Basef Amama Pol Nandaꞌam Mafeꞌma Esis Romi 8:9 - Basef Buꞌwami Godi

⁹ I'i Ambal Bu'unai Godi nupaipa, ipe' ina ata' pape owina waf anama apinai aonai ma okom apinai, owa'. Ipe' pape owina waf Ambal Bu'unai Godi. Ea' emi egafis Spirit Ambal Kraisi owa' nopaisi, isima ina epes Kraisi, owa'.

Basef Amama Pol Nandaꞌam Mafeꞌma Esis Romi 8:9 Iomraidhean Croise

Luk Nandaꞌafi 11:13

Ea' ipe' amam nematawa aopei pase'asa amamaga bu'wami atoma awasi ipe'isi, ahalomepa ipe'inai nape heven ilifi anan wapoti' nambimb nose'asa Ambal Bu'unai Ananinai esis sahali'anai.”

Jon Nandaꞌafi 14:17

Anama Ambal Bu'unai Godi na'i basef endilisimi. Esis amam nematawa saila waf etapanai ina anona nemaf sotolona sogawana sofa'ana, owa'. Ea' ipe' pegawana ea' nape nalomepa, ea' nambimb nope nolomepa.

Jon Nandaꞌafi 14:23

Ea' Jisas nagwamana basef na'i, “Emi egafis ukup mimila ae' endilisi, esis anona nemaf sila basef ae'ami andeande'. Ea' Ahalome ae'anai okom ninila esis. Ea' afa' biafa ufi'mai esis ope olomas la'ela'ef hihif.

Jon Nandaꞌafi 3:34

Aman anama God nasapa'ana nafi'i anan nawalapa basef Godi. Ea' God nase'ana Ambal Bu'unai Ananinai nape si'inama anan.

Jon Nandaꞌafi 3:6

Amamaga mataga alop atonai, amama alop atopumi si'i ano'w nemata'w kola awani. Ea' amamaga Ambal Bu'unai Godi nanda'ami, amama mataga si'i Ambal Bu'unai.

Aposel 16:7

Ea' mape anona etap hiagoma Misia, mafe' mataga felefele' ma anona etap hiagoma nafe' notanimaima Bitinia ma'i muwis etap anama ma mawalapa basef Godi etap anama hiagoma. Ea' Ambal Bu'unai Jisasi na'ipapa na'i owa'.

Basef Amama Pol Nandaꞌam Mafeꞌma Esis Romi 7:5

Fowa' ata' mape la'ela'efa opalef apimi, mi'uli anama God fowa' naso' Mosesanai nafilai ukup awami ma alop ape'inai. Ea' manda' maola waf aonai nawalapai ga'.

Basef Amama Pol Nandaꞌam Mafeꞌma Esis Romi 8:1

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

Basef Amama Pol Nandaꞌam Mafeꞌma Esis Romi 8:11

Fowa' God nafela Jisas notanima nohafel hi'agif. Ea' Ambal ananinai nagiambamepa na'ama. Ipe' epes emi egafipa Ambal Bu'unai Godi napaipa nomon, nase'epa ambal namunai alop ipe'inai wapoti'. Ipe' paga' ea', dei' anan nanda'epa pape namipa.

Basef Amama Pol Nandaꞌam Mafeꞌma Esis Romi 8:2

Dei' main, pepel Ambal Bu'unai Godi nase'apa ambal namunai ape', anan natagahepa ma pepel waf aonai naloma pepel naga'i. Anan nanda'am na'ama ma Krais Jisas atona ea' mape la'ifipa ma anan dei' mape wafifipa.

1 Korin 15:23

Ape' epes hiapai atona etin mope mohafa nogota ape'inai. Aman nali'i, Anan Krais. Anan si'i gwa'aimi mali' maufi. Ea' nemaf anama notanima niefi'ianai, ape' hiapai ananipai mohafel wapoti'.

1 Korin 3:16

Ipe' pegawa o owa'? Ipe' etipa si'i ipat lu'unai Godi, ea' Ambal Bu'unai Ananinai nape nomona opalef ipe'imi.

1 Korin 6:17

Ea' emi egafis sope la'ifis soloma Dembinai, sataga ukup etifim salomana, si'i epen atotona.

1 Korin 6:19

Alop ipe'inai ipat bu'unai Ambal Bu'unai Godi. Ipe' pegawa amama a owa? Ambal anama nosahe'epa ea' nape nomona ipe'. Ipe' ina ipe' etipa, owa'. Ipe' ananipei etipa si'ipa.

2 Korin 10:7

Ipe' pati amamaga mape naep ipe'imi atom ande' atogon, nomon owa'. Dei' piti amamaga ofagema. I'i emi egafis sope la'ifis si'i esis epes Kraisi, esis sogawa afa' wapoti' wape epes Kraisi.

2 Korin 6:16

Dei' a'ipipa basef amama afela ukup ipe'imi. Ea' ina andeande'ma mokolasa ipat lu'unai Godi noloma amamaga baso'maimi sanda'am sanda' lotumami, owa'. Ipe' pegawa ape' atepa si'i ipat anama God napainai nomon. Si'i fowa' Anan na'iam na'i, “Owagama ae' epe elomas efe' la'afena esis ea' epe God asasiwei ea' esis wapoti' sepe epes ae'asi.”

Galesia 4:6

Ape' mape awasi ananipai. Amama atom dei' God nase'apa Ambal Bu'unai Nogalomanai nawis opalef ape'imi. Ambal anama nalef nofalana na'i, “Ahalome, Ahalome!”

Galesia 5:24

Emi egafis Krais Jisasi saunda opalef apimi mail lawag usi'inai tu'wanainai maloma waf naninani ukup mohafemanai naloma naninani aonai.

Efesus 1:13

Ea' dei' ipe' wapoti', nemaf anama peme' basef endilisimi bu'wami Godi, nofa'epa petanimani pembale'efa Krais pape la'ifipama anan. Nogota anama ipe' pembale'efa Krais, God nase'epa Ambal Bu'unai Ananinai nosahe'epa. Ambal Bu'unai anama si'i anona ikwaf God nanda'mepanai ma nihi'ambepa na'ama.

Efesus 2:22

Ipe' wapoti' pape la'ifipa paloma Jisas Krais, dei' God nape nakolasipa etifigin la'ela'ef paloma enis Kristen alupusi hiesi. Ea' nanda'epa pataga si'i ipat endilisi God napeinai ma Ambal Bu'unai Ananinai atona.

Efesus 3:17

A'i bale'ef ipe'inai atona Krais nope opalef ipe'imi nomon la'ela'ef. Ea' anda' beten ahali' Goda waf ukup maimailasanai nope si'ina ma ipe' ma nonda'epa la'ifipa pila waf anama si'i nombalef lawag nahapila etap nowala la'ifina.

2 Timoti 1:14

Nimafi basef amama bu'wami endilisimi God nase'enam lagof ine'imi ma nimafiam. Ambal Bu'unai Godi nape nomona ape', nigiambamena numafina ma maol anama.

1 Pita 1:11

Ambal Bu'unai Ananinai nape nomona amam na'i basef alihima anona nemaf Krais nofa' nimanimi hiami mamumami ma nofa' agel lu'unai. Ea' amam magolopa basef Godi mandahahali'ma ma'i, “Maina nemaf amama mifi'i motaga?”

1 Jon 3:24

Emi egafis saila basef Godi la'ifis, esis sope la'ifis soloma God ea' God nape la'ifina nolomas. Anan nase'apa Ambal Bu'unai Ananinai dei' mogawa God nape la'ifina nalomapa.

1 Jon 4:13

Dei' ape' mogawa ape' mape la'ifipa maloma God ea' anan nape nalomapa. Dei' main? Anan nase'apa Ambal Bu'unai Ananinai nape nalomapa.

1 Jon 4:4

Ipe' alupipei ae'ipei, ipe' epes Godi ea' panda' wandaf paloma amam profet awami mambaso'mami pikila'am. Dei' main, Ambal Bu'unai Godi nape nomon opalef ipe'imi anan la'ifinai nikila' aman aonai nape etap anae'.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.

Revelesen 20:15

I'i Anan natoma balata kingi owa' nieti agel anin epeni nope buk anama, nefelen nokwahin newala hul anama nif amama fandumi mapeinai.