Taitus 1:1 - Basef Buꞌwami Godi

¹ Ae' Pol anda' maola Godi, ae' aposel Jisas Kraisi. Anan nandandepe ma eawalipasa basef ananimi. Anan nasapa'e ma igiambama esis amam nematawa nandandepas ea' ananisi ma enda'as sotaga la'ifis sombale'efana sogawa basef endilisimi ma sila waf ananinai.

Taitus 1:1 Iomraidhean Croise

Luk Nandaꞌafi 18:7

Epes isima God nandandepas ea' ananisi, esis salef sakokowe la'ela'ef owamb alip. Dei' God nigiambamasa kot o owa'? Anan nigiambamas. Anan ina ni'ipas mamumami, owa'.

Aposel 13:48

Ea' enis epes owa' Judaisi same' basef amama sandanifel endilisi. Esis sandanifela basef Dembinai safela agel Ananinai. Ea' amam nematawa isima God nosahe'asi ma sope namisi la'ela'ef, isima sombale'efa Jisas.

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

2 Korin 1:1

Ae' Pol, God nandandepe aposel Krais Jisasi. Ae' aloma owalomapa Timoti wasapa'ago basef amama ma ipe' amam nematawa Godi pape Korin pelomago amam nematawa hiesi Godi si'isi sape anama hiagoma esis Grik sapoma.

Efesus 2:8

Dei' main, God nagiambamepa na'a, amama atom dei' nofa'epa pitanimani pembale'efa Krais. Amamaga amama ina ipe' etipa panda'am, owa'etin. God atona nase'epam na'a.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Kolosi 2:2

Ae' anda'am na'ama ma opalef ipe'imi moloma opalef asasimi motaga la'ifim mope ukup mondao'oma etina sahin owan ipe'isi. Ama ipe' peloma esis pefa' gawa bu'unai endilisi nenda' bale'ef ipe'inai bo'ona ma pegawa basef Godi endilisimi atom. Ae' anda' maol anama ma ipe' peloma esis pegawa basef amama Godi ofagema fowa' mandambahi'i ma'i Krais atona.

1 Timoti 2:4

Anan na'i nofa'ai epes hiesi sotanimamai Anan sope andeande'ma sogawa basef endilisimi ofagema.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

1 Timoti 6:3

Basef dembinai Jisas Kraisi mawalipapa andeande'ma waf Godi. I'i anona aman nokwaha basef amama ma nowalipa esisa anom basef owa' mefe' dende'ma basef amama bu'wami Jisasi, ape' mogawa aman anama na'i nosambala basef Godi. Anan ina nogowa andeande', owa'. Anan nomonas a'anai. Anan okom na'i basef nalomas sandahihianama. Sa'i basef amama, nafitap nalomasa basef amama ofagema. Basef amama atom mawalapa waf anama. Opalef aoma enis epes, sanda' findiwa ma sope ukup aom mopoma sahin owan.

2 Timoti 2:10

Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

2 Timoti 2:23

Ea' ine' newa' alafugama basef amama mamumami awami falafumi ma epes isima ukup mase'asi gawa a'asi. Ine' negawa basef amama atom mawalapa ukup mamumami wandafumi ma'i mandahihianamam.

2 Timoti 2:25

Anan nuwalipas sa'ombel nihi'amba andeande' epes isima sandaiwa'manai sosambala basef ananimi. Anan nonda' maol na'ama nigiambamas, anona nemaf somboma opalefa sogawa basef endilisimi andeande'.

Jems 1:1

Ae' Jems, ape owina God naloma Dembinai Jisas Krais anda' maola amam atom. Anda' basef amama mafe'mago ipe' epes hipei Judaipei epes wambotogw loumi 12-peleim. Ipe' pakwaha wambel ofagama ipe'ima ma pafe' pape wambel hiagoma etap anae' pape panda' maol naninani. Ae' anda'mepago danifel nafe'mago ipe'.

2 Pita 1:3

Krais nofalepa ma pefa' pepel howalagon ananimi atom pelomana. Ama pepel God nase'anami atom anan nase'apa pe bu'unai amamaga amama bu'wami hi'alama mope andeande' mila waf Godi. Krais nanda'apa na'ama ma eaf anama mogawa anan atona.

2 Pita 3:11

Endilisi amamaga amama anona nemaf mefe' hi'ilam na'ama. Ea' ipe' penda' main? Ipe' pepe pila waf bu'unai atona pila waf hianai Godi.

1 Jon 2:23

Emi egafis sowa' alafugaha Nogalomanai, esis sowa' alafugaha Ahalomana wapoti'. Ea' emi egafis saso' opalefa Nogalomanai, Ahalomapa nape nomona opalef asasimi.

Revelesen 1:1

Fowa' gani basef amama mape mandambaho' ea' dei' Jisas Krais nanda'am mandawalap alihim. God nase'anam Jisasa nowalapam nihi'ambapa anom manda'mana opeh Godi ma mowalapa amamaga mape mandambahi'i motaga ulal. Anan nase'e gawa afa' wanda' opeha Anan ma amamaga amama. Ea' dei' nasapa' ensel ananinai nafi'mai ae' Jon. Ae' dei' anda'mana maol Godi, ea' Anan nase'e basef amama ae' wapoti'.