Taitus 1:4 - Basef Buꞌwami Godi

⁴ Ae' anda' basef amama mafe'mago ine' Taitus. Ine' nembale'efa God na'ama etin si'i ape' hiapai mombale'efana. Amama atom dei' ine' nogalome ae'inai endilisi. Ae' a'i God ahalomapa noloma Krais Jisas anan nofa'apa motanimani, amam biam migiambamena na'a okom ine'inai nope awanena.

Taitus 1:4 Iomraidhean Croise

Luk Nandaꞌafi 2:11

Dei' nemaf anae' ano'w nemata'w kwape Betlehem wambel Deviti kola enin awani aman. Anan aman anama nokwahomepa waf aonai nofa'epa peatanimani. Anan Krais, God nandandepana nasapa'ana nafi'i, anan Dembinai.

Jon Nandaꞌafi 4:42

Ea' sa'ipa akwa'w sa'i, “Dei' ape' ina mame' basef ine'imi atom mombale'efam, owa'. Ape' mame' basefa aman anama ea' mogawa anan atona nofa' amam nematawa hiesi etapasi sotanimani.”

Basef Amama Pol Nandaꞌam Mafeꞌma Esis Romi 1:12

Amama na'ama. Ae' a'i bale'ef ae'anai nigiambama ipe' ea' bale'ef ipe'inai nigiambama ae' nenda' ae' etaga la'ifiwi. Amama monda'apa motaga la'ifipa opalef ape'imi na'ama etin.

Basef Amama Pol Nandaꞌam Mafeꞌma Esis Romi 1:7

Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.

2 Korin 12:18

Ae' afela Taitus a'ipana nafe'mago ipe'. Ea' asapa' owalomapa anama nafo'o nalomanago. Taitus ina nambaso'am nefa' amamaga ipe'imi, owa'. Afa' dei' waila waf bu'unai ukup etifim. Ipe' pegawa afa' waila eaf atotona wafe'.

2 Korin 2:13

Ea' opaf ae'anai ina nape awanena, owa'. Dei' main, ae' ina ata' ati owalome ae'anai Taitus, owa'. Ea' akwaha esis Troas afi'i ataga anona etap hiagoma Masedonia.

2 Korin 4:13

Baibel na'i, “Ae' embale'efa God. Amama atom dei' awalapa basef alihim a'iam.” Afa' wambale'efa God na'ama etin si'i Baibel na'i dei' wawalapa basef wa'iam.

2 Korin 7:6

Ea' God nanda' epes isima opalef nimanimi sataga laifis nasapa' Taitus natagamafa nanda'afa wataga la'ififa.

2 Korin 8:16

Ae' anifela God, anan nafela okom Taitusi ea' nomonas etifim si'i ae'. Ea' okom nohafel endilisi ma nigiambamepa.

2 Korin 8:23

Taitus ipe' pegawana. Afa' wandao'oma wanda' maol etin ma wagiambamepa. Alupumi biam mofo'o molomanai mofa' malogof esis sios hiesi mofo'o. Amam manda' maol Kraisi mafela agel ananinai.

2 Korin 8:6

Fowa' Taitus nafela maol anama ma ipe' pagiambama Kristen amama atom. Amama atom dei' afa' la'ififa ma anan nigiambamapa ma pembefa maol anama hi'ilana.

Galesia 2:3

Taitus anan alupunai ae'anai, amam mogawa anan aman Grikinai. Ea' amam ina matopa'mana alop si'i amam Juda manda'am, owa'. Ma'i aho'ma anan.

Galesia 3:26

Ipe' pembale'efa Krais Jisas. Amama atom dei' ipe' hipei pataga awasi Godi, pape la'ifipa paloma Krais Jisas.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

Efesus 1:2

Ae' a'i God ahalomapa ape'inai noloma Dembinai ape'inai Jisas Krais migiambamepa na'a monda'epa petaga la'ifipa pepe opalef awanem.

Kolosi 1:2

Ea' anda'mepago basef amama mafe'mago ipe' amam nematawa Godi pape wambel Kolosi, ipe' alupipei pape la'ifipa paloma Jisas Krais. Afa' biafa wa'i God ahalomapa ape'inai nigiambamepa na'a nonda'epa pataga la'ifipa ea' nonda' opalef ipe'imi mope awanem.

1 Timoti 1:12

Dembinai ape'inai Krais Jisas nase'e pepel, okom napoma ae' bu'uwai anda' maol ananinai nanda'e anda' maol anama, ea' anifelona.

2 Timoti 1:1

Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

2 Timoti 4:10

Dei' main, Demas okom na'ina'i waf aonai etapanai ea' nakwahowe nafe' Tesalonaika. Kresens nafe' etap hiagoma Galesia, ea' Taitus nafe' etap hiagoma Dalmesia.

Taitus 1:3

Anom nimeguf mafe'ma ea', nogota anama anan atona nandandepana ea', anan nafela amam amama mawalapa basef ananimi alihim. God anan nofa'apa motanimani, anan na'iam dei' nase'e opeh amama ma ewalapa basef amama.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

2 Pita 1:1

Ae' Saimon Pita anda' maol Jisas Kraisi, anan nandandepe aposel. Ae' anda'ago basef amama ma ipe' amam nematawa pefa' bale'ef bu'unai na'ama etin si'i afa' ofa'anai. Bale'ef anama ipe' pefa'ana waf bu'unai Jisas Kraisi, Anan God ape'inai nofa'apa motanimani.

2 Pita 1:11

I'i ipe' pilam, anona nemaf God nonda' eaf nogal alihina pendanifel pefe' piwis wambel Jisas Krais Dembinai ape'inai nape la'ela'efa. Anan atona nofa'apa motanimani.

2 Pita 2:20

Emi egafis sokwaha waf aonai etapanai nanda' epes awes ma sogawa Dembinai ape'inai Jisas Krais nofa'as sotanimani, ma i'i waf anama aonai nomboma esis wapoti' ma nombale'as la'ifis, anona nemaf sope la'ela'ef na'ama. Sali' sape la'ifisa sonda' waf aonai, ata' sape awes kwaukwawie'. Ea' dei' satanima sanda' waf aonai wapoti', awes endilisi sanda' waf aonai la'ela'ef.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.

2 Pita 3:2

Ae' a'i ipe' ata' ukup mopoma basef amama fowa' gani amam profet Godi mawalapami. Ea' ukup mopoma basef la'ifimi Dembinai nofa'apa motanimani, ipe' pefa'ama lagof afa' aposel ipe'ifai.

1 Jon 5:14

Ape' mogawa, i'i ape' mila okom Godi atona monda' betena maim amamaga, Anan nome' beten ape'inai. Ea' maina nemaf mefe' felefele'ma Anan monda' beten, ina umbamahapa ma Anan, owa'. Ukup ape'imi mape la'ifim.

Basef Ifimba Jut Nandaꞌafi 1:3

Alupipei endilisi, ae' okom nainailipa. Ae' ali' a'i enda' anom basef mil okwatip mefe'mago ipe' ma God nefa'apa motanimani. Anan nefa' ipe' peloma ae' wapoti'. Ea' owa. Dei' a'i ata' enda' anom basef i'ipipago efela ukup ipe'imi ma penda' maol la'ifipa pimafiago basef endilisimi Kraisi ape' mombale'efami. Ama pehagasa naumbih amama mahagofa basef amama Kraisi. Bale'ef anama God nase'apana ape' hiapai amam nematawa Ananipai nemaf anama atotona mape la'ela'ef.