Taitus 2:12 - Basef Buꞌwami Godi

¹² Waf God nigiambama na'ai mawalapa ape' ma mokwaha waf anama mowa' alafugaha Godi, ea' mokwaha ukup amama awami ma waf etapanai, mope andeande' nogota anae'.

Taitus 2:12 Iomraidhean Croise

Matyu Nandaꞌafi 12:32

Emi egafis seanda' anom basef awami findiwama ae' ataga epen endilisiwei, nambimb God nokwahomasa awami amama asasimi. Ea' emi egafis sanda' basef findiwama Ambal Bu'unai Godi, anona nemaf God ina nokwahomasam, owa'. Findiwa aonai la'ela'ef nopais, dei' nogota anae' nefe' anona nemaf nogota nigi' neatagai wapoti' nope la'ela'ef hihif.

Matyu Nandaꞌafi 16:24

Dei' Jisas na'ipa alupumi ananimi na'i, “Ae' efa' nimanimi anda' maol Godi sehe ega' lawag usi'inai tu'wanainai. I'i emi egafis si'i sila ae', esis senda'am na'ama etin si'i ae' ma sieili. Ea' sehagofa ukup asasimi ma maina maol esis sa'i senda'anai.

Matyu Nandaꞌafi 28:20

Ea' piwalipasa sila basef bu'wami hiami ae'ami fowa' awalipipami ma basef la'ifimi. Endilisi ae' ape alomepa ma nimeguf hiami danda, pefe' pefe' ma nemaf akutainai nogota hi'ilana.”

Luk Nandaꞌafi 1:6

Esis bias Sakaraia Elisabet sape bo'wes ma naep Godi saila mi'uli ananinai hianai hi'alana. Ea' saila basef Godi andeande' basef ofagema a'as.

Luk Nandaꞌafi 1:75

Anan na'i basef amama ma ape' mope etap anae' monda' opeh ananimi nimeguf hiami danda mefe' mefe' meatagama meaga'. Ma naep ananimi monda' opeh amama ma waf ananinai bu'unai andeande'.

Jon Nandaꞌafi 14:30

Ae' ina nambimb i'i basef hiami elomepa, owa'. Dei' main? Aman dembinai aonai numafi etap anae' anama dei' nafi'i. Anan ina nambimb la'ifinama nonda'me anom amamaga, owa'etin.

Jon Nandaꞌafi 6:25

Esis sagolopana ma satolona gani wa'ol walemb batupa'manai anama fisana sa'ipana sa'i, “Dembinai Tisa, ine' nambai' nafi'i na'ae?”

Aposel 24:16

Ea' la'ela'ef ae' anda' maol lu'unai ma epe andeande' ma malogel nape opaf ae' nomoni ina nihi'ambe anona waf aonai ae' anda'anai, owa'. Ae' anda' maola waf aonai a'e ma naep Godi naloma naep epesi wapoti'.

Aposel 24:25

Na'ipana waf bu'unai ma epes sumafi alop asasinai andeande' ma owagama God nonda' kotima epes hiesi. Na'iam na'ama, Feliks umbamahana. Ea' na'i, “Ine' fo'o. Nambimb anona nemaf, efalena wapoti'.”

Basef Amama Pol Nandaꞌam Mafeꞌma Esis Romi 12:2

Ipe' ina pepe na'ama etin si'i saila waf etapanai, owa'. Ipe' pi'i aho'ma God nonda' ukup ipe'imi nomon motaga dambaima waf ipe'inai notaga dambaina wapoti'. Penda'ama pegawa waf endilisinai God okom na'ianai. Waf anama bu'unai atona.

Basef Amama Pol Nandaꞌam Mafeꞌma Esis Romi 6:12

Ipe' ina pi'i aho'ma waf aonai nope notaga la'ifina numafi ipe', owa'. Na'ama waf anama aonai nohonde'epa ea' pila waf alop atonai.

Basef Amama Pol Nandaꞌam Mafeꞌma Esis Romi 6:19

Ukup ipe'imi ina dei' la'ifim, owa'. Amama atom dei' aila ukup ape' epesi a'iam alihim a'i. Fowa' ipe' ata' pase' alop ipe'inai wa'ana pape owina waf aonai naninani naloma waf hianai sosambala mi'uli Godi ea' nandepa panda'ana. Ea' dei' peso' alop wa'ana hi'ilana pepe owina waf bu'unai ma pepe epes Godi etipa.

Basef Amama Pol Nandaꞌam Mafeꞌma Esis Romi 8:13

I'i ipe' pefe' pila waf anama opaf apinai, anona nemaf ipe' pega'. I'i ipe' peha waf aonai ipe'inai noga' ma pepel Ambal Bu'unai Godi, anona nemaf pepe namipa.

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

2 Korin 7:1

Ipe' alupipei afa'ipei endilisi, ape' mofa' basef amama Godi endilisimi la'ifimi. Ea' mokwaha amamaga amama awami mape nomona alop naloma ambagof ape'imi ea' mope bu'upai umbamahepama God mila waf bu'unai.

Galesia 1:4

Jisas Krais naila okom Ahalomapa Godi naga' ma naso' ambal ananinai nafe' ma God nakwaha waf aonai ape' manda'anai. Anan nanda'am na'ama natagahepa ma waf aonai hianai dei' nape etap anae'.

Galesia 5:24

Emi egafis Krais Jisasi saunda opalef apimi mail lawag usi'inai tu'wanainai maloma waf naninani ukup mohafemanai naloma naninani aonai.

Efesus 1:4

Dei' main, fowa' God ina dei' nanda' etap anae', ata' owa', nemaf anama nosahe'apa ea' mape la'ifipa maloma Jisas Krais. Mape amam nematawa Godi ma waf aonai ofagema a'apa.

Efesus 2:2

Nogota anama ipe' ata' paila waf aonai atona etapanai ea' paila basefa aman aonai. Anan la'ifinai numafi pepel aonai nape la'afen numafi etap naloma otaga. La'ifimi amama mataga aman anama aonai dei' numafi epes isima sesambala basef Godi.

Kolosi 1:22

Ea' Krais nataga epen endilisinai sahana naga', amama atom God nanda'epa pataga alupipei opaf atotona palomana ma ga' Nogalomanai atona. Nanda'am na'ama ma nofa'epa pifi'mai anan pepe bo'wepa andeande', ofagema a'epa ma naep Ananimi.

1 Tesalonaika 4:7

Dembinai God ina nofalapa ma monda' waf anama aonai, owa'. Anan nofalapa ma mila waf bu'unai andeande'.

1 Tesalonaika 4:9

Dei' afa' ina ata' onda' anom basefa ipe' ma waf anama ipe' ukup mimila esis hiesi sahin owan, owa'. God nawalipa ipe' hipei andeande' ma waf anama.

1 Timoti 4:12

Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

1 Timoti 6:17

Ine' ni'ipa epes isima amamaga hiamisi ma etap anae' ina sosambala basef endilisimi sombale'efa amamaga amama mamumami hiami anona nemaf motaga aom endilisi, owa'. Ine' ni'ipasa sombale'efa God endilisi andeande'. Anan atona nase'apai amamaga hiami bu'wami manda' ukup ape'imi mataga bo'om mandanifel.

1 Timoti 6:9

Ea' epes ukup ma'i sofa' otamba maim hiami, esis anona nemaf amama meagwambipai motagamas sowa ma sonda' waf aonai, si'i huguf sandowam sambaho'wam mapoma mafis ma mofe' mowala mope seaham. Ea' nambimb ukup mamumami awami motagamasa amamaga awami monda' esisa ukup mose'as hegililas owa'etin.

2 Timoti 3:12

Emi egafis sope la'ifis soloma Krais Jisas ma sila waf Godi andeande', naumbih asasisi anona nemaf sonda'as kwapete'as.

2 Timoti 4:10

Dei' main, Demas okom na'ina'i waf aonai etapanai ea' nakwahowe nafe' Tesalonaika. Kresens nafe' etap hiagoma Galesia, ea' Taitus nafe' etap hiagoma Dalmesia.

Taitus 3:3

Ine' negawa fowa' ape' wapoti' owa' ukup bo'om, ape' mosambala basef ea' Satan nambaso'mapa. Ape' mape owina waf naninani aonai opalef mohafema waf aonai ma alop nandanifel. Ape' mafe' maloma waf anama ukup aoma enis epes ma kowalapama amamaga asasimi. Esis sofala ape' naumbih asasipai ea' ape' wapoti' manda' naumbih malomas.

Hibrui 8:11

Nemaf anama esis amam nematawa hiesi atona etin maol a'asa sowalipa esis alupusi asasisi soloma sahin owan asasisi si'i, ‘Ipe' pegawa Dembinai’, owa'. Dei' main, nogota anama epes hiesi sogawa Ae' andeande', awasi dambesi wapoti'.

Jems 1:27

Waf sanda' lotuwanai bo'ona andeande' ofagena a'ana naep Ahalomapa ape'inai Godi, anama na'ama. I'i enis awasi mamasas a'asi esis etis sope, o nemata'w alifi'wi akwa'w ato'w kwape kwahu'wi, ape' migiambamasa otamba gwa'aimi maim. Ea' mumafi pe ape'inai andeande' ma waf aonai etapanai ina nenda' opalef ape'imi motaga aom, owa'.

2 Pita 2:9

Basef amama ma'ipapa alihim ma'i Dembinai numafi epes bu'wasi saila waf ananinai andeande'. Maina nemaf amama meagwambasi motagamas, anan nogawa ma nili'akwas sope andeande'. Ea' Anan nahapila esis sanda' waf aonai ma nogwamasa nimanimi ma waf aonai esis sanda'anai sape la'ela'ef sofe' sotagama nemaf anama Anan nowalogasanai.

2 Pita 3:11

Endilisi amamaga amama anona nemaf mefe' hi'ilam na'ama. Ea' ipe' penda' main? Ipe' pepe pila waf bu'unai atona pila waf hianai Godi.

1 Jon 2:27

Ea' ipe', Krais nase'epa Ambal Bu'unai Ananinai. Ea' Ambal Ananinai nape nalomepa opalef ipe'imi nomon. Amama atom dei' ipe' ina gawa a'epa ma enin epen newalipipa, owa'. Ambal Bu'unai Kraisi nawalipapa ma amamaga hiami ina nambaso'mapa, owa'. Dei' ipe' pembale'efa Krais pape la'ifipa paloma anan.

1 Jon 2:6

Emi egafis sa'i, “Ape' mape la'ifipa maloma God”, pe asasinai notaga bo'ona si'i pe Jisas Kraisi.

1 Jon 5:19

Ape' mogawa ape' awasi Godi, ea' isima owa' awasi Godi sape owina aman aonai Satan anan dembinai asasinai.

Basef Ifimba Jut Nandaꞌafi 1:18

Fowa' amam aposel ma'ipipa na'ama ma'i, “Anom nimeguf akutaimi motaga, anom amam monda' iafa waf Godi mifi'i mope. Amam mowa' alafugaha God, ea' ukup amamumi mohafel endilisi na'ana'a ma waf aonai atona ea' mila amama.”

Revelesen 14:12

Nemaf anama nimanimi amama motaga, enis amam nematawa Godi situ la'ifis. Esis amam nematawa isima saila mi'uli Godi ma sombale'efa Jisas la'ifis andeande'.