Basef Amama Pol Nandaꞌam Mafeꞌma Esis Romi 9:4 - Basef Buꞌwami Godi

⁴ Ape' Israel God nandandepapa ea', nanda'apa mataga awasi ananipai ea' na'i aho'ma miti' nafifili ananinai. Anan na'i basef ananimi endilisimi atom nalomapa ea' nase'apa mi'uli bu'unai ananinai naloma waf endilisinai monda' lotumanai. Ape' mofa' basef amama God na'i endilisimi atomi.

Basef Amama Pol Nandaꞌam Mafeꞌma Esis Romi 9:4 Iomraidhean Croise

Matyu Nandaꞌafi 21:33

Ipe' peme' anom basef womun etin. Anona aman dembinai nanda' anona aof nawa wain nahopana. Aof anama nomon anan nanda' anona tang notawa ma sofa'asa su'utip amama wainim, ea' nala' anona ipat launai notawa sope sumafiagon. Ea' nakwahomama aof anama anom amam ma'i monda' maola aof anama mofa' monianai. Ea' nafe' napani anona wambel laoguma.

Jon Nandaꞌafi 1:17

Fowa' God nase'ana mi'uli Moses ea' Moses nawalipas. Ea' Jisas Krais nikila' Moses nagiambamapa etin ma waf endilisinai.

Jon Nandaꞌafi 1:47

Ea' Jisas nati Nataniel nafi'mai anan na'ipana na'i, “Niti aman anama Israelinai endilisi, aman bu'unai. Anan owa' ni'i anom basef baso'maimi.”

Aposel 2:39

Fowa' gani God na'i basef la'ifimi endilisimi atom na'i nese'epa Ambal Bu'unai Ananinai nope noloma ipe' peloma awasi ipe'isi soloma esis amam nematawa hiesi ata' sape lauguni anona nemaf sigi' seatagai. God Dembinai ape'inai na'iam ma nose'as Ambal Bu'unai Ananinai nope noloma epes isima. Epes amama atom anona nemaf Anan nofalas sotanimani.”

Basef Amama Pol Nandaꞌam Mafeꞌma Esis Romi 3:2

Waf bu'unai hianai natagamana. Waf nali'i anama. God nali' nase'asa basef Ananimi endilisimi atom esis Juda ma sumafiam silam.

Basef Amama Pol Nandaꞌam Mafeꞌma Esis Romi 8:15

Dei' main, ipe' ina pefa' Ambal Bu'unai Godi nowa'epa la'ifipa si'i sanda' kalabusi ma ata' umbamehepa wapoti', owa'. Ipe' pefa' Ambal Bu'unai anama nanda'epa pataga awasi Godi. Pepel Ambal Bu'unai atona dei' mofalana ma'i, “Ahalomapa! Ahalomapa!”

Basef Amama Pol Nandaꞌam Mafeꞌma Esis Romi 9:6

Ea' basef amama God na'ipa esis Israel na'i endilisimi atom ina higilalam etin, owa'. Epes sataga wambota Israeli, hiesi ina Israel endilisi God nandandepas ananisi etis, owa'. Esis ina sombale'efana.

2 Korin 11:22

I'i amam Hibruimi, ae' wapoti'. Amam epes Israelimi, ae' wapoti'. Amam wambota Abrahami, ae' wapoti'.

Galesia 3:16

Fowa' gani God naloma Abraham ma'i basef la'ifim endilisimi atom bafalomana ananinai anona nemaf neataga, si'i waf ape' epes sa'i basef endilisimi atom. Basef mail Baibeli ina ma'i, “Ine' neloma bafasena ine'isi.” Owa'etin. Amama ma'i epes hiesi. Ea' basef mail Baibeli ma'i, “Ine' neloma bafalomena ine'inai.” Amama ma'i epen atotona, anan Krais.

Efesus 2:12

Ipe' pegawa nogota anama fowa' ata' pape pelolama God, ipe' ata' pape ande' laogona Krais, pape ande'ma epes hiesi Israel epes Godi, ea' pape ande'ma basef endilisimi atom God na'iam naloma esis. Basef amama na'i endilisimi atom nagiambamapa. Ipe' fowa' ina anom amamaga bu'wami pape pehafam anona nemaf, owa'. Ipe' owa' pembale'efa God.

Hibrui 9:1

Basef mali'i God na'i endilisimi atom Anan nanda' anom basefa mi'uli na'ipasana anona ipat bo'ona andeande' notawa etap anae' ma sonda' lotuwanai.

Hibrui 9:10

Waf anama sondolalimana ofagema amama. Waf sa' gwa'aimi embel naloma waf sasa'of ma sotofa alogw awami sotaga bo'wesa naep Godi. Amamaga amama alop ando' atona, God nase'as mi'uli anama ma silam la'ela'ef sefe' sotagama nogota anama noho'ofa amamaga dambaimi.

Hibrui 9:3

Ea' wa'ol lowaf alafugeinama sowaolana nataol nawalogon nali'a ganima wa'ol momo'w nomon, anama sofalagon sa'i, “Bo'wagoma andeande' endilisi.” Amamaga ma'oh na'ama nomon amama. Balata sanda' gol sanda'anai, pris mondolalima Goda amamaga nogoh alogw bu'wami ma'ami maloma anom bokis atom basef God na'i endilisimi atom malami. Bokis amama sanda' gol sanda'ami ea' ande'am si'ima gol atona. Bokis amama nomon sala anona botol si'i malep sanda' gol sanda'anai. Anom gwa'aimi esis Juda fowa' sa'am anama wafiguma fatauguma sofalam sa'i mana mala botol anama nomon. Botol anama nala bokis amama naloma bandan Aroni fowa' dahanamb soh mataganai maloma otamba biam batapumi ma God fowa' gani nanda' basef amama na'i endilisimi atom naloma esis Juda mailami. Amama mala bokis amama nomon.

Hibrui 9:5

Ea' amamaga matoma ilifa bokis amama andi'i amama. Anom biam si'i ensel sanda' gol nafifili sanda'am mondola'wifa God nape nalomas. Amama matoma ilifa bokis amama. Bihinagof mandom ensel amama na'ama la'afen mondolali makolo' esimbel mali'amona okom wandafunai Godi. Ea' dei' ae' ina la'ifiwi ma i'i basefa amamaga amama ofagema i'ipipam hi'ilam, owa'.

Hibrui 9:6

Esis sanda' amamaga mape alihima nimeguf hiami amam pris mawis ipat anama nomon rum wa'ana mondolalima God.