Taitus 3:2 - Basef Buꞌwami Godi

² Esis owa' sonda' enin epen findiwan ma basef awami. Esis ina sifitap, owa'. Sope opalef awanem. Esis la'ela'ef sope sonda' waf so'uso'umbilinai ma epes hiesi.

Taitus 3:2 Iomraidhean Croise

Matyu Nandaꞌafi 11:29

Peme' basef ae'ami pilam penda' waf ae'anai. Waf anama si'i anona lawag ae' ase'epana pewandefana ekaguf ipe'imi. Ea' pelafa gawa ae'anai ma pegawa ae'. Dei' main? Ae' anda' waf sa'umbilinai ma epes, ae' ina afela agel ae'anai atona, owa'. Ipe' pifi'mai ae' ma nambimb pepoma noma'wa ambagof ipe'imi.

Aposel 23:5

Ea' Pol nagwa basef na'i, “Ipe' sahope, ae' ina egawa a'i anan pris dembinai, owa'. Dei' main, basef mail buk Baibeli ma'i na'ama ma'i, ‘Ipe' ina pi'ipa agilinai numafi ipe'i pi'ipana basef awami, owa'.’ Amama ae' egawam.”

1 Korin 6:10

saloma isima sanda' wali saloma epes kowalasa amamaga enis epesi sa'i sofa'am etini saloma epes isima sa' embel sahaga sagaol saloma epes isima sa'i basef awami findiwaimi ma enis epes ea' isima sanda' wal sahambombaga epesi, epes isima na'amaisi ina anona nemaf sefe' wambel Godi, owa'etin.

1 Korin 9:19

Ae' ina anda' maol ape owina anin epen, owa'. Ae' ape wafifiwi. Ea' okom ae'anai atona anda' ae' ape si'i afe' owina epes hiesi ma efa'ai hiesi sondahama ikwafa pepel ae'anai sefe'ma God.

2 Korin 10:1

Ae' Pol ahali'ipa nimanis aila waf Kraisi so'umbilinai si'i anan nanda' okom ananinai nefe' owina epes hiesi. Dei' anifelipa ma anom amamaga etifim. Enis epes sambaso'me sa'ipi na'ama sa'i, “Anan ata' nape naloma ape' nanda' anan nafe' sa'osa'ona nafe' owin, ea' nogota anama nafe' napani laogon nanda' basef la'ifimi ma ape'.”

2 Korin 12:20

Ae' umbamahe a'iam na'ama a'i nabimb efo'o etaga ma itilipa ina pepe bo'wepa si'i okom ae'anai na'i efo'o iti ipe' pepe bowepa, owa'. Ea' ipe' wapoti' nambimb piti ae' ina epe bo'awe si'i pa'i piti ae' epe, owa'. Na'ama waf naninani hianai nope. Basef lopa' fitapaimi, waf kowalepa ma anom amamaga, migimigah, findiwa, daha basef, sasambala basef, basef manda'as sanda hape'ma sape deindei'. Ea' ipe' ina peme' andeande'ma pila ukup etifima waf sanda' lotuwanai, owa'. Paila ukup deindei'. Ae' umbamahema amama.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

Galesia 6:1

Sahin owan, ipe' i'i piti enin epen ipe'ini nenda' anona waf aonai, ipe' enipa pape la'ifipama Ambal Bu'unai Godi pigiambaman pi'ipan so'uso'umbel. Ipe' hipei atona etin pindumafuma andeande' ma waf ipe' panda'anai. Na'ama Satan nogwamba ipe' wapoti'.

Galesia 6:10

I'i ape' muti eaf bu'unai, monda' waf bu'unai ma epes hiesi migiambamas atona etin. Ape' monda'ana na'ama etin la'ifipa esis sahin owan sombale'efa Dembinai mikila' manda'ana enis epes.

Efesus 4:2

Ipe' pepe la'afen endilisi ma epes hiesi penda'as sa'osa'ombemas. Esis sonda'mepa waf aonai, pinindifa ukup ipe'imi la'ifim pepe pitilis. Ipe' ina ukup mohafel aom, owa'. Ukup mimila sahin owan ipe'isi pigiambamas pefa' nimanimi pelomas.

Efesus 4:31

Ipe' pekwaha waf hianai aonai opalef aomunai migimigah, ukup awomunai basef findiwaimi awami. Waf anama aonai hianai nahambombaga epesi.

Filipai 4:5

Penda' waf so'umbilinai ma epes hiesi sitilipa sogawa ipe' paila waf bu'unai anama. Dei' main, Dembinai felefele' niefi'i.

1 Tesalonaika 2:7

Afa' wape aposel Kraisi endilisi. Anan nasapa'afa ma onda' maol Ananinai. Ea' dei' wi'i a'e, wi'ipipa mehipa pese'afa anom amamaga gwa'aimi maim. Ea' owa'. Nogota nanima wape walomepa afa' wanda' waf so'umbilanai endilisi ma ipe', si'i ano'w nemata'w kumafi awasi akwa'usi andeande'.

1 Timoti 3:11

Ea' na'ama etina wauhiamam amamuwai ukup mopaiwa andeande'ma maol awau wanda'anai. Awau ina ondaha basefa enis, owa'. Ope andeande', ina wea' embel wainim la'ifimi hiami, owa'. Dendel onda' waf bu'unai atona.

1 Timoti 3:3

Ina nea' embel laifimi hiami, owa'. Ina okom wandafuna mehip, owa'. Nonda' epes sa'osa'ombemas. Ina nohas etin, owa'. Ina okom ni'ini'i ma otamba.

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

Jems 4:11

Ipe' ina piti waf sahin owan ipe'isi sanda'anai pi'i aona, owa'. Epen ni'i basef awamima enin alupini o newaloga sahin owan ananisi, epen inima enin na'i basef awami nawaloga mi'uli Godi. I'i ipe' pi'i basef awami pewaloga mi'uli anama, ina ata' paila mi'uli anama, owa'. Ea' pape si'i dembipei jas pawaloga mi'uli anama.

1 Pita 2:1

Ipe' pendombasa ipe' andeande' ma waf hianai baso'omainai pa'i malogof biamipei ukup kowalipamami maloma waf anama pi'i basef awami alafugaha enis epes. Waf anama aonai, ipe' pekwahona.

1 Pita 3:10

Si'i basef Godi mail Buk Baibeli ma'iam na'ama ma'i, “Emi egafis si'i sendanifela Ambal namunai ma ukup mi'i siti nemaf bu'unai, esis simafi basef nili'akwa malogof asasimi andeande' ma ina si'i basef baso'maimi.

1 Pita 3:8

Basef amama motambel na'ama. Ipe' hipei pepe opalef etifim ea' ukup mimila sahin owan ipe'isi.

1 Pita 4:4

Dei' epes isima sololama Godi gegelalasis sati ipe' owa' pendao'oma pelomas penda' waf anama hianai aonai. Na'ama dei' sa'ipipa basef awami findiwama ipe'.

2 Pita 2:10

Basef amama endilisi atom mapoma emi egafis ukup mohafema waf aonai alop atona ma ukup ma'i basef Dembinai sa'i falafumi. Epes isima anona nemaf sofa' nimanimi lu'wami endilisi. Amam mambaso'ami matotopa' basef Godi maila ukup amamumi atom mafela agof amamumi atom. Amam ina umbamahama manda' amam mape ilif heveni findiwam, owa'.

Basef Ifimba Jut Nandaꞌafi 1:10

Ea' amam amama mandambaho' mawisi malomapa, amam ma'i basef awami ma amamaga hiami amam owa' mogawa ofagema. Waf ukup mohafela migi'ma alop atona inai mogawana andeande'. Waf anama amam manda'ana si'i mafis amama ukup a'emi manda'ami. Amam manda' waf anama atona nahambombagam endilisi.

Basef Ifimba Jut Nandaꞌafi 1:8

Amam amama mandambaho' mawisi malomapa manda'am na'ama etin. Koh nandondo'oh hianai amamunai nafela ukup amamumi ma manda' waf aonai ma alop amamunai. Amam masombala basef Dembinai ape'inai manda' anom ensel dembemi mape heveni wapoti' findiwam.