Taitus 2:15 - Basef Buꞌwami Godi

¹⁵ La'ela'ef ine' ni'ipasa basef amama. Ea' nenda' epes sataga la'ifisa sila basef amama ni'ipasa basef la'ifimi si'i anona dembinai agel lu'unai. Ea' nesambala waf aonai esis sanda'anai. Ae' andaiwa'ma enin epen ni'i ine' aman falafinai, owa'.

Taitus 2:15 Iomraidhean Croise

Matyu Nandaꞌafi 7:29

Dei' main, anan ina nawalipas si'i amam falafumi ma'ipas, owa'. Anan na'ipasa basef la'ifimi naloma pepel na'ama etin si'i amam agufumi ma'ipas. Amam dambami mawalipasa mi'uli Godi ina mawalipas na'ama si'i anan, owa'. Anan la'ifina endilisi nikila'am.

Mak Nandaꞌafi 1:22

Esis same' basef ananimi ea' gegelalasis kwapete'as endilisi. Anan ina nawalipas si'i amam falafumi ma'ipas, owa'. Anan na'ipasa basef la'ifimi si'i amam agufumi ma'ipas. Amam mawalipasa mi'uli Godi ina mawalipas na'ama si'i anan, owa'.

Mak Nandaꞌafi 1:27

Ea' amam nematawa hiesi gegelalasis sandakoto'ma ea' sanda'ipama sa'i, “Amama main de'im? Amama anom basef dambaimi. Anan natofa ambagof awami na'ipam si'i anona aman la'ifinai. Amamaga hiami mame' basef Ananimi. Ambagof awami wapoti' mame' basefana makwaha epes mafa' mafe'.”

Luk Nandaꞌafi 4:36

Esis hiesi gegelalasis sandakoto'ma sanda'ipama sa'i, “Amama maim basef? Anan natofa ambagof awami na'ipam si'i anona aman la'ifinai nofa' agel lu'unai. Ambagof awami mame' basefa anan, makwahona mafa' mafe'.”

1 Korin 16:11

Na'ama enin epen okom ni'i Timoti falafunai nese'ana alafuga, na'ama owa'. Ipe' penda' opaf ananinai nope awanena pese'ana amamaga pigiambamana pitumana pehaponana eaf ma opaf ananinai bo'ona nifi'mai ae'. Ae' epe ehafana noloma enis alupusi.

1 Timoti 5:20

Ea' i'i anom agufumi monda' waf aonai, ine' ni'ipam basef la'ifimi ni'ipam naep esis Kristen hiesi. Nenda'am na'ama ma enis epes umbamohasa waf anama ma ina sonda'am na'ama.

2 Timoti 4:2

ine' ni'ipasa basef Godi la'ela'ef. Nemaf anama esis sondandombam ma some' basef, ni'ipasam. Ea' maina nemaf esis sandaiwa' ma some'am, ni'ipasam etin. Ni'ipasam ma mohagofa basef amama baso'maimi. Ni'ipasa basef la'ifimi ma sokwaha waf aonai esis sanda'anai. Ea' nefela ukup asasimi nenda'as sotaga la'ifisa bale'ef, niwalipasa waf aonai nenda'as so'uso'umbemas. Niwalipasa basef amama si'i okom Godi na'iami.

Taitus 1:13

Basef amama endilisimi. Ea' ine' ni'ipasa basef la'ifimi ma seme'am sogawa endilisi waf aonai esis sanda'anai ma ata' somboma opalef. Ama bale'ef asasinai ata' notaga bo'ona.

1 Pita 4:11

Emi egafis sowalapa basef, esis si'iam si'i sawalapa basef Godi atom. Ea' emi egafis sonda' maola sigiambama enis epes, esis sonda'ana pepel anama God nase'asanai. Ama epes hiesi siti maol anama hianai bu'unai sondanifel sefela agel Godi ma Jisas Krais atona. Agel lu'unai noloma pepel nafifili hianai Ananinai atona la'ela'ef hihif. Endilisi etis.