Basef Amama Pol Nandaꞌam Mafeꞌma Esis Romi 9:1 - Basef Buꞌwami Godi

¹ Basef amama ae' a'iemi endilisi, ae' aman Kraisi ea' ina ambase'am, owa'. Ambal Bu'unai Godi nihi'ambe nalome umafi basef mape opaf nomoni mihi'ambe ma'ipi a'i basef endilisimi atom.

Basef Amama Pol Nandaꞌam Mafeꞌma Esis Romi 9:1 Iomraidhean Croise

Basef Amama Pol Nandaꞌam Mafeꞌma Esis Romi 1:9

God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.

Basef Amama Pol Nandaꞌam Mafeꞌma Esis Romi 2:15

Waf anama asasinai nihi'ambapa basefa mi'uli anama mape ukup asasimi. Ea' basef mape opalef asasimi nomon, amama wapoti' mihi'ambapa na'ama etin. Dei' main, ukup asasimi ma'iam mihi'ambas alihim na'ama. Anom nimeguf manda' kotimasa waf aonai esis sanda'anai ea' anom nimeguf ukup asasimi ma'i andeande' na'ama etin si'i waf esis sanda'anai.

Basef Amama Pol Nandaꞌam Mafeꞌma Esis Romi 8:16

Ambal Bu'unai Godi atona nape la'ifina ma ape' nagiambama ambagof ape'imi ea' dei' mawalapa basef ma'iam alihim, mape awasi Godi.

Basef Amama Pol Nandaꞌam Mafeꞌma Esis Romi 9:2

Basef amama na'ama. Opaf ae'anai nimanina endilisi ea' okom na'i nataga aona la'ela'ef.

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

2 Korin 1:23

Ae' a'i basef endilisimi atoma naep Godi. Ae' andaiwa' ma ese'epa nimanimi ipe'. Na'ama fowa' ae' ina afo'o Korin, owa'.

2 Korin 11:10

Basef endilisimi Kraisi mape ae', amama endilisimi atom. Ea' anom basef wapoti' endilisimi atom na'ama. Anama hiagoma esis Grik sapoma ina anona nemaf anona aman atotona la'ifina ma nohopa eafa ae' efela agel ae'anai ma waf anama efa' otamba maima ipe', owa'.

2 Korin 11:31

God, anan God Dembinai Jisasi Ahalomana wapoti', ape' mefela agel ananinai la'ela'ef! Anan nogawa basef amama do'ok ali' a'iami ina ambaso'am, owa'.

2 Korin 12:19

Ipe' ina pi'i afa' wanda' basef amama hiami wali' wa'iami wa'ipipa waf afa'inai ina aona, ea' wanda' waf bu'unai atona, owa'. Afa' wape epes Kraisi wanda' basef amama ma naep Godi. Alupipei endilisi ae'ipei, afa' wanda' basef amama hi'alama monda' ipe' pembale'efa God petaga la'ifipa.

Galesia 1:20

Ae' a'ipipa endilisi ma naep Godi nogawa basef amama anda'ami, amama endilisimi atom. Ae' ina ambaso'mepa, owa'.

Filipai 1:8

Ae' a'iam endilisi ma naep Godi. Anan nogawa dahowe Krais Jisasi nafela ae' ea' okom nohafel endilisi nainailipa ma iti ipe' hipei.

1 Tesalonaika 2:5

Ipe' pegawa basef wa'ipipami afa' ina wakikipipa, owa'. God natolofa nogawafa ea' afa' ina wanda' maol wambaho' basefa waf kowalasanai, owa'.

1 Timoti 1:5

Ea' mi'uli anama dei' a'ipinanai, i'i esis sombale'efana silana, basef mape opalef nomoni ma'iami ma'ipas mihi'ambasa waf esis sanda'anai ina aona, owa'. Esis sombale'efa God endilisi. Ama nambimb waf anama hianai nefela ukup asasimi mimila God noloma enis epes wapoti'.

1 Timoti 2:7

Ea' dei' God nanda'e ape aposela ewalapa basef bu'wami Ananimi. Ae' a'i endilisi, ina ambaso'am. Anan nanda'e ape dembiwei tisa ma enis epes hiesi sololama Godi ma sombale'efa basef amama endilisimi.

1 Timoti 5:21

Ae' a'ipina andeande'ma naep Godi naloma Krais Jisas maloma amam ensel God nandandepami. Ine' nila basef amama andeande'. Ine' owa' ninifala anom amam awomimi ni'ipam mehip. Ea' ina nenda' anom dembemi sa'ombemam ni'ipam so'umbel, owa'. Ni'ipa epes hiesi na'ama etin. Ina ninifala enis epes ea' nenda' enis alupusi sa'ombemas, owa'. Ni'ipas na'ama etin.