Basef Amama Pol Nandaꞌam Mafeꞌma Esis Romi 7:7 - Basef Buꞌwami Godi

⁷ Mi'uli anama God fowa' naso' Mosesanai nape na'ama. Dei' ape' ata' mi'iam mi'imama? Mi'i mi'uli atona waf aonai o owa'? Owa'etin! Mi'uli anama God fowa' naso' Mosesanai nihi'ambe maina waf aonai ofagena ma egawana. Waf anama kowalasanai nape na'ama. Mi'uli anama na'iam na'ama na'i, “Ina kowalena ma anom amamaga anona amani, owa'.” I'i mi'uli anama owa' nihi'ambe na'ama, ae' ina egawa waf aonai kowalasanai, owa'.

Basef Amama Pol Nandaꞌam Mafeꞌma Esis Romi 7:7 Iomraidhean Croise

Matyu Nandaꞌafi 5:28

Dei' ae' a'ipipa na'ama a'i, i'i anona aman nieti ano'w nemata'w, ama okom ananinai nehafema akwa'w, aman anama ea' nanda' waf aonai so'a waulanai ma okom ananinai.”

Luk Nandaꞌafi 12:15

Ea' anan na'ipas na'i, “Ipe' pindumafuma andeande'ma ipe' ina kowalepama anom amamaga. Epen amamaga hiamini endilisi, ina nefa' ambal namunai ma amamaga amama ananimi, owa'.”

Luk Nandaꞌafi 20:16

Nambimb nifi'i noham afum hi'ilam, nose'asa aof anama nofe'ma enis epes.” Esis same' basef amama sa'i, “Waf anama aonai endilisi. Afa' wandaiwa'mana.”

Aposel 20:33

Ae' ina kowalema otamba siliwa gol luwaguf maim enin epeni, owa'.

Basef Amama Pol Nandaꞌam Mafeꞌma Esis Romi 13:9

Ape' mogawa mi'uli anama na'iam na'ama na'i, “Ine' owa' nehambombaga waf daso'amainai ea' owa' neha enis amam nematawa soga', owa' nokowalef, ea' ina kowalena ma amamaga enis epesi, owa'.” Mi'uli anama naloma mi'uli hianai napani wapoti', ofagena anama atona na'i na'ama na'i, “Ine' okom ninila enis epes na'ama etin si'i ipe' ukup mapoma ipe' etipa.”

Basef Amama Pol Nandaꞌam Mafeꞌma Esis Romi 3:20

Dei' main, waf anama maila mi'uli anama, owa' enin epen atitin anona nemaf nefa' agel epen bu'unai andeande' ma naep Godi, owa'. Mi'uli anama nihi'ambapa waf aonai ape' manda'anai.

Basef Amama Pol Nandaꞌam Mafeꞌma Esis Romi 3:5

Dei' i'ipipa anom basef ape' epes ukup ma'iami. Basef amama na'ama. Dei' ata' mama? I'i waf aonai ape' manda'anai nawalapa waf bu'unai Godi nataga alihina, ape' nambimb mi'iam mi'imama? Mi'i God nanda' waf aonai okom wandafunai nogwamapa waf aonai ape' manda'anai? Owa'etin. I'i God nonda' waf aonai, dei' Anan nowaloga waf amam nematawa hiesi sanda'anai ma main? Owa'etin.

Basef Amama Pol Nandaꞌam Mafeꞌma Esis Romi 4:1

Ape' mi'i basefa Abraham akunamapa ape' Judai mi'imama? Anan nanda' maina God na'i anan epen bu'unai?

Basef Amama Pol Nandaꞌam Mafeꞌma Esis Romi 4:15

Dei' main, mi'uli anama nawalapa okom wandafunai Godi ma nose'as nemanimi isima sosambala basefa mi'uli anama. I'i ape' owa' mila basefa mi'uli anama, God okom wandafunai napomapa. I'i mi'uli anama owa', God ina ni'i epes sumbisila' mi'uli anama satopa'ana, owa'.

Basef Amama Pol Nandaꞌam Mafeꞌma Esis Romi 5:20

Ea' mi'uli anama God fowa' naso' Mosesanai natagama esis sogawa waf esis sanda'anai aona satopa' mi'uli anama. Ea' esis ina sakwaha waf anama aonai, owa'. Sanda'ana hianai endilisi. Ea' eaf God nandahomasanai nataga lu'una endilisi ma esis.

Basef Amama Pol Nandaꞌam Mafeꞌma Esis Romi 6:15

Ea' dei' ape' ata' monda'am mi'imama? Ape' ina mape owina mi'uli anama God fowa naso' Mosesanai, owa'. Ape' dei' mape owina waf anama God nandahomapa etin. Ea' dei' ape' monda' waf aonai? Owa'etin endilisi!

Basef Amama Pol Nandaꞌam Mafeꞌma Esis Romi 7:11

Dei' main, waf aonai nasopama eafa mi'uli anama ea' nambaso'me. Mi'uli anama nafela okoma ae' nihi'ambe waf aonai nahe aga'.

Basef Amama Pol Nandaꞌam Mafeꞌma Esis Romi 7:13

A'i mi'uli anama bu'unai nahe aga'? Owa'etin! Waf aonai atona nahe aga'. Ea' amamaga amama si'i anona eafa waf aonai nahe aga' ma waf anama aonai ofagena nataga nandawalap. Ea' mi'uli anama nihi'ambapa waf aonai ofagena, waf anama aona endilisi.

Basef Amama Pol Nandaꞌam Mafeꞌma Esis Romi 7:5

Fowa' ata' mape la'ela'efa opalef apimi, mi'uli anama God fowa' naso' Mosesanai nafilai ukup awami ma alop ape'inai. Ea' manda' maola waf aonai nawalapai ga'.

Basef Amama Pol Nandaꞌam Mafeꞌma Esis Romi 7:8

Mi'uli anama si'i anama eafa waf aonai nefela okom nanda' ae' kowalema amamaga hiami. I'i mi'uli anama owa'etin, ae' waf aonai a'e.

1 Korin 15:56

Wamba'w saga'manai nataga ma waf aonai ea' pepel ma waf aonai nataga na'ama. Ape' epes hiapai matopa' basefa mi'uli Godi hi'alapa. Amama atom dei' mi'uli anama nawalapai pepel ma waf aonai.

Efesus 5:3

Waf anama hianai so'a waolanai, neloma waf aonai alop atonai neloma kowalasanai, ipe' ina penda'ana, owa'. Basefa waf anama ina mataga la'afena ipe', owa'. Dei' main, ine' andeande'ma ape' amam nematawa Godi manda' waf anama, owa'.

Kolosi 3:5

Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

1 Tesalonaika 4:5

Waf anama na'ama. Opalef ipe'imi ina usihima waf aonai sanda' so'a waolanai, si'i isima sololama God sanda'anai, owa'. Hapainai.

Hibrui 7:19

Dei' main, mi'uli anama ina nanda' epes sataga bo'wes andeande' ma naep Godi, owa'. Ea' dei' God nandoga anona eaf, anama bu'unai nikila' mi'uli anama, dei' eaf anama atona ape' mogawa endilisi God nagiambamapa ea' mefe' felefele'ma Anan.