Taitus 2:2 - Basef Buꞌwami Godi

² Amam hagami owa' mea' embel mohaga mogaol. Amam ukup mope andeande'ma waf bu'unai ea' nomonas mopaim mumafi alop andeande'. Amam mope andeande'ma bale'ef amamunai nope bo'ona atona ma waf anama ukup mila God ea' mila epes wapoti'. Ea' mitu la'ifima nimanimi hiami.

Taitus 2:2 Iomraidhean Croise

Mak Nandaꞌafi 5:15

Ea' safi'mai Jisas sati aman anama fowa' ambagof awami mapeinai, dei' ambo'ona nomonas bu'wami mapeina andeande' nowaho' lowaf nape. Amam nematawa hiesi satolona ea' esis umbamahas.

Luk Nandaꞌafi 8:35

Ea' esis safe'ma sieti amamaga amama. Safi'mai Jisas sati aman anama fowa' ambagof awami mapeinai dei' makwahona ea' ambo'ona okom bu'unai napaina andeande' nowaho' lowaf tol nape felefele'ma bo'wagah Jisasi. Amam nematawa hiesi satolona ea' esis umbamahas.

Aposel 24:25

Na'ipana waf bu'unai ma epes sumafi alop asasinai andeande' ma owagama God nonda' kotima epes hiesi. Na'iam na'ama, Feliks umbamahana. Ea' na'i, “Ine' fo'o. Nambimb anona nemaf, efalena wapoti'.”

Basef Amama Pol Nandaꞌam Mafeꞌma Esis Romi 12:3

God nagiambamas na'a, amama atom dei' a'ipipa atona etin. Ipe' pegawa waf naloma gawa ipe'inai nape na'imama, ipe' ina ukup mi'i ipe' etipa bu'upei endilisi, owa'. Ipe' ata' pewaloga ipe' andeande' pendahama bale'ef ipe'inai God nasi'ipanai.

1 Korin 15:34

Dei' ipe' pekwaha ukup amama masi'ipei, pitanimani ukup mopan andeande'. Ipe' ina penda' waf aonai wapoti', owa'. Ae' enda'epa ambagof aoma anom basef dei' a'ipipami. Enis epes ipe'isi ina dei' sogawa God endilisi, ata' owa' etin. Ofagema amama ipe' etipa.

1 Korin 9:25

Emi egafis sa'i sisagih sikila' ikwaf anama, sanda' maol la'ifinai endilisi sandameme'ma alop asasinai nimeguf hiami. Epes isima sanda'am na'ama ma sofa' amamaga bu'wami kwaie'um mape nogota bandanai. Ea' ape' Kristen manda'ama mefa' amamaga bu'wami mape la'ela'ef hihifi.

2 Korin 5:13

I'i endilisi afa' ope si'i ukup mahaga magaoli, hapaifai. Afa' wanda'am na'ama ma ofela agel Godi. I'i endilisi afa' ukup mopomas andeande', afa' wanda'am na'ama ma wagiambamepa.

Galesia 5:23

waf so'umbilanai, naloma waf ukup bo'omi mapaisa sumafi alop andeande'. Owa' anom basefa mi'uli atotona nape lu'una nikila' waf anama bu'unai, owa'.

Filipai 4:8

Alupipei, dei' ae' a'i enda' basef akutaimi ma ipe'. A'i ipe' ukup mopoma anona waf na'ama. Maim amamaga endilisimi, bu'wami moloma amamaga bu'wami dende' ma epes sanifelami, moloma amamaga bu'wami hiami si'i amama, ipe' ukup mopoma amama.

1 Tesalonaika 5:6

Na'ama ipe' ina penda'am si'i isima enis ukup mase'as sa'oh solola, owa'. Andeande'ma ape' ukup mope naep motawa motologon.

1 Tesalonaika 5:8

Ape' mape si'i epes sape alipi, ukup mapaepa mumafi alop andeande'. Ape' mofa' waf anama mombale'efana la'ifipa ma moso' opalef enis, si'i sanda' wandafi sofa' walitah sanda' wandafa mahagasa wambawa. Ape' mogawa basef amama anona nemaf God nofa'apa motanimani. Ukup mopoma basef amama si'i mowalo' anona hat la'ifinai nili'akwa balagah.

1 Timoti 1:10

Enis sanda' so'a wauli ma waf anama aonai, ea' enis sahambombaga enis amam nematawa si'i fowa' esis Sodom sanda'anai. Ea' enis sofa' enis epes safe' satalisa otamba sanda'masa maol. Ea' enis sambaso'ami, ea' enis sambaso'am sa'i basef endilisi gani ilif. Ea' enis sanda' waf anama naloma anona waf hianai aonai napa' naloma basef endilisimi. Mi'uli Godi nafi'i na'i epes isima sanda' waf aonai.

1 Timoti 1:14

Dembinai ape'inai nagiambame na'a nanda'e ataga la'ifiwi dei' embale'efana okom nainailana.

1 Timoti 1:2

Ae' anda'menago basef amama ine' Timoti, ine' nembale'efa God dei' nataga nogalome ae'inai endilisi. Ae' a'i God noloma Krais Jisas dembinai afa'inai miti uwahipina migiambamena na'a monda'ena netaga la'ifina ma bale'ef, opaf ine'inai nope awanena.

1 Timoti 1:5

Ea' mi'uli anama dei' a'ipinanai, i'i esis sombale'efana silana, basef mape opalef nomoni ma'iami ma'ipas mihi'ambasa waf esis sanda'anai ina aona, owa'. Esis sombale'efa God endilisi. Ama nambimb waf anama hianai nefela ukup asasimi mimila God noloma enis epes wapoti'.

1 Timoti 3:11

Ea' na'ama etina wauhiamam amamuwai ukup mopaiwa andeande'ma maol awau wanda'anai. Awau ina ondaha basefa enis, owa'. Ope andeande', ina wea' embel wainim la'ifimi hiami, owa'. Dendel onda' waf bu'unai atona.

1 Timoti 3:2

Ea' emi aman nope numafi siosi nope andeande' endilisi ma epes ina siti anona waf aonai ma anan, owa'. Anan noso' nemata'w atoto'w. Ina nea' embel nohaga nogaol, owa'. Anan okom nopaina numafi alop ananinai andeande'. Anan nila okom bu'unai atona nonda' waf bu'unai hianai. Anan okom ni'i hiesi alupusi etis ananisi hi'ilas nose'as gwa'aimi. Anan nope notaga tisa bu'unai ma basef bu'wami atom.

1 Timoti 3:4

Anan numafi awasi waulu'mana andeande' ea' nonda' awasi ananisi sila basef ananimi ma sonda' agel ananinai nope andeande'.

1 Timoti 3:8

Ea' na'ama etina amam amama magiambama agufumi siosi, amam ukup mope andeande'ma maol amamunai. Amam ina mi'i malogof biam, owa'. Ina mea' embel la'ifimi hiami endilisi mohaga mogaol, owa'. Ea' ina mombaso'mas molomas mofa' otamba enis epesi, owa'.

1 Timoti 5:1

Ina nenda' megah moham amam hagami ni'ipam basef la'ifimi, owa'. Nepe so'uso'umbel ni'ipama basef Godi, ni'ipam si'i na'ipa ahalomena ine'inai. Ea' ni'ipa awomimi si'i na'ipa owapena ine'imi.

Taitus 1:13

Basef amama endilisimi. Ea' ine' ni'ipasa basef la'ifimi ma seme'am sogawa endilisi waf aonai esis sanda'anai ma ata' somboma opalef. Ama bale'ef asasinai ata' notaga bo'ona.

Taitus 1:8

Anan nimafi emi egafis sifi'i lauguni anona wambel. Anan okom ni'i waf bu'unai hianai Godi ea' nope andeande'. Anan numafi okom ananinai atona andeande'.

Taitus 2:7

Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

Filemon 1:9

Ea' ae' andaiwa' ma i'ipina, owa'. God okom nainailafa ea' afa' wapoti' ukup maimaila epes hiesi. Amama atom dei' ahali'ina. Ae' Pol, hagewe dei' ape anda' kalabus anda' opeh Krais Jisasi,

1 Pita 1:13

Ea' dei' ipe' pendondomba ukup ipe'imi ma penda' maol bu'unai, pimafi alop noloma ukup ipe'imi pepe andeande'. Ea' pembale'efa God pepe ukup bo'om pehafa Jisas Krais anona nemaf notaga nondawalap alihinama nigiambamepa na'a nofa'epa petanimani.

1 Pita 4:7

Nogota amamaga amama ma'i hi'ilamanai nafi'i felefele'. Amama atom ipe' ukup mope andeande' ea' pimafi alop ipe'inai andeande'ma ipe' la'ifipa ma penda' beten.

1 Pita 5:8

Ipe' pimafi alop ipe'inai pindumafuma andeande'. Satan aman aonai nautamepa ipe'inai anan si'i mafin lu'unai wandafunai laion nape aolopi. Anan nafe' noga na'i mehipa na'i niti enis epes nohas nogwa'as.

2 Pita 1:6

Ea' piwatania gawa anama bu'unai ma waf ukup mopeipa pimafi alop andeande'. Ea' piwatania waf pimafi alopanai ma waf pitu la'ifipa nemaf anama nimanimi meatagamipei. Ea' piwatania waf pitu la'ifipa ma penda' waf pefela agel ananinai.