Taitus 1:7 - Basef Buꞌwami Godi

⁷ Ine' negawa agufumi mumafi esis Kristeni, amam mumafi opeh Godi. Ea' amam amama fe' pe amamunai andeande'ma anona nemaf esis amam nematawa ina siti anona waf aonai amam manda'anai, owa'. Anona aman ama amam agufumi, anan ina nonda' waf aonai, o okom wandafuna mehip, owa'. Anan ina nea' embel nohaga nogaol nohas etin, owa'. Anan ina okom nohafel ni'ini'i endilisi ma nonda' waf aonai ma nofa' otamba, owa'.

Taitus 1:7 Iomraidhean Croise

Matyu Nandaꞌafi 24:45

Ipe' hipai penda' waf bu'unai pehafa Ae' si'i aman anama gawainai numafi amam manda' maoli nanda' maol andeande'. Aman anama dembinai ananinai nandandepana ma numafi ananimi manda' maoli ma nease'ama gwa'aimi amam nogota anan na'ianai.

Luk Nandaꞌafi 12:42

Ea' Dembinai na'i, “Emi egafis gawaisi sape sanda' maol andeande' panda' waf bu'unai? Epes isima dembinai asasinai nambimb nondandepas ma sumafi ananimi manda' maoli ma sease'ama gwa'aimi amam nogota dembinai na'ianai.

Efesus 5:18

Ea' ipe' ina pea' embel la'ifimi pehaga pegaol, owa'. Waf anama nahambombaga ipe'. Ipe' aho'ma Ambal Bu'unai Godi nopaipa si'ipa.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Taitus 1:5

Ae' akwahina napani ailan Krita nendondomba opeh amama ata' owa' nimbefama nambimb nendandepa anom agufumi mumafi esis Kristeni wambel hiagoma, si'i fowa' a'ipina. Ea' basef amamumi mape na'ama.

Taitus 2:3

Ea' awau nematawa hagiwai wapoti' ope andeande'. Awau owa' ohas wi'ipas enis epes, owa'. Awau owa' wea' embel hiami ohaga ogaol. Awau ope si'i tisa nawalipasa waf bu'unai.

1 Pita 4:10

Ipe' hipei atona etin pefa' presen naninani bu'unai hianai Ambal Bu'unai Godi nasi'ipanai. Ea' pimafi presen anama ipe' atona etin andeande' ma pigiambama esis sahin owan. Pimafiana na'ama.

1 Pita 5:2

ipe' pimafi amam nematawa God nasi'ipasi andeande' si'i amam mumafi sipsipi mumafiam. Ipe' ukup mohafel endilisi ma pimafias si'i okom Godi na'i penda'am. Ipe' penda' maol ananinai andeande', ina penda'ana ukup mopoma pefa' otamba atom, owa'. Opalef ipe'imi mohafel endilisi ma penda' maol Godi.

2 Pita 2:10

Basef amama endilisi atom mapoma emi egafis ukup mohafema waf aonai alop atona ma ukup ma'i basef Dembinai sa'i falafumi. Epes isima anona nemaf sofa' nimanimi lu'wami endilisi. Amam mambaso'ami matotopa' basef Godi maila ukup amamumi atom mafela agof amamumi atom. Amam ina umbamahama manda' amam mape ilif heveni findiwam, owa'.