Basef Amama Pol Nandaꞌam Mafeꞌma Esis Romi 8:29 - Basef Buꞌwami Godi

²⁹ Dei' main, epes isima God fowa' nogawas ea' nosahe'asa sotaga sondati na'ama etin si'i Nogalomana Ananinai ma Anan notaga nope si'i sahalomas dembinai ma esis sahin owan wambota ananinai.

Basef Amama Pol Nandaꞌam Mafeꞌma Esis Romi 8:29 Iomraidhean Croise

Matyu Nandaꞌafi 12:50

Emi egafis sila okom Ahalome nape heven ilif, ma sila waf ananinai, amama atom si'i mama'we owape henitiame ae'asi.”

Matyu Nandaꞌafi 25:40

Ea' ae' dembiwei king egwamasa basef i'i, ‘Ae' a'ipipa endilisi! Maim opeh bu'wami ipe' panda'ama pagiambama esis sahin owan ae'asi falafisi agof a'asi, amama ipe' ina panda'masam esis etis, owa'. Panda'meam ae' wapoti'.’

Matyu Nandaꞌafi 28:10

Ea' Jisas na'ipawa na'i, “Ipe' ina umbamehepa, owa'. Ipe' bipa pefe' pi'ipa amam owape ae'ami mofo'o Galili. Atuwasi motolowe ganima.”

Matyu Nandaꞌafi 7:23

Nemaf anama ae' iwalipas i'ipas alihis na'ama i'i, ‘Fowa' gani pafi'i pafi'i pataga dei' Ae' ina egawa ipe', owa'. Ipe' epes panda' waf aonai, ipe' si'amae, ipe' fo'o.’

Jon Nandaꞌafi 17:16

Esis ina saila waf etapanai si'i ae' wapoti' ina etap anae'wei, owa'.

Jon Nandaꞌafi 17:19

Ine' nigiambame epe ine'iwei atowe ma igiambama esis wapoti' sotaga bo'wes andeande' ine'isi etis.

Jon Nandaꞌafi 17:26

Ae' awalapa agel ine'inai ea' ma esis. Ea' ae' ewalapana etin la'ela'ef hihif. Ama esis sofa' waf anama ukup maimaila epes hiesi si'i ine' okom nainaila ae' ma ae' epe nomona esis.”

Jon Nandaꞌafi 20:17

Ea' anan Jisas na'i, “Ina nihapila alop ae'anai, owa'. Dei' main? Ae' ina dei' etanima afe'ma Ahalome gani ilif, ata' owa'. Ine' nefe'ma owape ae'ami ni'ipam ni'i, Ae' etanima elata ilifa Ahalome ae'anai, Ahalomepa ipe'inai. Efe'ma God Dembinai ae'anai, God Dembinai ipe'inai.”

Basef Amama Pol Nandaꞌam Mafeꞌma Esis Romi 11:2

Epes hiesi isima Godi anan fowa' nandandepas ea', ina nali'amonas, owa'. Ipe' pegawa basef Elaijai mail Baibeli. Elaija nanda' beten nanda' kotima esis Israela God, na'i na'ama na'i,

Basef Amama Pol Nandaꞌam Mafeꞌma Esis Romi 13:14

Ea' dei' pefa' Dembinai Jisas Krais ea' pindawisana si'i luwaguf amama lu'wami sanda' wandafami pefa'ama pelam. Ipe' ina ukup motamea pila ukup awami alop atonaimi, owa'.

Basef Amama Pol Nandaꞌam Mafeꞌma Esis Romi 9:23

Anan na'i nowalapam motaga alihim amamaga nafifili bu'unai ananinai ma enis epes anan nati uwahipis sogawam. Epes isima anan naila okom ananinai atona fowa' nandandepasa nose'asa nafifili esis.

1 Korin 15:49

Dei' ata' mape si'i aman anama etapanai ea' anona nemaf mope na'ama etin si'i aman anama nafi'i heveni.

1 Korin 2:7

Basef gawaimi ae' awalipasami, awalipasa basefa gawa Godi atona. Gawa anama fowa' nape nandambaho'ma epes, fowa' gani God ata' owa' nonda' etap anae' Anan nandandepa gawa anama ma ape' mofa' nafifili Ananinai.

1 Korin 8:3

Ea' emi epen okom nainaila Godi, God nogawa epen inima ea' ananinai atona.

2 Korin 3:18

Ea' ape' hiapai dei' mape amagah wafimi, nafifili bu'unai Dembinai nafifima ape', ape' mififima enis epes. Ape' mape na'ama dei' Ambal Bu'unai Godi naho'ofa waf ape'inai ea' mandati si'i Dembinai ma nafifili anama nataga lu'una la'ela'ef nafe' etin nape. Amama mataga Dembinai atona, anan Ambal Bu'unai Godi.

Efesus 1:11

God nanda' amamaga amama hi'alam naila fowa' damba damba Anan okom na'iam. Ea' nosahe'apa mape la'ifipa maloma Jisas Krais. Dei' main, Anan naila okom ananinai si'i fowa' damba damba okom na'iam.

Efesus 4:24

pefa' opaf dambainai. God nanda' opaf anama dambainai nataga si'i anan atona ma waf bu'unai endilisinai.

Filipai 3:21

Anona nemaf nomboma alop anama ape'inai notaga bo'ona nifififil endilisi si'i alop ananinai. Anan nonda'ama pepel ananinai atona. Pepel anama anan nonda' amamaga hiami mofe' mope owina anan atona.

Kolosi 3:10

Ea' anan nanda'epa pataga dambaipa la'ela'ef ma petaga na'ama etin si'i Anan nape, Anan nanda' opaf anama namunai ma ape' mogawana endilisi.

2 Timoti 1:9

God nofa'apa mutanimani mope andeande'. Anan nofalapa amam nematawa ananipai atepa mope bo'wepa andeande'. Anan ina okom napoma waf bu'unai ape' manda'anai nofalapa, owa'. Okom Ananinai atona nainailapa nofalapa nagiambamapa na'a. Fowa' dambadamba ina dei' nanda' etap, ata' owa', Jisas Krais nandahomapa nagiambamapa na'a.

2 Timoti 2:19

Ea' dei' God nawa anona olaf la'ifinai dei' notawa. Olaf anama anom amef mailana ma'i na'ama ma'i, “Dembinai nogawa andeande'ma epes isima Ananisi.” Ea' anom wapoti' ma'i, “Emi egafis sa'i agel Dembinai, sokwaha waf aonai.”

1 Pita 1:2

Fowa' gani Ahalomapa God nogawepa nosahe'epa ea' Ananipei. Ambal Bu'unai Ananinai atona nanda'epa pataga Ananipei etipa bo'wepa andeande'. Anan nanda'epa na'ama ma pila waf Jisas Kraisi Anan nasa'opepa esimbel ananimi pataga bo'wepa. Ae' a'i God nigiambamepago na'a nonda'epa petaga la'ifipa ma opalef ipe'imi mope awanema pepe si'ipa la'ela'efa waf anama.

1 Pita 1:20

God owa' ata' nonda' etap anae' notagae, Anan nandandepa Krais ea' ma naga' si'i sipsip anama. Nimeguf amama hiami dei' magi' matagai, Anan nataga nandawalap alihina ma nagiambamepa.

1 Jon 3:2

Ipe' alupipei, ae' okom nainailipa. Dei' ape' mape awasi Godi. Ea' anona nemaf mope mi'imama, amama ape' ina dei' mogawam, ata' owa'. Ea' ape' mogawa anona nemaf Krais notaga alihina, nemaf anama motolona notaga nope endilisi si'i Anan nape.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.