Basef Amama Pol Nandaꞌam Mafeꞌma Esis Romi 8:34 - Basef Buꞌwami Godi

³⁴ Anona nemaf ina enis epes sofalapa si'i ape' epes aopai ma God nogwamapa waf aonai ape'inai, owa'. Dei' main, Krais Jisas naga' notanima nohafel wapoti'. Ea' anan nape lagel da'isinai Godi nape la'ifinai ea' nanda' beten nagiambamapa wapoti'.

Basef Amama Pol Nandaꞌam Mafeꞌma Esis Romi 8:34 Iomraidhean Croise

Matyu Nandaꞌafi 20:28

Ae' ataga epen endilisiwei, ae' wapoti' na'ama etin. Ina afi'i ma esis sonda'me maola siegiambame, owa'. Ae' afi'i enda' maola igiambama ipe' hipei. Afi'i ma sehe ega' etala ipe' peloma epes hiesi etagahipama waf aonai ipe' panda'anai.”

Mak Nandaꞌafi 16:19

Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi.

Jon Nandaꞌafi 14:19

Nogota bandana esis amam nematawa saila waf etapanai ina nambimb sotolowe wapoti', owa'. Ea' ipe' petolowe. Ae' ape ambal namunai napaiwe, ea' na'ama etin ipe' pepe ambal namunai nupaipa.

Jon Nandaꞌafi 16:23

Nemaf anama ipe' ina pihali'i ma anom amamaga atom, owa'. Ea' dei' ae' a'ipipa basef endilisimi ipe'. I'i ipe' pihali' Ahalome ma maim amamaga ma agel ae'anai, nambimb nese'epam.

Aposel 2:24

Ea' God nafelona nohafel wapoti' nakwaha ekep pahana ma naga'i. Dei' main, ga' anama ina la'ifina ma nombale'ana, owa'.

Basef Amama Pol Nandaꞌam Mafeꞌma Esis Romi 14:13

Ea' ipe' ina pewaloga sahin owan ipe'isi ma waf esis sanda'anai wapoti', hapaimi. Ape' ukup mi'i na'ama mi'i ape' ina monda' anona wafa monda' owalomapa ape'inai nowa nonda' waf aonai, owa'.

Basef Amama Pol Nandaꞌam Mafeꞌma Esis Romi 14:9

Ea' amama atom Krais naga' notanima ambal napaina nohafel wapoti' ma nape Dembinai ma epes isima saga'i saloma isima ata' sape namusi.

Basef Amama Pol Nandaꞌam Mafeꞌma Esis Romi 4:25

God nasapa' Jisas nafi'i naga'ma nakwaha waf aonai ape' manda'anai. Ea' nafelona hi'agifa na'i ape' epes bu'upai.

Basef Amama Pol Nandaꞌam Mafeꞌma Esis Romi 8:1

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

Kolosi 3:1

God nafela ipe' ea' pape la'ifipa paloma Jisas Krais. Amama atom ipe' ukup mopoma amamaga mape otaga ilifi, anama Krais nape agilinai felefele'ma lagel daisinai Godi.

Hibrui 1:3

Nogalomana atona nafifili lu'unai Godi nafifimapa endilisi. Anan na'ama etin si'i God endilisinai. Anan na'i basef Ananimi la'ifimi atom ea' dei' amamaga amama hiami maloma amam nematawa hiesi sataga la'ifis. Anan atona nasa'opapa ma waf aonai ape' manda'anai mataga bo'wepa andeande. Nanda'am ea', dei' nape lagel da'isinai Godi gani ilif heven God la'ifinai numafi amamaga hiami.

Hibrui 7:25

Amama atom dei' Anan la'ifinai ma nefa' esis amam nematawa sotanimani sofe' felefele'ma Goda agel Ananinai ea' sope andeande' la'ela'ef. Dei' main, Anan nape ambal napaina la'ela'ef nanda' betena God nigiambamas.

Hibrui 9:24

Ea' Krais ina nawis ipat anama Godi epes sala'ana lagufi, nondola'wifa ipat anama endilisinai nape heveni, owa'. Anan nafe' nawis heven atogon, anama dei' nataga alihina nape la'ela'efa naep Godi nanda' beten nagiambamapa.

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.

1 Pita 3:22

Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.

Revelesen 1:18

Fowa' aga', ea' dei' ape namowe la'ela'ef hihif. Ae' ape Dembiwei ali' ape agi' ma amamaga hiami maloma epes. Ea' ahapila ki ma wambel saga'i sapoma.