Basef Amama Pol Nandaꞌam Mafeꞌma Esis Romi 9:3 - Basef Buꞌwami Godi

³ Ae' okom na'i endilisi ma a'i God nofa'ai esis alupusi esimbel ae'ami Israel sotanimani. I'i anona eaf nope, ae' enda' betena Kraisa ae' hegigili eho'ofa esis sefe' wambel bu'unai heven, ea' ae' owa'.

Basef Amama Pol Nandaꞌam Mafeꞌma Esis Romi 9:3 Iomraidhean Croise

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Aposel 22:5

Pris dembinai naloma amam agufumi hiami esis Judai mogawa andeande'ma mowalapa basef amama endilisimi. Amam mase'e pas manda'asa amam sahin owan amamisi Juda sape Damaskus, ea' ae' afe' Damaskus a'i embalo' esis sape wambel anama ewa'as sen. Ae' a'i efa' esis saila eaf anama sefe' Jerusalem sofa' nimanimi ma amam plisman mohas.

Aposel 28:21

Ea' amam ma'ipana ma'i, “Anom Judaimi ina manda' anom basef mafi'i ma ma'ipafa ine', owa'. Ea' ina anona aman Judainai nafi'i nape na'ipafa andeande'ma na'i anom basef awami ma ine', owa'.

Basef Amama Pol Nandaꞌam Mafeꞌma Esis Romi 11:1

Dei' a'i ihali'ipa, God nali'amona Israel hiesi epes ananisi? Owa'etin! Ae' wapoti' Israeliwei esimbel Abrahami, wambota Benjamini.

Basef Amama Pol Nandaꞌam Mafeꞌma Esis Romi 11:14

Maol anama ae' okom na'iana endilisi ma efela esis Juda wambota ae'asi ma kowalasa ipe' dei' pape andeande' paloma God. Ama ae' efa' esis Juda tu'wanis etis sotanimani sifi'mai God.

Basef Amama Pol Nandaꞌam Mafeꞌma Esis Romi 16:11

Pi'ipago Herodiona nemaf bu'unai ae'anai, anan Juda wapoti' si'i ae'. Pi'ipasago danifel ma nemaf bu'unai ae'anai esis wambota atotona Narsisusi sombale'efa Dembinai.

Basef Amama Pol Nandaꞌam Mafeꞌma Esis Romi 16:21

Wanda' maol atini Timoti anan nasapa'ago danifel ma nemaf bu'unai ma ipe'. Lusius naloma Jeson naloma Sosipater, amam Juda wapoti' si'i ae', amam wapoti' masapa' nemaf bu'unai ma ipe'.

Basef Amama Pol Nandaꞌam Mafeꞌma Esis Romi 16:7

Ipe' pese'amo danifel noloma nemaf bu'unai ae'anai ma amam amama Andronikus noloma Junias, amam wapoti' Judaimi si'i ae'. Amam manda' kalabus maloma ae'i. Amam aposel ma'i amam biam manda' maol bu'unai Godi. Amam mali'ma ae' mombale'efa Krais.

Basef Amama Pol Nandaꞌam Mafeꞌma Esis Romi 9:2

Basef amama na'ama. Opaf ae'anai nimanina endilisi ea' okom na'i nataga aona la'ela'ef.

1 Korin 12:3

Ea' ipe' pegawa emi epen Ambal Bu'unai Godi nafelan na'i basef, ina ni'i basef ni'i, “Jisas owagama higililana,” owa'. Ea' emi epen Ambal Bu'unai Godi a'ani, enin ina anona nemaf ni'i basef ni'i, “Jisas Anan Dembinai,” owa'.

1 Korin 16:22

I'i emi egafis sendaiwa'ma soso' opalefa esis Dembinai, okom ae'anai a'i anona nemaf God nohambombagago epes isima hegililas. Dembinai ape'inai, ae' okom nohafel endilisi a'i ine' fi'i.

2 Korin 12:15

Ae' okom na'iam endilisi ma ekwaha amamaga hiami ae'ami ea' elelama ambal ae'anai ekwahona igiambamepa. Ae' okom na'i na'ama. Waf ae' okom nanailipanai nataga nape lu'una endilisi la'ela'ef nikila' fowa'. Ea' waf ipe' ukup maimilianai nowala sa'osa'ona endilisi la'ela'ef nape.

Galesia 1:8

Ea' i'i ae' o enin epen o anona ensel nifi'i ilif heveni ni'ipipa anom basef owa' dende' ma basef amama afa' wa'ipipami, epen inima peme'an owa', hapaini. Ae' a'i anona nemaf God nokwahin newala wambel aonai hel.

Galesia 1:9

Basef amama wali' wa'ipipam ea', dei' a'ipipam wapoti'. I'i emi egafis si'ipipa anom basef owa' mefe' dende' si'i basef amama bu'wami Godi pagi'mami, ae' a'i epes isima God nokwahis sowala wambel aonai hel.

Galesia 3:10

Emi egafis ukup mapoma waf saila mi'uli esis Juda sailanai dei' sape owina okom wandafunai Godi. Dei' main, basef mail Baibeli ma'i na'ama ma'i, “Emi egafis la'ela'ef owa' sila basef hiami mail mi'uli Godi hi'ilam andeande', isima sape owina okom wandafunai Godi.”

Galesia 3:13

Ea' Krais natagahepa ma okom wandafunai Godi nape mi'uli ananinai. God nanda' nimanimi ma awami ape' manda'ami hiami nakolasom mafe'ma anan atona, ea' ofagema amama mapoma anan atona nofa'am. Dei' main, basef mail Baibeli ma'i, “Emi egafis saundas sahas sail lawah usi'imi tu'wanaimi, amama atom sape owina okom wandafunai Godi.”

Efesus 6:5

Ipe' agof a'epa panda' maol na'a pape la'afena agufisi ipe'isi peme' basef asasimi pefe' owina esis umbamehepamas. Ipe' penda' maol anama pila basef asasimi andeande'ma ukup etifim si'i paila basef Kraisi.