Taitus 3:1 - Basef Buꞌwami Godi

¹ Ine' la'ela'ef la'ifinama nefela esis amam nematawa ma sope owina amam gavman dembemi, amam la'ifimi mumafi esis ma sila basef amamumi. Ea' esis sondandombama sonda' opeh hiami bu'wami.

Taitus 3:1 Iomraidhean Croise

Matyu Nandaꞌafi 22:21

Ea' ma'i, “Anama Sisari gavman dembinai esis Romi.” Ea' nagwamama basef na'ipam na'i, “Ea' amamaga Sisari, amama pese'anam Sisar. Ea' amamaga Godi, pese'anam God.”

1 Korin 15:58

Ipe' alupipei ae'ipei endilisi, pepe la'ifipa andeande'. Ina umbamehepa petambel, owa'. La'el'ef pepe la'ifipa penda' maol Dembinai. Dei' main, ipe' pegawa maol anama panda'ana ma Dembinai, ina anona nemaf nowala etin, owa'.

Efesus 2:10

Dei' main, God atona nanda'apa mape. Lagel Krais Jisasi atona nanda'apa mataga dambaipa ma waf bu'unai ape' mailana mafe'.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

1 Timoti 4:6

I'i ine' ni'ipasa basef amama esis Kristen alupusi, nambimb nepe epen bu'unai nonda' maol Krais Jisasi. Ea' nefa' pepel lu'unai ma basef mefela bale'ef ine'inai ma gawa bu'unai.

2 Timoti 1:6

Fowa' ae' awamona lagofa balaga ine'inai ma God nase'ena presen bu'unai ananinai. Ea' dei' a'i efela okom ine'inai ma okom nopoma presen anama napoma ine' nimafiana notaga la'ifina si'i sufapula nif fandom lu'um.

2 Timoti 2:14

La'ela'ef ine' nefela ukup asasimi ma basef amama. Ni'ipasa ma naep Godi amama. Ipe' ina pi'i basef pepa'am pelomasa basef mamumami, owa'. Waf anama ina nigiambamas, owa'. Waf anama nambimb mohambombaga isima some'ami.

2 Timoti 2:21

Ea' dei' emi epen nekwaha waf aonai ma nepe bo'wen andeande', inima nambimb nepe si'i dis amama sanda' maol bu'unai atona. Ea' Dembinai nigiambaman nepe andeande' nenda' maol ananinai. Ea' enin nendandombam nenda' maol naninani bu'unai hianai.

Taitus 1:16

Malogof asasimi sa'iam na'ama sa'i, “Ape' mogawa God.” Ea' fe' asasinai nawalapa esis sowa' alafugaha God. God anan nandaiwa'ma esis endilisi. Epes isima sosambala basef, ina la'ifisa sonda' anona waf bu'unai, owa'.

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Taitus 3:14

Ea' esis Kristen amam nematawa ape'isi sonda' waf sope la'ifisa opeh bu'wami mamumami sigiambama epes isima amamaga a'asi. Na'ama esis Kristen sope etin ea' ukup mose'asa sonda' waf bu'unai Godi.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

Hibrui 13:21

Ae' a'i God nonda'epa la'ifipa nese'epa waf bu'unai hianai ipe' ma pila okom Ananinai atona. Ea' a'i Anan nonda' opalef ape'imi nomon ama mowalapa waf hianai bu'unai Anan okom na'inai ma pepel Jisas Kraisi atona. Ea' a'i epes hiesi sefela agel ananinai lu'una la'ela'ef hihif. Endilisi.

2 Pita 1:12

Endilisi, ipe' pegawa amamaga amama ma basef amama mali'i pembale'efam la'ifipa ma basef amama endilisimi paitu la'ifipamam. Owa'etin, ae' a'i ata' i'ipipa efela ukup ipe'imi ma pilam andeande'.

Basef Ifimba Jut Nandaꞌafi 1:5

Endilisi, ipe' pegawa basef amama fowa'imi mail Baibeli. Ea' dei' ae' a'i efela ukup ipe'imi ma pegawam wapoti'. Basef amama mape na'ama. Fowa' Dembinai nofa' esis amam nematawa Ananisi Israel sakwaha etap hiagoma Isip nofa'as safi'i. Ea' Anan naha epes isima owa' sombale'efa Anani saga'. Amam mowa' alafugaha aman anama Jisas Krais Dembinai ape'inai numafi pepel hianai.