Taitus 2:7 - Basef Buꞌwami Godi

⁷ Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

Taitus 2:7 Iomraidhean Croise

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

2 Korin 2:17

Dei' main, afa' ina si'i enis epes hiesi safe'agon hi'alagona sanda' maola basef Godi ma sofa' amamaga asasimi atom, owa'. Afa' wanda' maol anama Godi na'ama. Afa' ina wambaso'am etina maol Godi, owa'. Afa' wanda'am waila eaf bu'unai atona hi'alana, wape la'ififa waloma Krais. God nasapa'afa wafi'i wawalapa basef mafe' andeande'ma naep ananimi.

2 Korin 4:2

Afa' owa' alafugah ma waf ambagof awami sandambaho' sanda'ami. Ina ata' wape wafe' waf anama baso'mainai oho'ofa waf ombaso'masa basef Godi wa'iam, owa'. Afa' wawalapa basef endilisimi alihima naep Godi ma epes hiesi seme'am sogawa basef mape opalef asasimi nomon ma'iami.

2 Korin 8:8

Dei' ae' ina a'ipipa la'ifimi, owa'. Do'ok a'ipipa ma waf esis Kristen sape Masedoniai sanda'anai. Esis sape kwahusi endilisi ea', ukup mahafel endilisi ma sagiambama enis epes na'a. Dei' a'ipipa basef amama ma ewaloga waf ipe'inai ukup maimailasanai. Ae' a'i egawa waf anama nape bo'ona endilisi si'i enis Kristen, o owa'?

Efesus 6:24

Ea' a'i God nigiambamepago na'a nonda' epes isima emi egafis ukup maimaila Jisas Krais Dembinai ape'inai la'ela'efi sotaga la'ifis. Waf epes isima ukup maimailasanai anama nape la'ela'ef owa' hi'ilanae. Ea' ma'um.

Filipai 1:10

Anda' betena nambimb pewaloga waf hianai andeande' pegawa maina waf bu'unai o aonai. Ama nemaf Krais niefi'ianai pepe bo'wepa ofagema a'epa ma naep Godi.

2 Tesalonaika 3:9

Afa' wi'i ofa' gwa'aimi ma ipe', God na'i andeande'ma okom ananinai. Ea' afa' wandaiwa'ma ofa' gwa'aimi ipe'imi, owa'. Afa' wanda'am na'ama ma ipe' pati waf afa' wanda'anai ma petolona pilana

1 Timoti 4:12

Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

1 Pita 5:3

Ipe' owa' pepe si'i epes sofa' agof lu'wami ma pepe dembipei pi'ipas basef la'ifimi esis amam nematawa isima Godi ipe' pimafiasi, owa'. Ipe' pepe andeande'ma esis sitilipa sila waf ipe' panda'anai.