Basef Amama Pol Nandaꞌam Mafeꞌma Esis Romi 8:37 - Basef Buꞌwami Godi

³⁷ Ea' amamaga amama hapaimi. Krais anan okom nainailapa endilisi ea' la'ela'ef nanda'apa la'ifipa mikila' amamaga amama endilisi.

Basef Amama Pol Nandaꞌam Mafeꞌma Esis Romi 8:37 Iomraidhean Croise

Jon Nandaꞌafi 16:33

Ae' a'i ipe' pepe pelome opalef ipe'imi mope awanem. Na'ama dei' a'ipipa basef amama. Etap anae' ipe' peme' opalef nimanim. Pepe la'ifipa! Dei' main, ae' agalo'ma waf aonai etapanai ikila'ana ea'.”

Basef Amama Pol Nandaꞌam Mafeꞌma Esis Romi 8:35

Anona nemaf main de'im melefatapa ma mokwaha okom Kraisi nainailapai? I'i nimanimi motagamapa ma mofa' nimanimi ma nolomohapa, klos luwaguf maim a'apa o enis sohapa sonda'apa awepa ma i'i amamaga awami mi'i mohambombagapa, ma enis sohapa moga', anona nemaf amamaga amami melefatapa ma okom Kraisi nainailapa? Owa'etin.

1 Korin 15:54

Endilisi, alop anama mawanai anona nemaf notaga dambaina nope andeande' la'ela'ef. Ea' alop anama na'i anona nemaf nohafel nondati na'ana nofa' ambal namunai nope la'ela'ef. Nemaf anama anom basef Baibelimi motaga mondawalap ma'i, “God nahagofa ga' nikila' wandaf nanda'am hi'alam.”

1 Korin 15:57

Ape' munifela God. Ama pepel Dembinai ape'inai Jisas Krais atona God nagiambamapa nanda'apa la'ifipa ma dei' mikila' wandafa muli'amona waf aonai.

2 Korin 12:19

Ipe' ina pi'i afa' wanda' basef amama hiami wali' wa'iami wa'ipipa waf afa'inai ina aona, ea' wanda' waf bu'unai atona, owa'. Afa' wape epes Kraisi wanda' basef amama ma naep Godi. Alupipei endilisi ae'ipei, afa' wanda' basef amama hi'alama monda' ipe' pembale'efa God petaga la'ifipa.

2 Korin 12:9

Ea' anan na'ipi na'ama na'i, “Ae' agiambamena na'a, waf anama la'ifinai ma ine'. Dei' main, pepel ae'anai anama nanda' maol la'ifinai endilisi ma epes owa' la'ifisi.” Ea' ae' dei' ina ata' okom aona, owa'. Ae' andanifel endilisi ma amama ma pepel Kraisi napaiwe.

2 Korin 2:14

Ea' dei' afa' wanifela God. Anan la'ela'ef nagiambamafa wape la'ififa waloma Krais ea' wali'amona wandafa waf aonai. Ama maol afa'inai God nawalapa basef ea' enis epes sogawa basef Kraisi. Gawa anama anan si'i alogw bu'wami ma mafe'agon hiagoma.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Efesus 5:2

Ipe' pila waf anama ukup maimailasanai si'i Krais okom nainaila ape' hiapai nakwaha ambal Ananinai nagiambamapa. Anan nase'ana alop Ananinai God naga' nondolalimana si'i ofa bu'unai alogw bu'wami ma'ami.

2 Tesalonaika 2:16

Afa' wa'i Dembinai ape'inai Jisas Krais naloma God Ahalomapa ape'inai ukup amamumi maimailapa magiambamapa manda'apa mataga la'ifipa. Amam manda'apa na'ama la'ela'ef. Ea' magiambamapa mape mohafa God nonda'apa mope andeande'

1 Jon 4:10

Basef ofagema ma God okom nainaila ape' amama. Ape' ina mali' ukup maimailana, owa'. Anan nali' okom nainailapa ea' nasapa' Nogalomana Ananinai nafi'i ma nanda' okom wandafunai Godi naga' nakwaha waf aonai ape' manda'anai.

1 Jon 4:19

God nali' okom nainailapa endilisi. Amama atom dei' ape' ukup maimaila anan naloma epes hiesi wapoti'.

1 Jon 4:4

Ipe' alupipei ae'ipei, ipe' epes Godi ea' panda' wandaf paloma amam profet awami mambaso'mami pikila'am. Dei' main, Ambal Bu'unai Godi nape nomon opalef ipe'imi anan la'ifinai nikila' aman aonai nape etap anae'.

Basef Ifimba Jut Nandaꞌafi 1:24

Ae' a'i ape' mefela agel Godi lu'una na'ama. Anan la'ifinai ma nili'akwapa andeande'ma anona nemaf ipe' ina pewa ma waf aonai, owa'. Ama anona nemaf nofa'epa nokolasipa pepe andeande' pendanifel endilisi, ofagema ma waf aonai a'epa ma anama Anan nape nafifimagoma.

Revelesen 12:11

Esis alupusi sahin owan ape'isi sofa' pepel ma esimbel sipsip noganai sawalipasa basef ananimi endilisimi. Esis sanda' waf anama. Amama atom dei' silai'ipa wandaf sali'amona naumbih ma amama. Esis ina ukup ma'ima'i endilisi ma sope andeande' etap anae', owa'. Esis ina umbamahasa naumbih sohas soga', owa'.

Revelesen 17:14

Anona nemaf mopa' moloma sipsip noganai. Ea' sipsip noganai nikila'am. Epes saila fala ananinai naloma basef ananimi andeande', isima nandandepas ananisi etis, epes isima anona nemaf la'ifisa solomana sigikila' wandaf anama.”

Revelesen 21:7

Emi egafis situ la'ifisa sili'amona wandafa waf aonai, esis anona nemaf sofa' amamaga amama hiami bu'wami do'ok a'ipipami. Ea' ae' epe God asasisiwei, esis sope awasi ae'asi.

Revelesen 3:9

Ipe' peme'! Ipe' pegawa epes isima Satani. Esis sa'i basef sa'i esis epes Judai, owa'etin. Esis ina saila waf Judai, owa'. Esis sambaso'ami. Ae' anona nemaf enda' epes isima sifi'i sindiwa nembawa sotawa felefele'ma bo'wagah ipe'imi ma sogawa ae' okom nainailipa.