaso'ma okom ananinai atona. Ea' dei' bale'ef ananinai ma lotu main falafunai atona.

1 Pita 1:14

Ipe' pila waf Godi si'i awasi saila basef mamasasi. Fowa' ipe' gawa a'epa ata' pape waf anama aonai ukup mase'epa. Dei' ipe' ina ata' pila waf anama wapoti', hapainai.

Revelesen 12:9

Ea' amam ensel Godi makwahai kwambon anama nisila'i. Kwambon anama fowa' ganinai dei' esis sa'i aman aonai Satan. Anan aman nambaso'ma esis amam nematawa hiesi etapasi. Amam makwahai anan nafi'i etap, makwahai ensel awami ananimi wapoti' misila'i malumanai.

Revelesen 13:14

God ata' nape nati anan nanda' pepel anama naninani ma naep mafin anama nali'i. Ea' anan nagi'i nanda' waf anama ma nahambombaga esis amam nematawa etapasi. Na'ipas mehip na'ama na'i, “Ipe' pendomba ambala mafin anama nali'i nil anona lawag maina ma pefela agel ananinai lu'una. Mafin anama nali'i ma'una anama fowa' bainat nahana ata' nape namunai la'ela'ef.”

Revelesen 18:2

Anan noga na'i mehip endilisi na'i, “Nemata'w akwama ao'w hi'alakw. Akwa'w basef womun etina wambel lu'unai Babilon agel lu'unainai awagon hi'alagon! Dei' nataga wambel aonai ma ambagof awami maloma amiguf awami mapaigon.