Basef Amama Pol Nandaꞌam Mafeꞌma Esis Romi 8:23 - Basef Buꞌwami Godi

²³ Ea' ina amamaga amama atom, owa'. Ape' mogawa ape' epes ananipai wapoti', God okom na'i anona nemaf owagama nigiambamapa ma mope andeande'. Ea' dei' anan nali' nase'apa Ambal Bu'unai Ananinai. Ambal Anama nase'apana etin. Ea' ape' wapoti' mame' nimanimi mawal malef mape mohafa anona nemaf God nonda'apa motaga awasi Ananipai endilisi. Nemaf anama nese'apa alop dambainai namunai.

Basef Amama Pol Nandaꞌam Mafeꞌma Esis Romi 8:23 Iomraidhean Croise

Luk Nandaꞌafi 20:36

Esis ina soga' wapoti', owa'. Sopen si'i ensel Godi. Sotanima sohafel hi'agilif wapoti'. Na'ama sope awasi Godi.

Luk Nandaꞌafi 21:28

Nemaf anama amamaga amama mohafel, ipe' pitu piniga. Dei' main, nemaf anama felefele'ma neataga God notagahipa ma waf aonai ipe' panda'anai nofa'epa petanimani.”

Basef Amama Pol Nandaꞌam Mafeꞌma Esis Romi 5:11

Ea' ina amama atom, owa'. Ape' mandanifel ma God. Dei' main? Fowa' ape' mape naumbih Ananipai ea' dei' Dembinai ape'inai Jisas Krais nali'amona naumbih ape'imi nanda'apa mataga alupipai malomana. Ea' dei' mandanifel ma Anan.

Basef Amama Pol Nandaꞌam Mafeꞌma Esis Romi 5:3

Ape' ina mandanifela amama atom, owa'. Ape' mandanifela nimanimi meatagamapa wapoti'. Dei' main, ape' mogawa mofa'ama monda'apa la'ifipa.

Basef Amama Pol Nandaꞌam Mafeꞌma Esis Romi 5:5

I'i ape' mogawa endilisi na'ama, bale'ef ape'inai ina anona nemaf hegililana, owa'. Dei' main, God nase'apa Ambal Bu'unai Ananinai ea' waf okom nainailapa nape lu'una opalef ape'imi.

Basef Amama Pol Nandaꞌam Mafeꞌma Esis Romi 7:24

Ea' uwahipiwi! Ae' epen danifel a'e, okom nimaninaiwei. Emi egalin netagahowe ma opaf apinai dei' nahe aga'i?

Basef Amama Pol Nandaꞌam Mafeꞌma Esis Romi 8:19

Amamaga hiami lu'wami so'umi God nanda'ami maloma ape' epes wapoti' maniga mati endilisi ea' mape mohafa nogota ape'inai ma awasi Godi anona nemaf sotaga sondawalap alihis.

1 Korin 1:7

Ea' dei' ipe' pape ukup mohafel endilisi pehafa Dembinai ape'inai Jisas Krais anona nemaf notaga nondawalap alihina. Nemaf anama pape pehafana pefa' presen hianai Ambal Bu'unai Godi nase'epana na'a.

2 Korin 7:5

Fowa' afa' wafi'i otaga etap hiagoma Masedonia, alop afa'inai ina napoma noma'w owa'. Nimanimi mamumami hiami matagamafa, sa'i basef la'ifimi safitap salomafa. Ea' umbamahafa ukup matamea.

Galesia 5:5

Ea' owa' etin. Ape' mombale'efa Kraisa pepel Ambal Bu'unai Godi. Ea' mogawa endilisi mape mohafa anona nemaf God ni'i ape' bu'upai ma okom ananinai.

Efesus 1:14

Nihi'ambepa ape' mogawa endilisi la'ela'ef mopoma anona nemaf nose'apa amamaga bu'wami ape' epes ananipai. Anan nose'apam nemaf anama notagahepa nofa'apa mofe' mope molomana. God nanda'am na'ama ma ape' monda' epes hiesi sefela agel ananinai lu'una, agel anama bu'unai endilisi.

Efesus 4:30

Ipe' ina penda' anona waf aonai ma penda' Ambal Bu'unai Godi aona, owa'. Anan anona ikwaf Godi ma God nandandepepa ma pape ananipei etipa si'ipa ma anona nemaf notagahepa waf aonai nofa'epa petanimani pepan andeande'.

Efesus 5:9

Epes safe' alipi sawalapai waf bu'unai, endilisinai hianai.

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Hibrui 9:28

Ea' na'ama etin si'i Krais nase'ana Anan hi'alana nondolalima Goda nemaf atotona nakwaha waf aonai epes hiesi sanda'anai. Anona nemaf wapoti' nigi' notanima nifi'i. Ea' Anan ina nifi'i ma nokwaha waf aonai epes sanda'anai, owa'. Nifi'i ma nofa' epes isima sape sohafanai.

1 Pita 1:7

Nimanimi amama matagamepa ma God nowaloga bale'ef ipe'inai nonda'ana notaga bo'ona la'ifina. Ipe' ukup mopoma otamba gol, amama buwami satalom otamba lu'wami. Ea' bale'ef ipe'inai nikila' gol amama bo'ona endilisi. Gol amama anona nemaf higililam, ea' esis saofam nifa motaga bo'om. Bale'ef ipe'inai na'ama etin anona nemaf notaga bo'ona la'ifina ma nimanimi amama meatagamipei. God nowaloga bale'ef ipe'inai ma nondawalap notaga bo'ona la'ifina. Ama anona nemaf Jisas Krais notaga nondawalap alihina, God nese'epa agof lu'wami moloma basef bu'wami ninifalipamami ma agel lu'unai.

1 Jon 3:2

Ipe' alupipei, ae' okom nainailipa. Dei' ape' mape awasi Godi. Ea' anona nemaf mope mi'imama, amama ape' ina dei' mogawam, ata' owa'. Ea' ape' mogawa anona nemaf Krais notaga alihina, nemaf anama motolona notaga nope endilisi si'i Anan nape.