Basef Amama Pol Nandaꞌam Mafeꞌma Esis Romi 8:15 - Basef Buꞌwami Godi

¹⁵ Dei' main, ipe' ina pefa' Ambal Bu'unai Godi nowa'epa la'ifipa si'i sanda' kalabusi ma ata' umbamehepa wapoti', owa'. Ipe' pefa' Ambal Bu'unai anama nanda'epa pataga awasi Godi. Pepel Ambal Bu'unai atona dei' mofalana ma'i, “Ahalomapa! Ahalomapa!”

Basef Amama Pol Nandaꞌam Mafeꞌma Esis Romi 8:15 Iomraidhean Croise

Matyu Nandaꞌafi 25:25

Ae' okom napoma ine'. Na'ama ae' umbamahe ma ine', dei' afe' ala'agon ambaho'am 1,000 kina ine'inai amboho'ana nape etap. Amama amamaga ine'imi ea' ine' tanima fa'amo.’

Mak Nandaꞌafi 14:36

Ea' nahali' God na'i, “Aba Ahalome, ine' la'ifinai ma nanda' amamaga hiami hi'alam. Nekwahome nimanimi amama. Ea' nila okom ine'inai atona, ae' owa'.”

Luk Nandaꞌafi 11:2

Ea' na'ipam na'i, “Nemaf anama ipe' pi'i penda' beten, ipe' pi'iam na'ama pi'i, ‘Ahalomapa, ape' ma'i agel ine'inai nope bo'ona ma hiesi sefela agel ine'inai lu'una. Ape' ma'i nemaf anama bu'unai nifi'i ma epes hiesi siowis wambota ine'inai numafias.

Luk Nandaꞌafi 22:42

“Ahalome, ine' ni'i a'e, nekwahome kap anama. Ea' ine' nila okom ine'inai atona, ae' owa'.” [

Luk Nandaꞌafi 8:28

Anona ambal aonai nahapilana tatala'ina. Esis sombalo'ana sumafiana nimeguf hiami sanda' seni hankap sowa'ana lagof bo'wagah, owa'. Nahape'am etin. Ea' ambal anama aonai nofa'ana nafe' anama epes a'agoma. Aman anama nafi'i nati Jisas, nindiwa nembawa notawa felefele'ma bo'wagah ananimi. Ea' Jisas na'ipana mehip na'i, “Ine' ambal aonai, nekwaha aman anama ine' fo'o.” Ea' nofalana mehip endilisi na'i, “Jisas, ine' Nogalomana dembinai God nape ilif endilisi, ine' na'i nenda' maina ae'? Ae' a'ipina mehip, ine' owa' nese'e nimanimi ae'.”

Luk Nandaꞌafi 8:37

Ea' epes hiesi sape anama Gerasai hiesi umbamahas endilisi. Ea' sa'ipa Jisas sa'i, “Ine' nekwaha ape' fo'o.” Ea' Jisas nalata bot anama notanima nafe'.

Jon Nandaꞌafi 16:8

Nemaf anama niefi'ianai, nihi'amba esis amam nematawa saila waf etapanai ma sogawa basef ofagema ma waf aonai noloma waf bu'unai noloma wafa God nowaloga epes hiesi ma nonda'masa basef.

Jon Nandaꞌafi 20:17

Ea' anan Jisas na'i, “Ina nihapila alop ae'anai, owa'. Dei' main? Ae' ina dei' etanima afe'ma Ahalome gani ilif, ata' owa'. Ine' nefe'ma owape ae'ami ni'ipam ni'i, Ae' etanima elata ilifa Ahalome ae'anai, Ahalomepa ipe'inai. Efe'ma God Dembinai ae'anai, God Dembinai ipe'inai.”

Aposel 16:29

Ea' anan numafi kalabusi mehip nofalasa nogwapin sofa'ana safi'i ea' nasagih nafi'i nawisi nomon Pol naloma Sailas mapoma. Anan umbamahana endilisi ilaus mana nape nindiwa nembawa notawa opalefima amam biam.

Aposel 2:37

Esis same' basef amama, maha opalef asasimi endilisi. Ea' sa'ipa Pita naloma anom aposel sa'i, “Ipe' sahopapa, dei' ape' monda' maina mope andeande'?”

Basef Amama Pol Nandaꞌam Mafeꞌma Esis Romi 8:16

Ambal Bu'unai Godi atona nape la'ifina ma ape' nagiambama ambagof ape'imi ea' dei' mawalapa basef ma'iam alihim, mape awasi Godi.

Basef Amama Pol Nandaꞌam Mafeꞌma Esis Romi 8:23

Ea' ina amamaga amama atom, owa'. Ape' mogawa ape' epes ananipai wapoti', God okom na'i anona nemaf owagama nigiambamapa ma mope andeande'. Ea' dei' anan nali' nase'apa Ambal Bu'unai Ananinai. Ambal Anama nase'apana etin. Ea' ape' wapoti' mame' nimanimi mawal malef mape mohafa anona nemaf God nonda'apa motaga awasi Ananipai endilisi. Nemaf anama nese'apa alop dambainai namunai.

Basef Amama Pol Nandaꞌam Mafeꞌma Esis Romi 8:26

Ea' Ambal Bu'unai Godi wapoti' nafi'i nagiambama ape' owa' la'ifipai nanda'apa la'ifipa. Maina nemaf ape' ukup owa' la'ifima mogawa basef amama mahali'anami, Ambal Ananinai nanda' beten nagiambamapa. Anan nanda' beten ea' anan ina nanda' beten nahali'ana ma anom basef, owa'. Nawal nalef etin nanda' beten. Ea' God nogawa ukup epesi hi'alam nogawa okom Ambal Ananinai wapoti'. Dei' main, nemaf anama Ambal Ananinai nanda' beten na'ama, Anan naila okom Godi nanda' betena ape' epes Ananipai.

Basef Amama Pol Nandaꞌam Mafeꞌma Esis Romi 9:4

Ape' Israel God nandandepapa ea', nanda'apa mataga awasi ananipai ea' na'i aho'ma miti' nafifili ananinai. Anan na'i basef ananimi endilisimi atom nalomapa ea' nase'apa mi'uli bu'unai ananinai naloma waf endilisinai monda' lotumanai. Ape' mofa' basef amama God na'i endilisimi atomi.

1 Korin 2:12

Ape' ina mofa' spirit ambal etapanai, owa'. Ape' dei' mofa' Ambal Bu'unai nape naloma God nafi'i ma mogawa amamaga maim God nase'apam na'ai.

2 Korin 11:4

Dei' main, enis epes safi'i satagama ipe' sawalapa basefa anona Jisas, anan ina Jisas anama afa' wawalapa basef wa'ianai, owa'. Ea' ipe' dei' pefa' anona ambal, ina Ambal Bu'unai Godi fowa' ipe' pefa'anai, owa'. Ea' ipe' pefa' anom basef, ina basef amama bu'wami Godi pefa'ama afa', owa'. Epes isima safi'i sambaso'mepa sa'i anom basefa anona Jisas la'afena ipe', ea' pa'i aho'ma epes isima pandagalamas pa'i basef asasimi bu'wami.

Galesia 2:4

Basef amama Taitus natopa' alop o ina natopa' alop mataga na'ama. Fowa' amam mambaso'ami ma'i amam Kristen sahin owan endilisimi motopa' alop amamunai. Ea' mandambaho' mawisi nomona ape' Kristen ma'i miti waf bu'unai Jisas Krais nase'apana ape' mape la'ifipama Anan. Ea' dei' natagahepa ma waf aonai mape wafifipa. Amam ma'i mogawa waf anama mape wafifipa ea' ma'i muli'akwapa mope owina basef amamumi fowa'imi.

Galesia 5:1

Krais atona natagahepa mape wafifipa. Amama atom dei' ipe' pitu la'ifipa. Ina ata' pi'i aho'ma enis epes si'ipipa pitanima pepe pila mi'uli anama esis Juda sailanai wapoti', owa'.

Efesus 1:5

Anan okom nainailapa endilisi. Amama atom Anan nali' okom na'i nosahe'apa nofa'apa numafiapa mataga si'i awasi ananipai. Anan naila okom Ananinai atona nanda'ama lagel Jisas Kraisi atona.

2 Timoti 1:7

Ambal Bu'unai God nase'apanai ina nonda'apa umbamohapa, owa'. Anan nase'apa waf anama mitu la'ifipamanai ma ukup mimila enis epes ea' mumafi alop ape'inai andeande'.

Hibrui 2:15

Jisas natagaha amam nematawa hiesi la'ela'ef umbamahasa ga', nahapilas la'ifis. Ea' Anan natagahisa umbamahas sape andeande'.

Jems 2:19

Ine' nembale'efana na'ama na'i, “God atotona nape.” Ine' na'i na'ama, andeande'. Ambagof awami wapoti' mombale'efana na'ama etin ea' umbamaham bombol etin kwapete'am.

1 Jon 4:18

God okom nainailapa, ape' wapoti' ukup maimailana. Ea' ina umbamahapa, owa'. I'i waf anama notaga bo'ona endilisi ma ape', anama natofa waf umbamahapamanai nowala hi'alana. Dei' main, epes umbamahasa amamaga nimanimi anona nemaf God nowalogasa waf aonai nose'asami. Emi egafis umbamahas, waf ukup maimaila God ina nataga bo'ona endilisi ma esis, ata' owa'.