Taitus 1:10 - Basef Buꞌwami Godi

¹⁰ Epes hiesi ina saila basef, owa'. Sosambalom. Esis sanda' basef etin sa'iam sambaso'ma enis epes. Esis hiesi wambota Judai satopa' alop.

Taitus 1:10 Iomraidhean Croise

Matyu Nandaꞌafi 23:14

Ipe' amam dembipei pawalipasa mi'uli Godi paloma Farisi, ae' ati uwahipipa ma nimanimi lu'wami anona nemaf meatagamipei. Ipe' malogof biamipei. Ipe' pawis ifagw amama nematawa alifiwai, pawis pakawalopom amamaga awoumi. Panda'am na'ama panda' beten launai etina esis sitilipa si'i ipe' bu'wipei. Anona nemaf God newaloga epes hiesi, enis epes owa' seanda' waf aonai na'amainai sofa' nimanimi kwawie'um, ea' ipe' pefa' nimanimi lu'wami endilisi.]

Aposel 11:2

Ea' Pita notanima nondowasa' Jerusalem, enis epes Juda sombale'efa basef Godi sape. Esis saila waf fowa'inai la'ifisa sa'i amam hiami mombale'efanai mila mi'uli esis Judai ma motopa' alop amamunai. Ea' sasambalana mehipa basef ananimi.

Aposel 15:1

Anom amam mape Judiai makini' mataga Antiok ma'ipama basef esis Kristen sahin owan sape anama. Ma'ipasa basef ma'i, “I'i ipe' amam owa' pila mi'uli God fowa' gani na'ipa Mosesanai ma owa' petopa' alop ipe'inai, anona nemaf God ina nofa'epa pitanimani, owa'.”

Aposel 15:24

Afa' wame'am enis epes afa'isi safo'o sanda'epa pehafel gegelalasipa kwapete'epa ma basef asasimi, sanda'epa umbamahepa ukup matamea. Esis sanda'am na'ama sa'i somboma ukup ipe'imi. Ea' afa' ine' wa'ipas safo'o sanda'epa na'ama, owa'.

Aposel 20:29

Ae' egawa atuwasi ikwahipa efe', nambimb anom amam awami si'i nombagw wandafumi mufi'i motaga la'afena ipe' ea' mohambombaga esis Kristen si'i nombagw maha sipsip.

Galesia 2:4

Basef amama Taitus natopa' alop o ina natopa' alop mataga na'ama. Fowa' amam mambaso'ami ma'i amam Kristen sahin owan endilisimi motopa' alop amamunai. Ea' mandambaho' mawisi nomona ape' Kristen ma'i miti waf bu'unai Jisas Krais nase'apana ape' mape la'ifipama Anan. Ea' dei' natagahepa ma waf aonai mape wafifipa. Amam ma'i mogawa waf anama mape wafifipa ea' ma'i muli'akwapa mope owina basef amamumi fowa'imi.

Galesia 3:1

Ipe' Galesia ukup masi'ipei. Afa' wawalipipa basef alihima Jisas Krais naga'ma ipe' lawag usi'inai tu'wanainai, wawalipipam alihim endilisi si'i patolom naep ipe'imi. Dei' ata' emi namboma ukup ipe'imi mase'epa?

Efesus 4:14

I'i ape' motaga na'ama, ape' ina ata' mape mundati si'i awasi gawa a'asi wapoti', owa'. I'i epes isima sogawa endilisi sakikipapa ma waf baso'maimi si'ipapa basef hiami mamumami, amama ina mamboma ukup ape'imi mape si'i naoh makoto'ma kanu. Amama ina makoto'mapa manda'apa si'i uf nafapusapa mafe' mafi'i, owa'.

1 Timoti 1:4

Ni'ipasam mokwaha basef fowa'imi wafimi, basef mamumami hiami ma'i agof amama bafapas ehasas asasisi. Basef amama mamboma ukup amamumi mafela ukup amamumi ma'i basef mandahihianamam. Amam amama ina manda' maol Godi mataga la'ifima bale'ef, owa'. Maol anama Godi natagama bale'ef atona.

1 Timoti 1:6

Ea' anom amam ukup mase'ama waf anama bu'unai. Ea' dei' mamboma basef bu'wami ma'i basef wafimi atom.

1 Timoti 1:9

Afa' ogawa amama wapoti', mi'uli anama ina nafi'mai epes isima sape andeande'i, owa'. Anama nafi'mai epes sanda' waf aonai, sosambala mi'uli anama owa' sope owina amam agufumi. Ea' enis seso' alafugaha Godi sanda' waf aonai. Enis sa'i waf Godi hapainai, ma saila waf etapanai atona. Ea' enis saha ahapas mamasas saga', saha enis epes wapoti' saga'.

2 Timoti 3:13

Ea' amam awami maloma amam mambaso'ami nambimb mombaso'ma epes hiesi. Ea' anom amam mombaso'ma amam atom. Ea' waf amam manda'anai nambimb notaga aona endilisi.

2 Timoti 4:4

Ea' sowa' alafugaha basef endilisimi seme' basef amama mamumami falafumi wafimi.

Taitus 1:6

Anona aman i'i owa' nonda' anona waf aonai ma naep esis amam nematawai ma anan noso' nemata'w atoto'w ma batawisana ananisi sombale'efa Krais esis basef a'as, ina sonda' anona waf aonai, sape andeande' seme' basef. Amam manda' waf anama, ine' nenda'am mope agufumi.

Jems 1:26

Emi egafin ni'i, “Ae' anda' lotu endilisi aila God” ma enin i'i owa' nimafi malogel ananinai andeande', epen inima nambaso'ma okom ananinai atona. Ea' dei' bale'ef ananinai ma lotu main falafunai atona.

1 Jon 2:18

Ipe' alupipei ae'ipei, ae' okom maimailipa, dei' nemaf na'i hi'ilana. Fowa' ipe' pame' basefa naumbih Kraisi ma'i motaga. Ea' dei' naumbih Ananimi hiami mataga ea'. Ape' mogawa dei' nogota na'i hi'ilana.

1 Jon 2:4

Emi egafis sa'i, “Ape' mogawa God andeande'”, ama esis owa' sila basef Godi, esis sambaso'ami. Ea' basef endilisimi ina mape opalef asasimi, owa'.

1 Jon 4:1

Alupipei ae'ipei, amam profet mambaso'mami mafe'agon anama etap hiagoma. Ipe' ina pembale'efa epes isima hiesi sa'i, “Ae' Ambal Bu'unai Godi napaiwei.” Owa'. Ipe' ata' pegwaloga ambagof amama hiami pendendomam ama pegawa amam mataga mafi'i Ambal Bu'unai Godi o owa'?

Revelesen 2:14

Ea' Ae' a'i i'ipipa anom basefa waf aonai ipe' panda'anai dei' ata' napomepa. Enis amam nematawa sape salomepa Pergamum, esis ata' saila waf anama si'i anona aman Balam fowa' nanda'anai la'ifis. Waf aman anama na'ama. Fowa' gani anan nihi'amba anona aman Balak nambaso'mana nanda' esis amam nematawa Israelisi sowa sanda' waf aonai. Ea' Balak nafela ukup esis Israeli ma sagwa' mafis maloma gwa'aimi amama saso' god baso'omunai sanda' waf aonai so'a waolanai.

Revelesen 2:6

Ea' dei' anona waf bu'unai ata' napaipa. Enis epes hiesi agel sa'i Nikolas Ae' andaiwa' endilisi ma waf esis sanda'anai, ea' ipe' wapoti' pewa' alafugahas pandaiwa' endilisi ma waf esis sanda'anai.