Taitus 2:14 - Basef Buꞌwami Godi

¹⁴ Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Taitus 2:14 Iomraidhean Croise

Matyu Nandaꞌafi 1:21

Nambimb kola awani aman, awani inima anan nigiambama amam nematawa hiesi ma neakwaha waf aonai asasinai nofa'as sotanimani. Na'ama dei' ine' nenda'managel Jisas. Basef ofagema ma agel anama na'i, anan aman nofa' epes ananisi ma seape andeande'.”

Matyu Nandaꞌafi 20:28

Ae' ataga epen endilisiwei, ae' wapoti' na'ama etin. Ina afi'i ma esis sonda'me maola siegiambame, owa'. Ae' afi'i enda' maola igiambama ipe' hipei. Afi'i ma sehe ega' etala ipe' peloma epes hiesi etagahipama waf aonai ipe' panda'anai.”

Matyu Nandaꞌafi 3:12

Anan nahapila anol savol lagof ananimi ma niesimba'am wit si'i rais amama andeande'. Ama nefa' bu'wami nuwis nembe'am ipat ananinai. Awami nembefam nofam nif amama lu'wami fandom mape la'ela'efi.”

Jon Nandaꞌafi 10:15

Ea' na'ama etin si'i Ahalome ae'anai negawa ae', ae' egawa anan. Ae' a'i a'e ma ega' iegiambama sipsip ae'ami.

Jon Nandaꞌafi 6:51

Ae' si'i bret ambal namunai napaiwei akwaha heven isila'i ape etap anae'. Emi egafis sea' bret anama, esis sope andeande' la'ela'ef hihif. Bret anama ae' nambimb iese'esana, amama alop ae'anai eso' amam nematawa etapasi ma sofa' ambal namunai sope andeande' la'ela'ef hihif.”

Aposel 15:14

Simeon na'ipapa ma dambadamba God nihi'ambapa nali' nati esis amam nematawa owa' Judaisi uwahipis nofa'ai enis sotanimani sope ananisi.

Aposel 15:9

Anan ina nanda' anona wafa ape' ea' nonda' anona waf esis, owa'. Esis sembale'efa God amama atom opalef asasimi mataga bo'om si'i afa'.

Aposel 20:28

Ipe' pimafi ipe' andeande' ea' pimafi esis amam nematawa isima Ambal Bu'unai Godi nandandepepa ea' ma pimafiasi. Ipe' pindumafuma andeande' ma pimafi esis Kristen sios Godi andeande' si'i sanda' maoli sumafi sipsip andeande'. God natala esis Kristen ea' ma esimbel ananimi atom.

Aposel 9:36

Anona wambel Jopa ano'w nemata'w kwaila Jisasi kwape, agel akwa'unai Tabita. Diga esis Griki sofala'w sa'i Dorkas, agel anona mafin sa'i dia. La'ela'ef akwa'w kwanda' waf bu'unai ma kwagiambama esis amam nematawa kwahusi ma gwa'aimi maim.

Galesia 1:4

Jisas Krais naila okom Ahalomapa Godi naga' ma naso' ambal ananinai nafe' ma God nakwaha waf aonai ape' manda'anai. Anan nanda'am na'ama natagahepa ma waf aonai hianai dei' nape etap anae'.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Galesia 3:13

Ea' Krais natagahepa ma okom wandafunai Godi nape mi'uli ananinai. God nanda' nimanimi ma awami ape' manda'ami hiami nakolasom mafe'ma anan atona, ea' ofagema amama mapoma anan atona nofa'am. Dei' main, basef mail Baibeli ma'i, “Emi egafis saundas sahas sail lawah usi'imi tu'wanaimi, amama atom sape owina okom wandafunai Godi.”

Efesus 1:11

God nanda' amamaga amama hi'alam naila fowa' damba damba Anan okom na'iam. Ea' nosahe'apa mape la'ifipa maloma Jisas Krais. Dei' main, Anan naila okom ananinai si'i fowa' damba damba okom na'iam.

Efesus 2:10

Dei' main, God atona nanda'apa mape. Lagel Krais Jisasi atona nanda'apa mataga dambaipa ma waf bu'unai ape' mailana mafe'.

Efesus 5:2

Ipe' pila waf anama ukup maimailasanai si'i Krais okom nainaila ape' hiapai nakwaha ambal Ananinai nagiambamapa. Anan nase'ana alop Ananinai God naga' nondolalimana si'i ofa bu'unai alogw bu'wami ma'ami.

1 Timoti 1:15

Anom basef endilisimi atoma epes hiesi some'ama sombale'efam. Basef amama na'ama. Krais Jisas nisila'i etap anae' ma nefa'ape epes manda' waf aonai nokwahomapana motanimani mape andeande'. Ae' ma'uwi ali' anda' waf aonai ikila' enis epes ea' ma'uwi ae' atowe.

1 Timoti 2:10

Ea' nematawa wa'i basef wa'i ope awasi Godi, awau onda' maol bu'unai hianai naninani. Maol anama si'i sosaf awaunai endilisinai.

1 Timoti 2:6

Anan fowa' God nandandepana ea' nakwaha ambal ananai atona natala ape' epes hiapai nakwahomapa waf aonai motanimani. Nemaf anama dohamadohama Krais nihi'ambamapa God na'i nefa'ai epes hiesi sotanimani.

1 Timoti 6:18

Ine' kipa epes isima amamaga hiamisi, sonda'ama sigiambama maol bu'unai. Esis la'ela'ef sowaloga amamaga asasimi soso' enis epes.

Taitus 2:7

Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

Hibrui 1:3

Nogalomana atona nafifili lu'unai Godi nafifimapa endilisi. Anan na'ama etin si'i God endilisinai. Anan na'i basef Ananimi la'ifimi atom ea' dei' amamaga amama hiami maloma amam nematawa hiesi sataga la'ifis. Anan atona nasa'opapa ma waf aonai ape' manda'anai mataga bo'wepa andeande. Nanda'am ea', dei' nape lagel da'isinai Godi gani ilif heven God la'ifinai numafi amamaga hiami.

Hibrui 10:24

Ape' mefela ukup esis sahin owan ma ukup mimila esis amam nematawa ea' sonda' waf bu'unai.

Hibrui 9:14

Ea' esimbel Kraisi mikila' amama endilisi. Krais ina nanda' anona waf aonai, owa'. Ambal Bu'unai Godi nape namunai la'ela'ef nagiambamana ma nondolalima God nase'ana Anan atona hi'alana. Amama atom dei' esimbel ananimi ina mandombasa alop atona ape'inai ande', owa'. Amama mandombasa ukup ape'imi ma basef ma'i opalef nomoni bo'om andeande' endilisi ea' makwaha waf naninani esis sanda'anai owa' seape bo'wesa naep Godi ma ape' dei' manda' maol God nape namunai.

Jems 4:8

Ipe' pifi'i felefele' endilisi ma Goda Anan nifi'i felefele' endilisi ma ipe'. Ipe' panda' waf aonai, pekwaha waf anama ipe' panda'anai si'i epes sasa'opa lagof asasimi mataga bo'om. Ipe' epes malogof biamipei, ipe' pekwaha waf anama ea' penda' ukup ipe'imi motaga bo'om.

1 Pita 1:18

Ipe' pegawa fowa' ipe' ata' pape panda' waf aonai wafinai pefa'ana bafasepa ehasepa ipe'isi. Ea' dei' God natalipa natagahipa ma waf anama aonai. Anan ina natalipa ma amamaga anona nemaf motaga aom higililam si'i otamba bu'wami siliwa gol, owa'.

1 Pita 1:22

Ipe' paila basef amama, amama atom dei' manda' opalef ipe'imi bo'om. Ea' dei' ipe' panda' waf anama ukup maimailasanai panda'ana endilisi. Ipe' ina pembase'am alupupei ma alop atona, owa'. Dei' penda' waf ukup maimailasanai la'ifipa pikila' fowa' panda'anai. Ea' ukup mimila Kristen hiesi pindagigiambanama peloma esis.

1 Pita 2:12

Ipe' penda' waf bu'unai andeande' ma naep esis sololama Godi. Penda'am na'ama ma maina nemaf esis si'i basef awamima ipe', atuwasi siti waf bu'unai ipe' panda'anai ea' sinifela waf anama si'i bu'unai. Penda'am na'ama, ea' nemaf akutainai Anan niefi'ianai ma esis sefela agel Ananinai lu'una.

1 Pita 2:9

God nosahe' ipe' ea' pape epes Ananipei. Ipe' panda' maola dembinai king Jisas Krais pendilalimana si'i pris. Ea' pape amam nematawa Godi etipa epes hiesi ganima hiagoma. God nosahe'epa ea' Ananipei etipa ma pewalapa pepel bu'unai naloma agel lu'unai Ananinai. Anan nofalepa nanda'epa pakwaha owamb pafi'mai nafifili bu'unai Ananinai.

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.

1 Jon 1:7

Anan nafifili afitinai. I'i mope mififil si'i anan waf aonai a'apa, ea' mope ukup etifim moloma sahin owan hiesi. Jisas Nogalomana Godi. Ea' esimbel ananimi masa'opa waf aonai ape' manda'anai hianai hi'alana mataga bo'opa.

1 Jon 1:9

I'i ape' mowalapa waf aonai ape' manda'anai alihina, atuwasi Anan nokwahomapa waf hianai aonai ape' manda'anai nosa'opapa motaga bo'opa andeande'. Basef fowa' na'i endilisimi atom nonda' waf bu'unai andeande'.

1 Jon 3:2

Ipe' alupipei, ae' okom nainailipa. Dei' ape' mape awasi Godi. Ea' anona nemaf mope mi'imama, amama ape' ina dei' mogawam, ata' owa'. Ea' ape' mogawa anona nemaf Krais notaga alihina, nemaf anama motolona notaga nope endilisi si'i Anan nape.

Revelesen 5:9

Ea' manda' anona awaf dambainai na'ama ma'i, “Ine' bu'winai endilisi ma nefa'ai buk anama nahape' mandof tep anama hianai mowa'anai. Dei' main, esis sahena naga', esimbel ine'imi matala epes isima wapoti' sotanimani nase'anas God. Ine' natala esis amam nematawa hiesi hi'alasa epes hiesi wambotagw hiami mamumami, diga naninani hianai, alop naninani hianai ma epes sape etap hiagoma wambel hiagoma ma sotanimani.