Basef Amama Pol Nandaꞌam Mafeꞌma Esis Romi 8:25 - Basef Buꞌwami Godi

²⁵ Ea' amamaga ape' ata' owa' meatulumi ape' mogawa endilisi anona nemaf mofa'ami, amama ape' ukup la'ifim mapomam ea' mape mohafam.

Basef Amama Pol Nandaꞌam Mafeꞌma Esis Romi 8:25 Iomraidhean Croise

Luk Nandaꞌafi 21:19

Ipe' pepe la'ifipa ma anona nemaf pefa' ambal namunai.

Luk Nandaꞌafi 8:15

Ea' anom mowa etap bu'unai, si'i enis same' basef bu'wami sembale'am la'ifis. Opalef asasimi bo'om same' basef Godi sailam. Esis sape la'ifis sanda' waf bu'unai la'ela'ef, isima sape si'i olelemb mataga malo mail mola gwa'aimi andeande'i.

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 8:23

Ea' ina amamaga amama atom, owa'. Ape' mogawa ape' epes ananipai wapoti', God okom na'i anona nemaf owagama nigiambamapa ma mope andeande'. Ea' dei' anan nali' nase'apa Ambal Bu'unai Ananinai. Ambal Anama nase'apana etin. Ea' ape' wapoti' mame' nimanimi mawal malef mape mohafa anona nemaf God nonda'apa motaga awasi Ananipai endilisi. Nemaf anama nese'apa alop dambainai namunai.

Kolosi 1:11

Afa' wanda'mepa beten wapoti' na'ama. Wa'i God nonda'epa petaga la'ifipama pepel Ananinai bu'unai nafifili endilisi. Ama ipe' nambimb pitu la'ifipama pefa' maim nimanimi meatagamipei ma pendanifel ea' opalef ipe'imi ina mohafel endilisi, owa'. Mope so'umbel.

1 Tesalonaika 1:3

Afa' la'el'ef wa'ipa God ahalomapa ape'inai ma ipe' wanda' betena ipe'. Ipe' pembale'efa God panda' waf bu'unai. Fowa' ipe' paso' opalefa God naloma enis epes wapoti'. Ea' dei' panda' maol lu'unai Godi. Ipe' ukup mape la'ifipa pehafa Dembinai Jisas Krais nifi'i. Ea' afa' wanda' beten nimeguf hiami ma ipe'.

2 Tesalonaika 3:5

Afa' wa'i Dembinai nonda' opalef ipe'imi ma pegawa God okom nainailipa endilisi. Afa' wa'i nemaf anama nimanimi motagamepa, pitu la'ifipa ma pepel Kraisi atona penda' waf bu'unai atona.

Hibrui 10:36

Ipe' pitu la'ifipa ma pila okom Godi ma pefa' amamaga bu'wami fowa' Anan na'iam endilisi ma niesi'ipami.

Hibrui 6:12

Ae' andaiwa'ma ipe' ala'uta nepa, owa'. Ipe' pila waf epes isima sombale'efa God endilisi ma esis ina ukup mandasosol, owa'. Ae' a'i ipe' pefa' amamaga bu'wami fowa' God na'iama basef endilisimi atom na'i anona nemaf noso'asam epes Ananisi.

Hibrui 6:15

Ea' Abraham name' basef amama dei' ina ala'uta nana, owa'. Nape sa'ombel nohafa amamaga bu'wami God fowa' na'i neaso'anami mila basef amama na'i endilisimi atom.

Revelesen 1:9

Ae' Jon sahalomepa ipe'iwei. Ae' alomepa, ape' hiapai Jisasi atepa mape la'ifipa malomana. Ae' alomepa mandao'oma mofa' nimanimi ma muwis wambota Godi numafiapa. Ape' mape la'ifipa maloma Jisas ea' ape alomepa mandao'oma ape' hiapai mape so'umbel mape maitu la'ifipa na'ama etina mofa' nimanimi. Ae' awalapa basef Godi maloma basef endilisimi ma opeh Jisas nanda'ami. Amama atom dei' esis sandaiwa'me sagalo'me afi'i ape ailan agiliguma sa'i Patmos.

Revelesen 13:10

I'i esis si'i sonda' enin epen nefe' nenda' kalabus, enin nefe' nenda' kalabus. I'i esis si'i soha enin epen noga'ma bainat, enin noga' ma bainat. Endilisi waf anama nimaninai atona anona nemaf notaga. Ipe' amam nematawa Godi pepe la'ifipa pembale'efa God la'ifipa andeande'.

Revelesen 14:12

Nemaf anama nimanimi amama motaga, enis amam nematawa Godi situ la'ifis. Esis amam nematawa isima saila mi'uli Godi ma sombale'efa Jisas la'ifis andeande'.