Basef Amama Pol Nandaꞌam Mafeꞌma Esis Romi 9:30 - Basef Buꞌwami Godi

³⁰ Dei' ape' ata' mi'iam mi'imama? Ape' mi'iam na'ama mi'i, “Esis owa' Judaisi ina sanda' maol lu'unai ma sefa' waf bu'unai, esis sefa'am ea'. Esis sembale'efa God sefa' waf anama bu'unai.

Basef Amama Pol Nandaꞌam Mafeꞌma Esis Romi 9:30 Iomraidhean Croise

Hibrui 11:7

Noa nembale'efa God dei' nihi'ambana basefa amamaga anona nemaf migi' meatagai, amamaga amama Anan owa' ata' notolom nogowami. Anan naila basef Godi nanda' anona sip lu'unai. Sip anama Noa nao'wa akwa'w kwaloma awasi ananisi safe' sawis sapaina sape andeande'. Ina saga', owa'. Sapan. Anan nembale'efa God. Amama atom si'i nanda'masa basefa esis amam nematawa sape etapi hi'alas. Anan nembale'efa God. Amama atom God nofalana na'i aman bu'unai andeande', si'i nanda'masam emi egafis sembale'efana.

Galesia 2:16

Ape' mogawa God ina okom napoma epen inima nembale'efa mi'uli ananinai ea' nanda' epen inima bo'wen andeande', owa'. Epen nembale'efa Jisas Kraisi atona, God nofalan na'i bo'wen andeande'. Ape' wapoti' mombale'efa Jisas Krais ea' God na'i ape' epes bu'upai Ananipai ma mombale'efa Krais. Ea' mi'uli owa'. Dei' main, ina enin epen naila mi'uli anama God naso' Mosesanai, dei' God nofalan na'i enin bo'wen andeande', owa'.

Basef Amama Pol Nandaꞌam Mafeꞌma Esis Romi 4:11

Fowa' gani Abraham nali' nembale'efa God nofalana epen bu'unai. Ea' nagi' natopa' alop. Waf anama natopa' alopanai anona ikwaf God nihi'ambana na'ama na'i nemaf anama ata' owa' neatopa' alopanai God na'i anan epen bu'unai. Amama atom dei' anan nataga akunamas epes hiesi sombale'efa Godi owa' seatopa' alopi. Esis sembale'efa God atona dei' nofalas epes bu'wasi.

Efesus 2:12

Ipe' pegawa nogota anama fowa' ata' pape pelolama God, ipe' ata' pape ande' laogona Krais, pape ande'ma epes hiesi Israel epes Godi, ea' pape ande'ma basef endilisimi atom God na'iam naloma esis. Basef amama na'i endilisimi atom nagiambamapa. Ipe' fowa' ina anom amamaga bu'wami pape pehafam anona nemaf, owa'. Ipe' owa' pembale'efa God.

Galesia 5:5

Ea' owa' etin. Ape' mombale'efa Kraisa pepel Ambal Bu'unai Godi. Ea' mogawa endilisi mape mohafa anona nemaf God ni'i ape' bu'upai ma okom ananinai.

Basef Amama Pol Nandaꞌam Mafeꞌma Esis Romi 10:20

Aisaia ina umbamahana ma na'iam nawalapam, owa'etin. Anan nawalapam na'iam alihim na'ama na'i, “Epes isima owa' seagalopa ae', dei' satolowe ea'. Epes isima owa' seahali' ae', dei' ataga andawalapa esis.”

Basef Amama Pol Nandaꞌam Mafeꞌma Esis Romi 10:6

Ea' waf emi egafis sembale'efa God sa'i Anan bu'unai, waf anama na'iam na'ama na'i, “Ipe' owa' ukup mi'i opalef ipe'imi mi'i, ‘Anona nemaf emi egalin nefe' nilata heven?’ ” ma nihali' Krais nisila'i, owa'.

Basef Amama Pol Nandaꞌam Mafeꞌma Esis Romi 9:14

Ea' ape' dei' ata' mi'i main? Mi'i, “God nanda' waf aonai?” Owa'etin!

1 Pita 4:3

Fowa' ipe' pape nogota launai ea' pafe' paila waf naninani aonai esis sololama Godi ukup ma'ianai. Waf anama na'ama, waf aonai so'a waolanai, ukup mahaga magaolasanai, ukup mohafela waf aonai ea' sa' embel la'ifimi ma ukup mahaga magaol ea' sa' gwa'aimi embel la'ifimi nogota launai ea' sandatama etifigin sa' embel la'ifimi mamumami sosambala basef Godi ma sanda' waf aonai, sanda' lotuma god baso'omunai. Nogota pafe' paila waf anama dei' hi'alana.

1 Timoti 6:11

Ea' ine' aman Godi newa' alafugama amamaga amama ea' nefe' nila waf anama bu'unai. Nenda' maola nefa' waf bu'unai endilisinai Godi, nembale'efa Jisasa okom ninila epes hiesi. Nenda'am na'ama ma nitu la'ifina ma waf aonai enis sonda'menanai. Ine' nenda' waf so'uso'umbela enis epes.

Galesia 3:24

Mi'uli anama si'i enin epen nimafiapa nefa'apa mafe'ma Kraisa mombale'efana ma God nofalapa epes bu'unai Ananipai.

Galesia 3:8

Fowa' gani basef Baibelimi ma'iam alihima anona nogota owagama God nonda' esis owa' Judaisi sombale'efa anan, sotaga bo'wes ma naep ananimi. Fowa' basef Baibelimi ma'ipa Abrahama basef bu'wami Godi. Mihi'ambana ma'i, “Owagama God nonda' ine' ma nigiambama epes hiesi sape etapi sotaga bo'wes sope andeande'.”

Basef Amama Pol Nandaꞌam Mafeꞌma Esis Romi 10:10

Dei' main, ape' mombale'ef opalef ape'imi God na'i ape' amam nematawa mataga bu'upai andeande' ea'. Ea' mawalapa bale'ef ape'inai malogof ape'imi God nofa'apa nokwahomapa waf aonai motanimani.

Basef Amama Pol Nandaꞌam Mafeꞌma Esis Romi 9:31

Ea' esis Israel sanda' maol lu'unai ma saila mi'uli God fowa' naso' Mosesanai ma sefa' waf anama bu'unai, esis ina sefa'ana, owa'.”

Basef Amama Pol Nandaꞌam Mafeꞌma Esis Romi 5:1

Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

Basef Amama Pol Nandaꞌam Mafeꞌma Esis Romi 4:22

Amama atom God okom napoma bale'ef ananinai ea' na'i, “Anan epen bu'unai.”

Basef Amama Pol Nandaꞌam Mafeꞌma Esis Romi 4:13

Fowa' gani God na'i basef endilisimi atom naloma Abraham na'i, “Ae' anona nemaf ese'ena etap hiagoma ine' neloma esis bafasena akusena ine'isi wapoti'.” Na'ama Abraham ina naila mi'uli anama God na'i noso' Mosesanai ma dei' na'i basef endilisimi nalomana na'ipana basef amama, ata' owa'. Abraham nali' nembale'efa God dei' nofalana epen bu'unai na'ipana basef amama.

Basef Amama Pol Nandaꞌam Mafeꞌma Esis Romi 4:9

Epes isima Devit na'i sandanifel, epes isima satopa' alopi etis? Owa'etin. Isima owa' seatopa' alopi wapoti'. Dei' main, do'ok ae' a'ipipa Baibel na'i na'ama na'i, “Abraham nembale'efa God ea' God nati bale'ef ananinai na'i anan epen bu'unai.”

Basef Amama Pol Nandaꞌam Mafeꞌma Esis Romi 3:5

Dei' i'ipipa anom basef ape' epes ukup ma'iami. Basef amama na'ama. Dei' ata' mama? I'i waf aonai ape' manda'anai nawalapa waf bu'unai Godi nataga alihina, ape' nambimb mi'iam mi'imama? Mi'i God nanda' waf aonai okom wandafunai nogwamapa waf aonai ape' manda'anai? Owa'etin. I'i God nonda' waf aonai, dei' Anan nowaloga waf amam nematawa hiesi sanda'anai ma main? Owa'etin.