Taitus 3:14 - Basef Buꞌwami Godi

¹⁴ Ea' esis Kristen amam nematawa ape'isi sonda' waf sope la'ifisa opeh bu'wami mamumami sigiambama epes isima amamaga a'asi. Na'ama esis Kristen sope etin ea' ukup mose'asa sonda' waf bu'unai Godi.

Taitus 3:14 Iomraidhean Croise

Matyu Nandaꞌafi 21:19

Ea' nati anona lawag fik notawa eaf ea' nafe' natolona. Ea' ina nati anom su'utip mailana, owa'. Apul atom. Ea' na'ipana na'i, “Ine' ina ata' anom su'utip milina wapoti'. Owa'.” Ea' mehip lawag anama bowana ea' alina hi'alana.

Matyu Nandaꞌafi 7:19

Lawah hiami owa' mieil mola su'utip bu'wami, amama esis salam saofam nif.

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Jon Nandaꞌafi 15:8

I'i ipe' pela gwa'aimi hiami, Ahalome ae'anai nofa' agel lu'unai. Ama pihi'amba amam nematawa hiesi ipe' pepe alupipei Ae'ipei.

Aposel 18:3

Ea' nape nanda' maol naloma esis. Dei' main, anan nanda' maol anama atona naloma esis sofa' otamba maima sagundisa sel sanda'am sala' ifagwami.

Aposel 20:35

Maol hianai ae'anai, ae' ahi'ambepa ma ape' monda' maol la'ifipa migiambama isima emi egafis owa' la'ifisa sigiambama esesi. Ea' ape' ukup mopoma basef amama Dembinai Jisas na'iami. Anan na'i na'ama na'i, ‘Danifel enin epen nese'as amamaga anasi nikila' danifel epen inima nefa'ami. God nofalo'ma epen inima nikila' inima nefa'asi.’ ”

Basef Amama Pol Nandaꞌam Mafeꞌma Esis Romi 12:13

I'i amam nematawa Godi amamaga a'as, pigiambamas pese'asam. I'i epes anona wambel laugunasi sifi'i setagamepa, pimafias andeande'.

Basef Amama Pol Nandaꞌam Mafeꞌma Esis Romi 15:28

Ea' ae' a'i ata' enda' maol anama hi'ilana nili'. A'i ata' ese'asa amamaga amama bu'wami esis Jerusalem sofa'am andeande', ila eaf Speni efo'o itilipa.

Efesus 4:28

Emi egafis sanda' wali, esis ina ata' sonda' wal wapoti', owa'. Esis dei' sonda' maola lagof asasimi ma atuwasi sotagama amamaga sose'asam epes isima amamaga a'asi.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 4:16

Ae' ali' ape Tesalonaika, ipe' pagiambame nimeguf hiami.

Filipai 4:17

Ea' dei' ae' ina ahali'ipa ma amamaga gwa'aimi maim, owa'. Ae' okom na'i nambimb God nogwa waf bu'unai ipe' panda'anai pagiambame nose'epa amamaga bu'wami.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

1 Tesalonaika 2:9

Endilisi ipe' alupipei pegawa amama, afa' wanda' maol mehipa wawalapa basef bu'wami Godi ma ipe'. Ea' wanda' maol wapoti' umafi alop afa'inai ma gwa'aimi maim. Wanda' maol owamb alipa ina opoma ipe' etipa ma ofa' gwa'aimi maima ipe', owa'.

2 Tesalonaika 3:8

Ina ofa' gwa'aimi na'a ma ipe', owa'. Watalom etin wa'am. Ea' wanda' opeh la'ifimi hiami wanda'am owamb alipa ina wapoma ipe' etipa pimafiafa, owa'

Taitus 2:8

Ine' ni'i basef bu'wami atoma enis epes ina siti anona waf aonai ma opeh amama nanda'ami, owa'. Ama esis naumbih nambimb sofa' ambagof awami. Dei' main, esis ina siti anona waf aonai ma afa' ma si'i anom basef awami, owa'.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

2 Pita 1:8

Ipe' pegawa Jisas Krais dembinai ape'inai anan ofagonama waf anama hianai hi'alana. I'i waf anama nope ipe' la'ifipa notaga lu'una endilisi nikila' pali' panda'anai, gawa anama ipe'inai ina nambimb nepe na'a, owa'. Nambimb notaga nefe' lu'una nowalapai waf bu'unai hianai.