Basef Amama Pol Nandaꞌam Mafeꞌma Esis Romi 8:4 - Basef Buꞌwami Godi

⁴ Anan nanda'am na'ama ma ape' mofe' mila waf bu'unai nape mi'uli anama. Dei' main, ape' dei' ina mafe' maila fe' anama opalef apimi, owa'. Mafe' maila fe' dambainai Ambal Bu'unai Godi.

Basef Amama Pol Nandaꞌam Mafeꞌma Esis Romi 8:4 Iomraidhean Croise

Luk Nandaꞌafi 1:6

Esis bias Sakaraia Elisabet sape bo'wes ma naep Godi saila mi'uli ananinai hianai hi'alana. Ea' saila basef Godi andeande' basef ofagema a'as.

Basef Amama Pol Nandaꞌam Mafeꞌma Esis Romi 2:26

Epes isima owa' Judaisi seatopa'masa alopi, esis sape na'ama. I'i esis sila waf anama hianai bu'unai ma mi'uli anama, nambimb sogawa God sotaga si'i isima satopa'mas alopi ma naep Godi.

Basef Amama Pol Nandaꞌam Mafeꞌma Esis Romi 3:31

Amama atom dei' bale'ef anama ape' ina mi'i ape' matopa' basefa mi'uli anama God fowa' naso' Mosesanai, owa'. Ape' mombale'efa Krais Jisas dei' mawalapa basef ofagema ma mi'uli anama.

2 Korin 10:2

Ae' ihali'ipa na'ama. Anona nemaf ae' etagamepa, ipe' pindumafuma andeande'. Na'ama pehafa ae' i'ipipa basef la'ifimi si'i ae' okom na'i ewalapama enipa. Ae' ewalapama ipe' pa'i afa' wafe' waila waf aonai etapanai.

2 Korin 10:3

Endilisi, afa' wape wafe' etap anae', ea' ina wape wanda' wandaf si'i epes etapasi sapa', owa'.

Galesia 5:16

Basef ae' a'iami amama. Ipe' pembale'efa Ambal Bu'unai Godi pefe'. I'i ipe' pilam penda'am na'ama, ina anona nemaf pila waf apinai, owa'.

Kolosi 1:22

Ea' Krais nataga epen endilisinai sahana naga', amama atom God nanda'epa pataga alupipei opaf atotona palomana ma ga' Nogalomanai atona. Nanda'am na'ama ma nofa'epa pifi'mai anan pepe bo'wepa andeande', ofagema a'epa ma naep Ananimi.

Hibrui 12:23

Ipe' pafi'i pandakolas paloma epes Godi, awasi ananisi sali'i. God nanda' agof asasimi mape wambel anama ilif. Ipe' pafi'i felefele'ma God, anan jas nowaloga epes hiesi saloma ambagof epes fowa' God na'i bo'wes andeande'.

1 Jon 3:2

Ipe' alupipei, ae' okom nainailipa. Dei' ape' mape awasi Godi. Ea' anona nemaf mope mi'imama, amama ape' ina dei' mogawam, ata' owa'. Ea' ape' mogawa anona nemaf Krais notaga alihina, nemaf anama motolona notaga nope endilisi si'i Anan nape.

Basef Ifimba Jut Nandaꞌafi 1:24

Ae' a'i ape' mefela agel Godi lu'una na'ama. Anan la'ifinai ma nili'akwapa andeande'ma anona nemaf ipe' ina pewa ma waf aonai, owa'. Ama anona nemaf nofa'epa nokolasipa pepe andeande' pendanifel endilisi, ofagema ma waf aonai a'epa ma anama Anan nape nafifimagoma.

Revelesen 14:5

Esis ina sanda' anom basef kwamaimi baso'maimi, owa'. Esis basef ofagema ma waf aonai a'as.