Taitus 1:8 - Basef Buꞌwami Godi

⁸ Anan nimafi emi egafis sifi'i lauguni anona wambel. Anan okom ni'i waf bu'unai hianai Godi ea' nope andeande'. Anan numafi okom ananinai atona andeande'.

Taitus 1:8 Iomraidhean Croise

Luk Nandaꞌafi 2:25

Ea' anona aman nape Jerusalemi agilinama Simeon. Anan naila waf bu'unai Godi andeande'. Anan nape nahafa nogota anama God nifi'i nigiambama esis Israel nokwaha waf aonai esis sanda'anai. Ea' ambal bu'unai Godi nape okom ananinai nihi'ambana anan ina nambimb noga' ulal, owa'. Anan ata' nepe niti Krais, Dembinai nandandepana nosapa'ana nafi'i.

Aposel 24:25

Na'ipana waf bu'unai ma epes sumafi alop asasinai andeande' ma owagama God nonda' kotima epes hiesi. Na'iam na'ama, Feliks umbamahana. Ea' na'i, “Ine' fo'o. Nambimb anona nemaf, efalena wapoti'.”

1 Tesalonaika 2:10

Ipe' patolom pegawam ea' God wapoti' natolom nogawam ea' waf wanda'ana ipe' pembale'efa Krais. Waf anama afa'inai bu'unai, ina aona, owa'.

1 Timoti 3:2

Ea' emi aman nope numafi siosi nope andeande' endilisi ma epes ina siti anona waf aonai ma anan, owa'. Anan noso' nemata'w atoto'w. Ina nea' embel nohaga nogaol, owa'. Anan okom nopaina numafi alop ananinai andeande'. Anan nila okom bu'unai atona nonda' waf bu'unai hianai. Anan okom ni'i hiesi alupusi etis ananisi hi'ilas nose'as gwa'aimi. Anan nope notaga tisa bu'unai ma basef bu'wami atom.

1 Timoti 4:12

Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

1 Timoti 6:11

Ea' ine' aman Godi newa' alafugama amamaga amama ea' nefe' nila waf anama bu'unai. Nenda' maola nefa' waf bu'unai endilisinai Godi, nembale'efa Jisasa okom ninila epes hiesi. Nenda'am na'ama ma nitu la'ifina ma waf aonai enis sonda'menanai. Ine' nenda' waf so'uso'umbela enis epes.

2 Timoti 2:22

La'ela'ef ine' nendafa'ma ukup amama awasimi mataga ma amam amama awomimi. Nenda' maol bu'unai la'ifina nembale'efa God nila waf bu'unai neloma okom nainaila enis epesanai. Ea' nila waf opaf awaninai, neloma epes isima opalef mape bo'om andeande' sofala Dembinai.

2 Timoti 3:3

Ea' ina ukup mimila enis epes, owa'. Ina sokwaha waf aonai enis epes sanda'masanai, owa'. Esis ina ukup mose'asa lopa' fitap asasinai ma si'i basef awami, owa'. Ea' si'ipa enis epes si'i, “Ape' monda' waf aonai.” Esis ukup mi'i esis etis ina sumafi alop asasinai andeande', owa'. Sohambombaga epes isima bu'wasi, sowa' alafugah sondaiwa'ma waf bu'unai.

Taitus 2:7

Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

1 Jon 3:14

Ape' ukup maimaila esis sahin owan, amama ape' mogawa dei' makwahona waf anama ga'inai mataga mofa' ambal namunai. Dei' main? Ape' ukup maimaila esis sahin owan endilisi. Emi egafis owa' ukup mimila sahin owan asasisi, esis ata' sape la'ela'ef waf ga'inai.

1 Jon 5:1

Emi egafis sembale'efa Jisas anan Krais God nasapa'ana nafi'i, epes isima awasi Godi. Ea' emi egafis ukup maimaila ahalomas, esis ukup maimaila awasi ananisi wapoti'.