Basef Amama Pol Nandaꞌam Mafeꞌma Esis Romi 8:3 - Basef Buꞌwami Godi

³ Maol anama mi'uli anama God fowa' naso' Mosesanai owa' la'ifina nonda'ana, God nanda'ana. Dei' main, opalef ape' epesi ina la'ifim. Dei' God nanda' maol anama na'ama. Nasapa'i Nogalomana Ananinai atona nafi'i nataga si'i ape' epes manda' waf aonai. Ama nokwahomapa waf aonai hi'alana. Anan nafi'i ma nokwaha waf aonai ape' epesi noloma nimanimi ma waf anama ea' God nase'anam mapoma anan atona. God nanda'am na'ama dei' nanda' basefa waf aonai ape' manda'anai.

Basef Amama Pol Nandaꞌam Mafeꞌma Esis Romi 8:3 Iomraidhean Croise

Mak Nandaꞌafi 15:27

Felefele'ma Jisas naima, amam soldia maunda anom biam manda' waf aonai manda' wali. Amam maunda Jisas nail la'afen, ea' maunda amam biam mail wa'owa'ol. [

Jon Nandaꞌafi 1:14

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

Jon Nandaꞌafi 9:24

Ea' amam mofalai aman anama wapoti' ma'ipana ma'i, “Ine' ni'i basef endilisimi atom, God natilina. Afa' ogawa aman anama Jisas, anan aman aonai.”

Aposel 13:39

Mi'uli anama God naso' Mosesanai anama ina la'ifina ma nokwaha waf aonai ipe' panda'anai ma pepe wafifipa andeande', owa'. Na'ama aman anama nakwaha waf hianai aonai ma ipe' emi egafipa pembale'efa anan, ma pepe wafifipa bo'wepa ma naep Godi.

Basef Amama Pol Nandaꞌam Mafeꞌma Esis Romi 3:20

Dei' main, waf anama maila mi'uli anama, owa' enin epen atitin anona nemaf nefa' agel epen bu'unai andeande' ma naep Godi, owa'. Mi'uli anama nihi'ambapa waf aonai ape' manda'anai.

Basef Amama Pol Nandaꞌam Mafeꞌma Esis Romi 6:6

Ape' mogawa opalef apimi ape'imi maga' mail lawag usi'inai tu'wanainai maloma Krais ea' God natofa waf aonai nanda' maol nape alop ape'inai. Amama atom dei' ape' ina mape owina waf aonai wapoti', owa'.

Basef Amama Pol Nandaꞌam Mafeꞌma Esis Romi 7:18

Ae' egawa opaf ae'anai nomon, ina anom nomonas bu'wami mape, owa'. Opaf anama apinai ae'anai atona nahambombage. Endilisi, ae' okom na'i enda' waf bu'unai atona, owa'. Ina la'ifiwi anda'ana, owa'.

Basef Amama Pol Nandaꞌam Mafeꞌma Esis Romi 8:32

Anan ina umbamahanama nase'apai Nogalomana ananinai, owa'. Anan nasapa'anai nafi'i ma nagiambama ape' hiapai. Na'ama dei' anona nemaf Anan nose'apai anom amamaga hiami wapoti' moloma anan.

Basef Amama Pol Nandaꞌam Mafeꞌma Esis Romi 9:3

Ae' okom na'i endilisi ma a'i God nofa'ai esis alupusi esimbel ae'ami Israel sotanimani. I'i anona eaf nope, ae' enda' betena Kraisa ae' hegigili eho'ofa esis sefe' wambel bu'unai heven, ea' ae' owa'.

2 Korin 5:21

Aman anama ina nanda' waf aonai ea' God nakolasa awami ape'imi hiami mafe'ma anan atona ea' ofagema ape'imi mapoma anan atona nofa'am. Anan nanda'am na'ama ma ape' mape la'ifipa maloma Jisas Krais mefa' waf ananinai bu'unai.

Galesia 3:13

Ea' Krais natagahepa ma okom wandafunai Godi nape mi'uli ananinai. God nanda' nimanimi ma awami ape' manda'ami hiami nakolasom mafe'ma anan atona, ea' ofagema amama mapoma anan atona nofa'am. Dei' main, basef mail Baibeli ma'i, “Emi egafis saundas sahas sail lawah usi'imi tu'wanaimi, amama atom sape owina okom wandafunai Godi.”

Galesia 3:21

Ipe' pa'i basef amama mail mi'uli esis Juda sailanai ma'i mosambala basef la'ifimi God na'i endilisimi atom o owa'? Owa'etin. Dei' main, ape' hiapai mape etapi manda' waf aonai. I'i God nease'apa anona mi'uli ma mofa' ambal namunai, ape' meataga epes bu'unai mope andeande' ma mila mi'uli anama. Owa'etin. Basef mail buk Baibeli ma'i waf aonai ape' manda'anai membalo' ape' hiapai.

Filipai 2:7

Anan nowa' alafuga ma waf anama ea' dei' nataga epen endilisinai nanda' waf anama nataga agel a'ana nanda' opeh nape owina enis epes.

Hibrui 10:12

Ea' aman anama nonda' ofa nemaf atotona, nase'ana Anan atona nondolalima Goda nakwaha waf aonai epes sanda'anai, amama mape la'ela'ef. Anan nanda'am na'ama ma ea', dei' nape naloma God lagel da'isinai Ananinai.

Hibrui 10:14

Dei' main, Krais nase'ana alop ananinai atona God nondolalimana nemaf atotona, ea' amama atom nanda' epes sataga bo'wes andeande' sope la'ela'ef. Epes isima Anan dei' nape la'ela'ef nanda'as anona nemaf sotaga bo'wes andeande'.

Hibrui 2:14

Epes Anan nofalapa awasi ananipai, epes etapasi selapai. Amama atom Jisas wapoti' nataga epen na'ama etin si'i ape' epes etapasi selasi. Anan nataga epen na'ama ma naga' nohambombaga aman anama aonai Satan la'ifina nanda' epes hiesi saga'.

Hibrui 2:17

Amama atom Anan nataga na'ama etin endilisi si'i owasana ananisi ma nataga pris dembinai nape nali'ma pris hiami. Anan aman na'i uwahipisa ape' nanda' maol Godi andeande' endilisi. Ea' Anan nataga si'i owasana Ananisi ma natofa okom wandafunai Godi napoma amam nematawa hiesi sanda' waf aonai.

Hibrui 4:15

Dei' main, pris anama Dembinai anan la'ifinama niti ape' uwahipipa maina nogota ape' owa' la'ifipama muli'amona waf aonai, ea' alop ape'inai owa' la'ifina ma monda' maol. Amamaga hiami mataga magwamba ape', amama mali' mataga magwamba Anan wapoti'. Ea' Anan ina nanda' anona waf aonai, owa'.

1 Pita 2:24

Krais anan atona naga' nail lawag usi'inai tu'wanainai ea' nofa' waf aonai ape' manda'anai ma alop ananinai. Anan nanda'ama ape' mope si'i saga' sakwaha waf aonai hi'alana. Ama ape' mope namepa ambal namunai nupaipa mila waf bu'unai hianai.