Basef Amama Pol Nandaꞌam Mafeꞌma Esis Romi 8:1 - Basef Buꞌwami Godi

¹ Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

Basef Amama Pol Nandaꞌam Mafeꞌma Esis Romi 8:1 Iomraidhean Croise

Jon Nandaꞌafi 14:20

Nemaf anama ipe' pegawa ae' ape Ahalome, ape nomona ipe', ipe' pape ae'.

Jon Nandaꞌafi 15:4

Ipe' pepe ae' ea' ae' nambimb epe ipe'. I'i agof atom wafim, ina mola gwa'aimi, owa'. I'i agof owa' mondala la'ifim lawag si'ina, amam ina molo andeande', mil mola gwa'aimi, owa'. Ea' na'ama etin si'i ipe'. I'i ipe' owa' pepe peloma ae', ipe' wapoti' ina pela anom gwa'aimi, owa'etin.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Basef Amama Pol Nandaꞌam Mafeꞌma Esis Romi 16:3

Ipe' penda'mas nemaf bu'unai Akwila naloma waulu'mana Prisila ea' pi'ipaso danifel ae'anai. Esis bias ape' mandao'oma manda' maol etin Krais Jisasi. Fowa' esis sandandombol endilisi ma sagiambama ae'. Nemaf anama enis sa'i sehe, esis ina umbamahas, owa'.

Basef Amama Pol Nandaꞌam Mafeꞌma Esis Romi 16:7

Ipe' pese'amo danifel noloma nemaf bu'unai ae'anai ma amam amama Andronikus noloma Junias, amam wapoti' Judaimi si'i ae'. Amam manda' kalabus maloma ae'i. Amam aposel ma'i amam biam manda' maol bu'unai Godi. Amam mali'ma ae' mombale'efa Krais.

Basef Amama Pol Nandaꞌam Mafeꞌma Esis Romi 5:1

Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

Basef Amama Pol Nandaꞌam Mafeꞌma Esis Romi 5:16

Waf bu'unai God nandahomapa anai anama ina nape etifigin naloma waf aonai aman anama atotona nanda'anai, owa'. Aman anama nanda' waf atotona aonai. Ea' God nawalogapa epes hiapai na'i, “Ipe' awepa hi'alepa endilisi.” Ape' manda' waf aonai hianai ea' God okom nainailapa nandahomapa na'i ape' epes bu'upai.

Basef Amama Pol Nandaꞌam Mafeꞌma Esis Romi 7:17

Ea' ina ae' atowe anda'ana, owa'. Waf aonai nape opaf ae'anai nomon, anama atona nanda'am.

Basef Amama Pol Nandaꞌam Mafeꞌma Esis Romi 8:11

Fowa' God nafela Jisas notanima nohafel hi'agif. Ea' Ambal ananinai nagiambamepa na'ama. Ipe' epes emi egafipa Ambal Bu'unai Godi napaipa nomon, nase'epa ambal namunai alop ipe'inai wapoti'. Ipe' paga' ea', dei' anan nanda'epa pape namipa.

Basef Amama Pol Nandaꞌam Mafeꞌma Esis Romi 8:14

Emi egafis saila wafa Ambal Bu'unai Godi, isima dei' sape awasi Godi wambota ananinai.

Basef Amama Pol Nandaꞌam Mafeꞌma Esis Romi 8:2

Dei' main, pepel Ambal Bu'unai Godi nase'apa ambal namunai ape', anan natagahepa ma pepel waf aonai naloma pepel naga'i. Anan nanda'am na'ama ma Krais Jisas atona ea' mape la'ifipa ma anan dei' mape wafifipa.

Basef Amama Pol Nandaꞌam Mafeꞌma Esis Romi 8:34

Anona nemaf ina enis epes sofalapa si'i ape' epes aopai ma God nogwamapa waf aonai ape'inai, owa'. Dei' main, Krais Jisas naga' notanima nohafel wapoti'. Ea' anan nape lagel da'isinai Godi nape la'ifinai ea' nanda' beten nagiambamapa wapoti'.

Basef Amama Pol Nandaꞌam Mafeꞌma Esis Romi 8:39

amamaga pepel aonai nape ilif etap owini, anom amamaga migi' meafi'i, amamaga amama hiami ina anona nemaf la'ifima melefatapa ma okom lu'unai Godi, owa'etin. Anan okom nainailapa la'ela'ef nihi'ambapa amama ma Krais Jisas Dembinai ape'inai.

Basef Amama Pol Nandaꞌam Mafeꞌma Esis Romi 8:4

Anan nanda'am na'ama ma ape' mofe' mila waf bu'unai nape mi'uli anama. Dei' main, ape' dei' ina mafe' maila fe' anama opalef apimi, owa'. Mafe' maila fe' dambainai Ambal Bu'unai Godi.

Basef Amama Pol Nandaꞌam Mafeꞌma Esis Romi 8:9

I'i Ambal Bu'unai Godi nupaipa, ipe' ina ata' pape owina waf anama apinai aonai ma okom apinai, owa'. Ipe' pape owina waf Ambal Bu'unai Godi. Ea' emi egafis Spirit Ambal Kraisi owa' nopaisi, isima ina epes Kraisi, owa'.

1 Korin 1:30

God nahapona ipe' pape la'ifipa paloma Krais Jisas ea' God nanda' Krais nape ofagonama gawa ape'inai. Anan atona eaf ape'inai ma God nanda'apa mope bu'upai ma naep ananimi ma mope ananipai atepa. Anan atona natalepa nakwahepa ma waf aonai ma mape wafifipa.

1 Korin 15:22

Amamaga amama na'ama. Epes hiesi Adami hiesi saga'. Ea' na'ama etina epes isima hiesi sape la'ifisa Kraisi, anona nemaf God nonda'as sotanima sohafel wapoti' sofa' ambal namunai ma sope namusi.

2 Korin 12:2

Ae' egawa anona aman Kraisi, basef ananimi mape na'ama. Fowa' afagof 14-peleim mafe'ma ea', God nofa'ana nalata ilif heven nafe'ma wenifiguma gani ilif. Aman anama ambal atona nalata o naloma alop nalata, ina egawana. God atona nogawana.

2 Korin 5:17

Emi egafis sope soloma Kraisi, God nanda' esis sataga dambais endilisi. Dei' peme' andeande'. Waf anama apinai asasinai hi'alana. Dei' saila waf dambainai.

Galesia 3:13

Ea' Krais natagahepa ma okom wandafunai Godi nape mi'uli ananinai. God nanda' nimanimi ma awami ape' manda'ami hiami nakolasom mafe'ma anan atona, ea' ofagema amama mapoma anan atona nofa'am. Dei' main, basef mail Baibeli ma'i, “Emi egafis saundas sahas sail lawah usi'imi tu'wanaimi, amama atom sape owina okom wandafunai Godi.”

Galesia 3:26

Ipe' pembale'efa Krais Jisas. Amama atom dei' ipe' hipei pataga awasi Godi, pape la'ifipa paloma Krais Jisas.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

Galesia 5:16

Basef ae' a'iami amama. Ipe' pembale'efa Ambal Bu'unai Godi pefe'. I'i ipe' pilam penda'am na'ama, ina anona nemaf pila waf apinai, owa'.

Galesia 5:25

Ambal Bu'unai Godi atona nase'apa ambal namunai napaipa. Ea' dei' ape' mila waf ananinai mefe'.

Efesus 1:1

Ae' Pol okom Godi atona nandandepe ataga aposel Jisas Kraisi ma anda' maol ananinai awalapa basef ananimi. Ae' anda' basef amama mafe'mago ipe' epes Godi pape Efesusi, ipe' pembale'efa Krais Jisas andeande' pape la'ifipa palomana.