Basef Amama Pol Nandaꞌam Mafeꞌma Esis Romi 8:2 - Basef Buꞌwami Godi

² Dei' main, pepel Ambal Bu'unai Godi nase'apa ambal namunai ape', anan natagahepa ma pepel waf aonai naloma pepel naga'i. Anan nanda'am na'ama ma Krais Jisas atona ea' mape la'ifipa ma anan dei' mape wafifipa.

Basef Amama Pol Nandaꞌam Mafeꞌma Esis Romi 8:2 Iomraidhean Croise

Jon Nandaꞌafi 4:10

Ea' Jisas nagwama'wa basef akwa'w na'i, “I'i ine' okom nopeina ma neagawa anom amamaga bu'wami pressen God na'i neasi'inami, ama ine' negawa aman anama nahali'inai ma embel, ine' nihali'anama anom embel ambal namunai napaimi Anan nese'enam.”

Jon Nandaꞌafi 4:14

Ea' emi egafis sea' embel amama ae' a'i iese'asami, esis ina nambimb eap nese'as wapoti' ma nimeguf hiami la'ela'ef sope, owa'etin. Embel amama ae' ase'asami nambimb mataga si'i embel mataga etin mawai lae'la'ef mape ma nomon opalef asasimi sofa' ambal namunai sope andeande' la'ela'ef hihif.”

Jon Nandaꞌafi 6:63

Ambal Bu'unai Godi atona nese'epa ambal namunai pepe andeande' la'ela'ef hihif. Ea' waf hianai epes sanda'anai ina nagiambamepa, owa'etin. Basef amama atom ae' a'iami, amama mataga Ambal Bu'unai Godi amama ambal namunai napaimi mape andeande' la'ela'ef hihif.

Jon Nandaꞌafi 8:32

Ea' ipe' nambimb pegawa basef endilisimi ea' amama atom motagahipa pepe wafifipa.”

Jon Nandaꞌafi 8:36

I'i Ae' Nogalomana Ananiwei etagahipa panda' waf aonai newa'epa la'ifipa, nambimb pepe andeande' wafifipa endilisi.

Basef Amama Pol Nandaꞌam Mafeꞌma Esis Romi 16:3

Ipe' penda'mas nemaf bu'unai Akwila naloma waulu'mana Prisila ea' pi'ipaso danifel ae'anai. Esis bias ape' mandao'oma manda' maol etin Krais Jisasi. Fowa' esis sandandombol endilisi ma sagiambama ae'. Nemaf anama enis sa'i sehe, esis ina umbamahas, owa'.

Basef Amama Pol Nandaꞌam Mafeꞌma Esis Romi 3:27

Ea' dei' ape' eaf a'apa ma mefela agof ape'imi atom lu'um, owa'. Eaf anama ea' naso'. Main de'im mahefa eaf anama? A'i waf anama maila mi'uli God naso' Mosesanai? Owa'etin! Waf mombale'efa Jisasanai atona nahopa eaf anama.

Basef Amama Pol Nandaꞌam Mafeꞌma Esis Romi 5:21

Fowa' waf aonai nataga lu'una ma ape' hiapai dei' maga'. Ea' dei' waf God nandahomapa anai nikila' waf anama aonai. Anan nandahomapa ea' nofalapa amam nematawa bu'upai ma mofa' ambal namunai nape la'ela'ef ma Dembinai ape'inai Jisas Krais.

Basef Amama Pol Nandaꞌam Mafeꞌma Esis Romi 6:14

Ipe' pegawa waf aonai ina ata' nape lu'unama ipe' wapoti', owa'. Dei' main, ipe' dei' ina ata' pape owina mi'uli anama God fowa' naso' Mosesanai ma pilana, owa'. Ipe' pape owina waf Godi atona okom nainailapa ma nandahomapa.

Basef Amama Pol Nandaꞌam Mafeꞌma Esis Romi 6:18

Anan natagahepa ma pepel waf aonai, dei' pataga epes panda' maol pape owina waf bu'unai natagahepa ma waf aonai.

Basef Amama Pol Nandaꞌam Mafeꞌma Esis Romi 6:22

Ea' dei' God natagahepa ma waf aonai nanda'epa pape panda' maola anan pape owina anan la'ela'ef. Maol anama nola gwa'aimi amama. Ipe' pepe bo'wepa ananipei etipa ma pefa' ambal namunai pepe andeande' la'ela'ef.

Basef Amama Pol Nandaꞌam Mafeꞌma Esis Romi 7:21

Amama atom dei' ati waf na'amainai nape ae'. Okom na'i enda' waf bu'unai, ea' waf aonai nape opaf ae'anai na'ipi anda'am.

Basef Amama Pol Nandaꞌam Mafeꞌma Esis Romi 7:23

Ea' ati anona waf nape alop si'ina wa'ana ae'anai nomon. Ea' waf anama napa' naloma mi'uli anama nape okom ae'anai. Waf anama atona nape alop wa'ana ae'anai nembalo' ae' nanda'e anda' maola waf anama aonai.

Basef Amama Pol Nandaꞌam Mafeꞌma Esis Romi 7:4

Ipe' alupipei ae'ipei, ae' a'i i'ipipa basef amama ofagema. Ape' hiapai mape la'ifipa maloma Krais ea' amama atom dei' maga' ea'. Dei' mi'uli anama God fowa' nase' Mosesanai ina ata' nowa'apa la'ifipa wapoti', owa'. Ape' mape la'ifipa paloma Jisas aman God nafelona nohafel hi'agif wapoti' ea' monda' maol ananinai atona.

Basef Amama Pol Nandaꞌam Mafeꞌma Esis Romi 8:1

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

1 Korin 15:45

Baibel wapoti' na'i, “Aman nali'i Adam nataga ambal namunai napaina.” Ea' Adam nagi' natagai nataga Ambal Bu'unai ma nase'as ambal namunai epes hiesi.

2 Korin 3:17

Dembinai anama anan Ambal Bu'unai Godi. I'i Ambal Dembinai nope enin epen, ina ata' anom amamaga mili'akwa enin, owa'. Enin nape wafifin.

2 Korin 3:6

Ea' anan atona nanda'afa la'ififa ma wanda' maola eaf basef dambaimi God na'i endilisimi atom. Basefa mi'uli anama ina sanda'am mail pas atom, owa'. Amama Ambal Bu'unai Ananinai nawalapami. Basef sanda'am mail pas atom maha epes saga', ea' Ambal Bu'unai Ananinai nanda'as sofa' ambal namunai sope namis.

Galesia 2:19

Dei' main, mi'uli anama nahe si'i aga'. Ina la'ifina nefela ae' wapoti', owa'. Dei' nahe aga' ma etaga epe namowe efa' ambal namunai ila okom Godi. Ea' ae' ape la'ifiwi ma Krais aga' ail alomana lawag usi'inai tu'wanainai.

Galesia 5:1

Krais atona natagahepa mape wafifipa. Amama atom dei' ipe' pitu la'ifipa. Ina ata' pi'i aho'ma enis epes si'ipipa pitanima pepe pila mi'uli anama esis Juda sailanai wapoti', owa'.

Galesia 6:2

Ipe' pigiambama sahin owan ipe'isi ma pefa' nimanimi asasimi. Penda' waf anama nefe' nondahama mi'uli Kraisi endilisi.

Jems 1:25

Ea' basef mi'uli Godi matagahepa makwaha waf aonai, amama andeande'. Emi egalin niti mi'uli anama ofagema andeande' la'ela'ef nilam, epen inima God nofalo'man nonda'an nendanifela maina maol anan nanda'anai.

Revelesen 11:11

Nimeguf si'imi wanom tu'waninai hi'ilam, God nosapa'i ambip Ananimi mofe' muwis nomona amam biam ea' ambal nopaim mohafel mitu. Ea' epes sotolom umbamahas endilisi.

Revelesen 22:1

Ea' ensel anama nihi'ambe anona walemb lu'unai. Walemb anama howalagon pelele' endilisi si'i glas. Walemb anama nandambe nafi'i balata lu'unai Godi natomanai naloma balata lu'unai Sipsip Noganai natomanai ea' kolo' etin nafe'.