Basef Amama Pol Nandaꞌam Mafeꞌma Esis Romi 8:30 - Basef Buꞌwami Godi

³⁰ Epes isima fowa' nosahe'as ea', Anan nofalas wapoti'. Ea' isima nofalas ea'i, Anan na'i esis epes bu'wasi ananisi etis ma naep Ananimi ea' nase'as pepel nafifili ananinai ma anona nemaf seandati si'i Anan.

Basef Amama Pol Nandaꞌam Mafeꞌma Esis Romi 8:30 Iomraidhean Croise

Jon Nandaꞌafi 17:22

Fowa' ine' nase'e agel lu'unai naloma la'ifimi ine'imi ase'esam esisa sope ukup etifim si'i afa' biafa wape ukup etifim.

Jon Nandaꞌafi 17:24

Ahalome, ae' okom na'i esis amam nematawa ine' nasi'iasi sefe' sope solome wambel ae' eapoma. Ae' okom na'i esis siti pepel la'ifinai noloma nafifili ae'anai, anama ine' nasi'ianai. Fowa' etap anae' ata' owa' notagai nogota anama ine' okom naila ae'. Ea' nase'e pepel nafifili anama.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Basef Amama Pol Nandaꞌam Mafeꞌma Esis Romi 1:6

Ipe' wapoti' pape paloma amam nematawa isima Kraisi. Ipe' pame' fala Jisas Kraisi ea' pailana pape Ananipei.

Basef Amama Pol Nandaꞌam Mafeꞌma Esis Romi 11:29

I'i God nondandepa enin epen nose'an presen bu'unai, anona nemaf anan ina nosambala basef amama ni'ipan ni'i hapaimi noho'ofam, owa'etin. Basef amama mope la'ela'ef.

Basef Amama Pol Nandaꞌam Mafeꞌma Esis Romi 8:1

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

Basef Amama Pol Nandaꞌam Mafeꞌma Esis Romi 8:21

Dei' amamaga awami amama hiami mowa' amamaga God nanda'ami maloma ape' epes wapoti' mowa'apa manda'apa folo'walapa aopa. Ea' anona nemaf God notofa amamaga amama awami ea' mofa' nafifili Ananinai mupe wafifipa andeande'. Mofa' amama God nandandepam mapoma wambota ananinai.

Basef Amama Pol Nandaꞌam Mafeꞌma Esis Romi 8:28

Maim amamaga ma'i meatagamapai, bu'wami awami hiami, God nanda'am manda' maol atom migiambama ape' epes ukup maimaila anani. Ape' epes nofalapa ea' ma monda' maol Ananinai mila okom Ananinai.

1 Korin 1:9

God nanda' amamaga ananimi hi'alam andeande' nofalepa ma pepe la'ifipa opalef etifim peloma nogalomana Ananinai Jisas Krais Dembinai ape'inai.

1 Korin 2:7

Basef gawaimi ae' awalipasami, awalipasa basefa gawa Godi atona. Gawa anama fowa' nape nandambaho'ma epes, fowa' gani God ata' owa' nonda' etap anae' Anan nandandepa gawa anama ma ape' mofa' nafifili Ananinai.

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

2 Korin 4:17

Nimanimi amama matagamafai amama sa'osa'om endilisi ea' mape nogota bandana. Nimanimi amama anona nemaf mowalapai nafifili bu'unai endilisi gani heven la'ela'ef hihif. Pe anama bu'unai anona nemaf nikila' endilisi nimanimi amama so'umi dei'imi.

Galesia 1:15

Ea' fowa' gani mama'we ata' owa' kolae, God nagiambame na'a nosahe'e nofale ma enda'mana maol. Anom nimeguf mafe'ma ea' nemaf anama anan na'i nihi'ambe Nogalomana Ananinai ma iwalipasa basef bu'wami ananimi isima sololama Godi, nemaf anama ae' ina afe' ahali' enin epena maol anama, owa'.

Galesia 1:6

Ae' gegelalasowe ma ipe' pakwaha waf bu'unai God nofalepa, naloma Jisas Krais nagiambamepa na'a. Dei' ipe' pakwaham mehip paila anom basef dambaimi.

Galesia 5:8

God ina nanda'epa na'ama, owa'. Anan nofalepa pafi'mai anan.

Efesus 1:11

God nanda' amamaga amama hi'alam naila fowa' damba damba Anan okom na'iam. Ea' nosahe'apa mape la'ifipa maloma Jisas Krais. Dei' main, Anan naila okom ananinai si'i fowa' damba damba okom na'iam.

Efesus 1:5

Anan okom nainailapa endilisi. Amama atom Anan nali' okom na'i nosahe'apa nofa'apa numafiapa mataga si'i awasi ananipai. Anan naila okom Ananinai atona nanda'ama lagel Jisas Kraisi atona.

Efesus 2:6

God nafelapa mape namepa maloma Jisas Krais, mofa' agel lu'unai mape la'ifipa maloma anan, ea' ukup mapomana ilif heven.

Efesus 3:11

Anan nanda'am na'ama etin si'i okom ananinai atona nape la'ela'ef na'iama lagel dembinai ape'inai Krais Jisasi atona.

Efesus 4:4

Alop etifina, Ambal Bu'unai Godi etifina. Amama na'ama etin si'i amamaga etifim, God nali' nofalepa pape pehafana.

Kolosi 3:4

Krais ofagonama ambal namunai ape'inai anona nemaf notaga nondawalap alihiguma, ea' ipe' wapoti' petaga pefa' nafifili Ananinai pelomana.

1 Tesalonaika 2:12

Wa'ipipam na'ama ma ipe' penda' waf nefe' andeande'ma God nitilipa ninifelipa. Ea' nofalepa pafi'i piwis pelomana wambel Ananinai howalogoma.

2 Timoti 2:11

Basef amama endilisimi ape' mombale'efam la'ifipa. Basef amama. I'i endilisi ape' moga' molomana, anona nemaf mohafel mope namepa molomana wapoti'.

Hibrui 9:15

Amama atom dei' Krais nape la'afen numafi basef amama dambaimi God na'i endilisimi atom. Anan naga' ma natala esis amam nematawa notagahis ma waf aonai esis sanda'anai nogota anama sape owina basef God nali' na'i endilisimi atom. Ea' dei' emi egafis God nofalasa sigi'mana, esis sofa' ambal anama namunai sope andeande' la'ela'ef. Amama ambal namunai si'i fowa' gani God na'i endilisimi atoma sofa'ami.

1 Pita 2:9

God nosahe' ipe' ea' pape epes Ananipei. Ipe' panda' maola dembinai king Jisas Krais pendilalimana si'i pris. Ea' pape amam nematawa Godi etipa epes hiesi ganima hiagoma. God nosahe'epa ea' Ananipei etipa ma pewalapa pepel bu'unai naloma agel lu'unai Ananinai. Anan nofalepa nanda'epa pakwaha owamb pafi'mai nafifili bu'unai Ananinai.

1 Pita 3:9

Ipe' ina pegwa waf aonai, owa'. I'i esis si'ipipa basef findiwaimi, ipe' ina pegwamasam, owa'. I'i esis sonda'mepa waf aonai, ipe' pegwamas penda'mas waf bu'unai atona pi'ipas basef bu'wami ma God nofalo'mas. Dei' main, God nofalepa ma pefa' amamaga bu'wami anona nemaf nofalo'mepa.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

2 Pita 1:10

Ea' ipe' penda' waf bu'unai pepe la'ifipa endilisi pikila' fowa' pali' panda'ana paila basef amama fowa' God nofalepa nosahe'epa ma pape ananipei etipa. Penda'am na'ama ma pegawa endilisi God nofalepa nosahe'epa. I'i ipe' penda'am na'ama la'ela'ef, nambimb ina pewa ma anona waf aonai, owa'.

Revelesen 17:14

Anona nemaf mopa' moloma sipsip noganai. Ea' sipsip noganai nikila'am. Epes saila fala ananinai naloma basef ananimi andeande', isima nandandepas ananisi etis, epes isima anona nemaf la'ifisa solomana sigikila' wandaf anama.”

Revelesen 19:9

Ea' ensel anama na'ipi na'i, “Ine' da'a basef amama. Epes isima God nofalas sofi'mai gwa'aimi lu'wami ma sipsip noganai noso' nemata'w akwama, isima esis sondanifel.” Ea' anan na'ipi wapoti' na'i, “Basef amama basef Godi endilismi.”