Basef Amama Pol Nandaꞌam Mafeꞌma Esis Romi 8:8 - Basef Buꞌwami Godi

⁸ Emi egafis sape owina waf apinai, epes isima ina la'ifisa sonda' waf God okom na'ianai, owa'.

Basef Amama Pol Nandaꞌam Mafeꞌma Esis Romi 8:8 Iomraidhean Croise

Matyu Nandaꞌafi 3:17

Ea' anona maf na'i natagai heven na'i anom basef na'i, “Aman anama Nogalome ae'anai endilisi. Ae' okom nainailana endilisi. Okom ae'anai bo'ona ma anan.”

Jon Nandaꞌafi 3:3

Ea' Jisas nagwamana basef na'i, “Ae' a'ipina endilisi, emi epen God owa' nendan netaga dambaini, enin ina nambimb niowis wambota Godi numafian, owa'etin.”

Jon Nandaꞌafi 8:29

Anan nasapa'e afi'i nape nalome. Anan ina nakwahowe ae' atowe ape, owa'. Dei' main, la'ela'ef ae' aila okom ananinai anda' maol.”

Basef Amama Pol Nandaꞌam Mafeꞌma Esis Romi 1:21

Esis sogawa God nape ea' esis ina sogawa sa'i Anan bu'unai endilisi ma sosa'ma agel Ananinai lu'una o sinifelona, owa'. Ukup asasimi mapoma amamaga falafumi atom ea' opalef asasimi ina mataga andeande', owa'. Mataga aom endilisi.

Basef Amama Pol Nandaꞌam Mafeꞌma Esis Romi 7:5

Fowa' ata' mape la'ela'efa opalef apimi, mi'uli anama God fowa' naso' Mosesanai nafilai ukup awami ma alop ape'inai. Ea' manda' maola waf aonai nawalapai ga'.

Basef Amama Pol Nandaꞌam Mafeꞌma Esis Romi 8:9

I'i Ambal Bu'unai Godi nupaipa, ipe' ina ata' pape owina waf anama apinai aonai ma okom apinai, owa'. Ipe' pape owina waf Ambal Bu'unai Godi. Ea' emi egafis Spirit Ambal Kraisi owa' nopaisi, isima ina epes Kraisi, owa'.

1 Korin 7:32

Ae' a'i ipe' opalef mope awanem, andaiwa'ma amamaga mamumami mohambombaga ukup ipe'imi. Amam owa' measo' nematawai ukup matamea ma maol Dembinai ma'i monda' amamaga Dembinai okom na'iami.

Filipai 4:18

Otamba gwa'aimi amamaga maim ipe' pasi'iami hiami mikila' ae' okom na'iami. Amamaga ipe' panda'am paso' Epafroditus nofa'ami efa'am ea'. Amama si'i ofa pindalalima God pese'anami alogw ma'ami. Ea' ipe' pase'anam God, nofa'am opaf ananinai ambo'ona.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

Kolosi 3:20

Ipe' batawisas wapoti', peme' basef mamasipei andeande'ma waf naloma basef asasimi hiami. Waf anama nanda' okom Dembinai bo'ona.

1 Tesalonaika 4:1

Alupipei, fowa' afa' wa'ipipa wihi'ambepa waf ipe' pepe pefe' andeande' ma pilana, si'i God okom na'iami. Fowa' pailana dei' wapoti' pilana la'ela'ef. Ea' afa' wahali'ipa wafela ukup ipe'imi ma agel Dembinai Jisasa pilana penda'ana nefe' etin notaga lu'una.

Hibrui 13:16

Ipe' ina ukup mose'epama penda' waf bu'unai esis amam nematawa, owa'. Ea' amamaga ma'oma ipe' pewalogam pese'ama tu'wanim epes isima amamaga a'asi. Dei' main, God okom na'iam endilisi waf anama si'i amamaga bu'wami ipe' paso'anama pindolalimanami.

Hibrui 13:21

Ae' a'i God nonda'epa la'ifipa nese'epa waf bu'unai hianai ipe' ma pila okom Ananinai atona. Ea' a'i Anan nonda' opalef ape'imi nomon ama mowalapa waf hianai bu'unai Anan okom na'inai ma pepel Jisas Kraisi atona. Ea' a'i epes hiesi sefela agel ananinai lu'una la'ela'ef hihif. Endilisi.

1 Jon 3:22

I'i ape' mi'i monda' beten mohali'ana ma anom amamaga, anan nose'apami. Dei' main, ape' maila okom ananinai manda' amamaga anan nandanifel ma ape' manda'ami.