Basef Amama Pol Nandaꞌam Mafeꞌma Esis Romi 8:39 - Basef Buꞌwami Godi

³⁹ amamaga pepel aonai nape ilif etap owini, anom amamaga migi' meafi'i, amamaga amama hiami ina anona nemaf la'ifima melefatapa ma okom lu'unai Godi, owa'etin. Anan okom nainailapa la'ela'ef nihi'ambapa amama ma Krais Jisas Dembinai ape'inai.

Basef Amama Pol Nandaꞌam Mafeꞌma Esis Romi 8:39 Iomraidhean Croise

Matyu Nandaꞌafi 24:24

Dei' main, nemaf anama anom amam mombaso'am mi'i amam Krais o mi'i amam profet motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'. Hapaisi.

Jon Nandaꞌafi 16:27

Ahalome atona okom nainailipa endilisi. Dei' main, ipe' ukup maimaila ae' endilisi, ea' ipe' pembale'efa ae' pegawa ae' ape aloma God afi'i.

Jon Nandaꞌafi 17:26

Ae' awalapa agel ine'inai ea' ma esis. Ea' ae' ewalapana etin la'ela'ef hihif. Ama esis sofa' waf anama ukup maimaila epes hiesi si'i ine' okom nainaila ae' ma ae' epe nomona esis.”

Jon Nandaꞌafi 3:16

Endilisi, God Nogalomana ananinai atotona nape. Owa'etin. Ea' anan okom nainaila amam nematawa hiapai mape etapi. Ea' nase'apai Nogalomana ananinai atotona ma emi egafis sombale'efanai sope andeande', ina sega'ma waf aonai, owa'. Sofa' ambal namunai sope andeande' la'ela'ef hihif.

Basef Amama Pol Nandaꞌam Mafeꞌma Esis Romi 1:7

Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.

Basef Amama Pol Nandaꞌam Mafeꞌma Esis Romi 11:33

Ahalomafa! Okom Godi naloma gawa ananinai bu'unai lu'una endilisi. Ape' epes ina la'ifipa endilisi ma mogawa ofagema basef ananimi moloma okom ananinai hianai, owa'etin. Ape' owa' la'ifipa ma mowalapa basefa anan okom na'iami. Ea' ape' owa' mogawa waf hianai ananinai, owa'.

Basef Amama Pol Nandaꞌam Mafeꞌma Esis Romi 5:8

Ape' ata' manda' waf aonai, Krais naga' nagiambamapa. Ea' dei' God nihi'ambapa okom lu'unai nainaila ape' nandawalap alihina.

Basef Amama Pol Nandaꞌam Mafeꞌma Esis Romi 6:23

Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

Basef Amama Pol Nandaꞌam Mafeꞌma Esis Romi 8:1

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

Basef Amama Pol Nandaꞌam Mafeꞌma Esis Romi 8:35

Anona nemaf main de'im melefatapa ma mokwaha okom Kraisi nainailapai? I'i nimanimi motagamapa ma mofa' nimanimi ma nolomohapa, klos luwaguf maim a'apa o enis sohapa sonda'apa awepa ma i'i amamaga awami mi'i mohambombagapa, ma enis sohapa moga', anona nemaf amamaga amami melefatapa ma okom Kraisi nainailapa? Owa'etin.

2 Korin 11:3

Ea' ae' umbamahe. Na'ama ukup ipe'imi aom ea' pekwaha waf anama pepan andeande' ukup mopoma Krais atona si'i fowa' gani yul anama gawainai nambaso'ma Iv.

2 Korin 2:11

Ae' anda'am na'ama ma Satan ina anona nemaf nombaso'mapa nikila'apa, owa'. Dei' main, afa' ogawa okom ananinai nambaso'ami.

Efesus 1:4

Dei' main, fowa' God ina dei' nanda' etap anae', ata' owa', nemaf anama nosahe'apa ea' mape la'ifipa maloma Jisas Krais. Mape amam nematawa Godi ma waf aonai ofagema a'apa.

Filipai 3:12

Ae' ina okom na'i efa' waf anama Kraisi hi'alana ape bo'awe andeande', ata' owa'. Dei' ape embalo'a waf anama la'ifiwi. Dei' main? Anan nofale nandandepe ma epe ananiwei si'iwi.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

Filipai 3:8

Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

2 Tesalonaika 2:4

Anan noham amamaga amama hiami epes sanda' lotumami sailam si'i Godi ea' nowa' alafuga ma amamaga amama. Ea' nefela agel ananinai atona lu'una, nonda' amamaga amama hiami mofe' owina anan. Ea' nuwis nupe ipat lu'unai Godi nowalapa basef na'ama na'i, “Ae' atowe Dembiwei God.”

1 Jon 4:16

Amama atom dei' ape' mogawa mombale'efa God anan okom nainailapa endilisi. God Anan ofagonama okom nainaila epes hiesi. Emi egafis sape ukup maimaila God naloma epes hiesi la'ela'ef, esis sape la'ifis saloma God ea' Anan nape la'ifina nalomas.

1 Jon 4:19

God nali' okom nainailapa endilisi. Amama atom dei' ape' ukup maimaila anan naloma epes hiesi wapoti'.

Revelesen 12:9

Ea' amam ensel Godi makwahai kwambon anama nisila'i. Kwambon anama fowa' ganinai dei' esis sa'i aman aonai Satan. Anan aman nambaso'ma esis amam nematawa hiesi etapasi. Amam makwahai anan nafi'i etap, makwahai ensel awami ananimi wapoti' misila'i malumanai.

Revelesen 13:14

God ata' nape nati anan nanda' pepel anama naninani ma naep mafin anama nali'i. Ea' anan nagi'i nanda' waf anama ma nahambombaga esis amam nematawa etapasi. Na'ipas mehip na'ama na'i, “Ipe' pendomba ambala mafin anama nali'i nil anona lawag maina ma pefela agel ananinai lu'una. Mafin anama nali'i ma'una anama fowa' bainat nahana ata' nape namunai la'ela'ef.”

Revelesen 19:20

Aman anama natoma hos afitinai nikila' mafin anama nape aolupi naloma profet anama nawalapa basef baso'maimi nikila'am nanda'am manda' kalabus. Profet anama fowa' nanda' pepel si'i God atona nanda'anai ma naep mafin anama nape aolupi. Waf anama atona nambaso'ma epes sofa' ikwafa mafin anama nape aolupi ea' sanda' lotuma ambal atona ananinai. Mafin anama naloma profet anama nambaso'ami amam biam ata' mape ambagof namumi sokwahom mafe' nif lu'wami fandom otam batafumi agel salfa hul lu'unai nowala owa' notambili.

Revelesen 2:24

Dei' ae' a'i i'ipipa anom basef ipe' enipa amam nematawa pape wambel Taiatairai, ipe' owa' pila basef amama awami akwa'umi, owa' pila waf anama sofalana sa'i, ‘Basef mandambahi'i ma waf Satani,’ owa'. Ae' a'ipipa na'ama. Ae' ina nambimb ese'epa anom nimanimi wapoti' ma ipe', owa'.

Revelesen 20:3

Ensel anama nakwahona nafe' nowala hul anama launai ea' nowalowamana uta ilif la'ifina. Ea' Satan ina anona nemaf la'ifina ma nombaso'ma amam nematawa hiesi wapoti', owa'. Anan ata' nope nohafa afagof 1,000-peleim ama ata' hi'ilam ea', ensel anama notagahona wapoti' nefe'agon ganigani ma nogota bandana.

Revelesen 20:7

Afagof amama 1,000-peleim hi'ilam, uta nindausi' ma kalabus ea' Satan nokwaha kalabus ananimi nuwisi ande'.