Taitus 1:2 - Basef Buꞌwami Godi

² Ae' anda' maola agiambama bale'ef asasinai ma esis sogawa ma sondanifel sope sohafa ambal anama namunai nope andeande' la'ela'ef. Fowa' gani God ata' owa' nonda' anom amamaga motaga etap anae', anan nali' na'iam ma nose'apa ambal anama ape'. Anan ina nambaso'ami, owa'.

Taitus 1:2 Iomraidhean Croise

Matyu Nandaꞌafi 25:34

Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei.

Matyu Nandaꞌafi 25:46

Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”

Mak Nandaꞌafi 10:17

Jisas nohafel nafe', anona aman nasagih nafi'mai anan nindiwa nembawa notawa nahali'ana na'i, “Tisa bu'winai, ae' nambimb enda' maina waf bu'unai ma efa' ambal namunai epe andeande' la'ela'ef?”

Jon Nandaꞌafi 10:28

Ae' ase'am ambal namunai ma meape andeande' la'ela'ef hihif. Amam ina moga', owa'etin. Ina enin epen la'ifina neatagahom lagof ae'ami nefa'am, owa'etin. Amam mope lagof ae'ami la'ela'ef hihif.

Jon Nandaꞌafi 17:2

Dei' main? Ine' nendandepe ea' ma ape Dembiwei ali'ma epes hiesi ese'as ambal namunai epes isima hiesi ine' nasi'iesi. Ambal anama nenda' esis sope andeande' la'ela'ef hihif.

Jon Nandaꞌafi 17:24

Ahalome, ae' okom na'i esis amam nematawa ine' nasi'iasi sefe' sope solome wambel ae' eapoma. Ae' okom na'i esis siti pepel la'ifinai noloma nafifili ae'anai, anama ine' nasi'ianai. Fowa' etap anae' ata' owa' notagai nogota anama ine' okom naila ae'. Ea' nase'e pepel nafifili anama.

Jon Nandaꞌafi 5:39

Ukup ipe'imi mandanda' ma'i basef amama mape Buk Baibel mase'epa ambal namunai ipe' ma peape bo'wepa la'ela'ef hihif. Ea' ipe' patalifa basef amama peagawam ea' panda' maol lu'unai pagolopa basef amama hiami. Basef amama Baibelimi ma'i ae' mawalape. Owa'etin.

Jon Nandaꞌafi 6:54

Emi egafis, sea' alop noloma esimbel ae'ami, amama dei' sefa' ambal namunai sope andeande' la'ela'ef hihif ea' efelas wapoti' sehafel hi'agilif nemaf akutainai.

Jon Nandaꞌafi 6:68

Ea' Saimon Pita nagwamana basef na'i, “Dembinai, afa' okwaha ine' ofe' eti wila emi? Basef ine'imi atom ma'ipafa ma weape ambal namunai andeande' la'ela'ef hihif.

Aposel 15:18

Fowa' gani endilisi Ae' Dembiwai awalapa basef amama.’

Basef Amama Pol Nandaꞌam Mafeꞌma Esis Romi 1:2

Basef amama mape na'ama. Fowa' gani God nanda' basef la'ifimi ea' na'ipa amam profet Ananimi mawalipasam manda'am mail buk Godi. Basef amama ma'i Nogalomana ananinai, Jisas Krais Dembinai ape'inai. Anan nataga epen endilisinai nataga wambota aman dembinai king Deviti. Ea' dei' Ambal Bu'unai Godi nawalapana alihina ma pepel Godi, anan Nogalomana Ananinai endilisi. Ambal anama nafelona nohafel hi'agif wapoti'.

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 5:2

Anan atona eafa ape' mombale'efana mope nomona okom Godi nainaila ape' endilisi nandahomapa nefa'apai dei' mape andeande'. Ape' mogawa endilisi mape mohafa anona nemaf God nofa'apa mope molomana miti nafifili Ananinai. Bale'ef anama nanda'apa mandanifel ma amama.

Basef Amama Pol Nandaꞌam Mafeꞌma Esis Romi 5:21

Fowa' waf aonai nataga lu'una ma ape' hiapai dei' maga'. Ea' dei' waf God nandahomapa anai nikila' waf anama aonai. Anan nandahomapa ea' nofalapa amam nematawa bu'upai ma mofa' ambal namunai nape la'ela'ef ma Dembinai ape'inai Jisas Krais.

Basef Amama Pol Nandaꞌam Mafeꞌma Esis Romi 5:4

I'i ape' mitu la'ifipama amamaga amama meagwamba ape'i, God ni'i aho'mapa. Amama atom dei' ape' mogawa endilisi Anan naila basef ananimi andeande' ma nigiambamapa mope mohafa nafifili pepel ananinai anona nemaf neatagai.

Basef Amama Pol Nandaꞌam Mafeꞌma Esis Romi 6:23

Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

1 Tesalonaika 2:15

Esis Juda saha Dembinai Jisas naloma amam profet maga' ea' sanda' wandaf sali'amonafa. Sosambala waf God okom na'ianai sahambombaga epes hiesi.

1 Tesalonaika 5:8

Ape' mape si'i epes sape alipi, ukup mapaepa mumafi alop andeande'. Ape' mofa' waf anama mombale'efana la'ifipa ma moso' opalef enis, si'i sanda' wandafi sofa' walitah sanda' wandafa mahagasa wambawa. Ape' mogawa basef amama anona nemaf God nofa'apa motanimani. Ukup mopoma basef amama si'i mowalo' anona hat la'ifinai nili'akwa balagah.

1 Timoti 6:12

Nembale'efa Krais si'i enin epen nasagih mehip naloma enis. I'i enin nesagih mehip nefe' nisila'as, nefa' anom amamaga. Ine' wapoti' na'ama etin. I'i nembale'efana la'ifina, anona nemaf nepe andeande' la'ela'ef. Ine' nihapila okom anama ambal bu'unai nape la'ela'efi fowa' God nofalena ma nefa'anai. Anan nofalena nemaf anama ma newalapa bale'ef anama ine'inai naep epes hiesi sanda' lotuma Godi.

1 Timoti 6:19

I'i sonda'am na'ama, andeande'ma anona nemaf sokolasa amamaga bu'wami atom migiambamas owagama gani heven. Sonda'am na'ama, sofa' ambal bu'unai endilisi.

2 Timoti 1:1

Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

2 Timoti 1:9

God nofa'apa mutanimani mope andeande'. Anan nofalapa amam nematawa ananipai atepa mope bo'wepa andeande'. Anan ina okom napoma waf bu'unai ape' manda'anai nofalapa, owa'. Okom Ananinai atona nainailapa nofalapa nagiambamapa na'a. Fowa' dambadamba ina dei' nanda' etap, ata' owa', Jisas Krais nandahomapa nagiambamapa na'a.

2 Timoti 2:10

Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

2 Timoti 2:13

I'i ape' mi'i ape' alupupai Ananipai milana, ma owa' milana, ea' ape' hapaipai. Ea' Anan atona naila basef Ananimi endilisi andeande'. Ina anona nemaf nokwaham nombaso'mas, owa'.

2 Timoti 2:15

Ine' nenda' maol Godi la'ifina netaga aman nanda' maol endilisi, ma ambal ine'inai ina aona ma maol anama, owa'. Nenda'ana na'ama ma God okom bo'ona ma ine' ma ni'i basef Ananimi bo'om endilisi.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Taitus 2:7

Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

Taitus 3:7

Anan nanda'am na'ama ma na'i ape' epes bo'wepa andeande' ma okom anama Jisasi atona lu'unai nainaila ape'. Ea' nandandepapa ma mofa' ambal namunai mope andeande' la'ela'ef. Ea' ape' mombale'efana mape mohafana.

1 Jon 2:25

Krais na'ipapa basef endilisimi la'ifimi, Anan anona nemaf nose'apa ambal namunai mope andeande' la'ela'ef.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.

Basef Ifimba Jut Nandaꞌafi 1:21

Ipe' pindumafuma andeande' pila waf Godi andeande'ma Anan nihi'ambepa andeande' okom lu'unai ananinai nainailipei. Ipe' penda'am na'ama pepe pehafa Dembinai ape'inai Jisas Krais, Anan nati uwahipipa anona nemaf nonda'epa pepe namepa ma pepe andeande' la'ela'ef hihif.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.

Revelesen 17:8

Mafin anama nape aolupi, ine' natolona ea'. Fowa' anan nape, dei' ina ata' nape, owa'. Anona nemaf nokwaha hul anama nowala owa' notambili nolatowi ilif ea' nefe' higililana owa'etin. Enis epes etapasi God ina nanda' agof asasimi mape buk ambal namunai ma nemaf anama fowa' dambadamba anan nanda' etap, owa'. Amam nematawa isima anona nemaf siti mafin anama nape aolupi gegelelesis kwapete'as. Dei' main, fowa' anan nape, dei' owa', anona nemaf, anan notaga wapoti'.