Basef Amama Pol Nandaꞌam Mafeꞌma Esis Romi 7:8 - Basef Buꞌwami Godi

⁸ Mi'uli anama si'i anama eafa waf aonai nefela okom nanda' ae' kowalema amamaga hiami. I'i mi'uli anama owa'etin, ae' waf aonai a'e.

Basef Amama Pol Nandaꞌam Mafeꞌma Esis Romi 7:8 Iomraidhean Croise

Mak Nandaꞌafi 7:22

sohambombaga waf dase'amainai, waf kowalasanai, waf sa'i sofa' amamaga hiami ma esis etis, baso'amunai naninani aonai, sesambala basef, simbisambas, sa'i basef awami, ukup aoma enis epes, findiwa, safela agof asasimi atom lu'um, waf gawa a'anai.

Jon Nandaꞌafi 15:22

I'i ae' owa' ifi'i ie'ipasa basef amama, esis ofagema ma waf aonai a'as. Owa'etin. Dei' esis owa' anona eafa sombaho'a waf aonai asas sanda'anai, owa'.

Jon Nandaꞌafi 15:24

Esis saila waf etapanai ina sati anona aman nanda' opeh mandahama opeh ae' anda'ami, owa'. I'i ae' owa' enda 'opeh amama, esis ofagenama waf aonai a'as. Ea' dei' sati opeh ae'ami la'ifimi ea' sowa' alafugaha ae' ukup aom endilisi ma ae' aloma Ahalome ae'anai wapoti'.

Basef Amama Pol Nandaꞌam Mafeꞌma Esis Romi 3:20

Dei' main, waf anama maila mi'uli anama, owa' enin epen atitin anona nemaf nefa' agel epen bu'unai andeande' ma naep Godi, owa'. Mi'uli anama nihi'ambapa waf aonai ape' manda'anai.

Basef Amama Pol Nandaꞌam Mafeꞌma Esis Romi 4:15

Dei' main, mi'uli anama nawalapa okom wandafunai Godi ma nose'as nemanimi isima sosambala basefa mi'uli anama. I'i ape' owa' mila basefa mi'uli anama, God okom wandafunai napomapa. I'i mi'uli anama owa', God ina ni'i epes sumbisila' mi'uli anama satopa'ana, owa'.

Basef Amama Pol Nandaꞌam Mafeꞌma Esis Romi 5:20

Ea' mi'uli anama God fowa' naso' Mosesanai natagama esis sogawa waf esis sanda'anai aona satopa' mi'uli anama. Ea' esis ina sakwaha waf anama aonai, owa'. Sanda'ana hianai endilisi. Ea' eaf God nandahomasanai nataga lu'una endilisi ma esis.

Basef Amama Pol Nandaꞌam Mafeꞌma Esis Romi 7:11

Dei' main, waf aonai nasopama eafa mi'uli anama ea' nambaso'me. Mi'uli anama nafela okoma ae' nihi'ambe waf aonai nahe aga'.

Basef Amama Pol Nandaꞌam Mafeꞌma Esis Romi 7:13

A'i mi'uli anama bu'unai nahe aga'? Owa'etin! Waf aonai atona nahe aga'. Ea' amamaga amama si'i anona eafa waf aonai nahe aga' ma waf anama aonai ofagena nataga nandawalap. Ea' mi'uli anama nihi'ambapa waf aonai ofagena, waf anama aona endilisi.

Basef Amama Pol Nandaꞌam Mafeꞌma Esis Romi 7:17

Ea' ina ae' atowe anda'ana, owa'. Waf aonai nape opaf ae'anai nomon, anama atona nanda'am.

Basef Amama Pol Nandaꞌam Mafeꞌma Esis Romi 7:9

Fowa' gani mi'uli anama ata' owa', nogota anama ata' ape okom nase'e lolaiwi ma waf aonai. Anom nimeguf mafe'ma ea' basef ofagema ma mi'uli anama mafi'mai ae' ea' waf aonai nohafel nafe' ambal ae'anai ea' nahe aga'ma mi'uli anama. Do'ok li' God nanda' mi'uli ananinai ma nefela ambal namunai ea' ae' ine' efa' ambal namunai ma mi'uli anama, owa'. Mi'uli anama nahe aga' etin.

1 Korin 15:56

Wamba'w saga'manai nataga ma waf aonai ea' pepel ma waf aonai nataga na'ama. Ape' epes hiapai matopa' basefa mi'uli Godi hi'alapa. Amama atom dei' mi'uli anama nawalapai pepel ma waf aonai.